បីថ្ងៃពិធីបុណ្យចូលឆ្នាំនៅភ្នំពេញ ប្រមូលសំរាមបានជាង ៧ ១៣៤ តោនយកទៅទុកដាក់ទៅទីលានទុកដាក់សំរាម ថយចុះ ៤៨% បើធៀបនឹងឆ្នាំមុន

បន្ទាប់ពីពិធីបុណ្យចូលឆ្នាំថ្មីប្រពៃណីជាតិខ្មែរ ត្រូវបានបញ្ចប់ បងប្អូនប្រជាពលរដ្ឋ ចាប់ផ្តើមចាកចេញពីស្រុកកំណើត វិលចូលមកកាន់រាជធានីភ្នំពេញវិញជាបន្តបន្ទាប់ ។

នាថ្ងៃទី១៧ ខែមេសា ឆ្នាំ២០២៦នេះ ដែលជាថ្ងៃបញ្ចប់ នៃការផ្តល់រថយន្តក្រុងសាធារណះជិះឥតគិតថ្លៃរបស់រាជរដ្ឋាភិបាល គេសង្កេតឃើញថា ៖ បណ្តាបងប្អូនពលរដ្ឋ សិស្សនិស្សិត កម្មករនិយោជិក បានទទួលយកសេវាដឹកជញ្ចូន ដោយជិះធ្វើដំណើរចាកចេញពីស្រុកកំណើតនៅតាមបណ្តាខេត្តនានា ចូលមករាជធានីភ្នំពេញវិញ ដើម្បីបន្តប្រកបរបររកស៊ីទទួលទាន និងបំពេញកិច្ចការងារជាធម្មតា ។

ប្រជាពលរដ្ឋសម្តែងក្តីពេញចិត្ត និងរីករាយជាខ្លាំងដែលបានជិះរថយន្តក្រុងឥតគិតថ្លៃ ទាំងការធ្វើដំណើរទៅ និងមក ។ ពួកគាត់អរគុណរាជរដ្ឋាភិបាលជាខ្លាំង ដែលតែងតែគិតគូរពីសុខទុក្ខរបស់ពលរដ្ឋគ្រប់ៗគ្នា ពិសេសការផ្តល់រថយន្តក្រុងជិះឥតគិតថ្លៃរៀងរាល់បុណ្យជាតិធំៗ ដែលបានជួយសម្រួលខ្ពស់លើការចំណាយថ្លៃធ្វើដំណើរ ។

គួររំលឹកថា រថយន្តក្រុងសាធារណៈរបស់រាជរដ្ឋាភិបាល តាមរយៈសាលារាជធានីភ្នំពេញ ចំនួន៦០០គ្រឿង បានដាក់ឱ្យបម្រើដឹកជញ្ចូនឥតគិតថ្លៃជូនពលរដ្ឋ តាំងពីថ្ងៃទី១២មកម្លេះ រហូតដល់ថ្ងៃទី១៧ មេសា ឆ្នាំ២០២៦នេះ គឺជាថ្ងៃបញ្ចប់ហើយ ពោលមានរយៈពេល០៦ថ្ងៃ ។

ក្នុងចំណោមរថយន្តក្រុងសាធារណៈទាំង៥៩៧គ្រឿងខាងលើ មាន១០០គ្រឿងសម្រាប់ប្រើប្រាស់ដឹកជញ្ចូនពលរដ្ឋក្នុងរាជធានីភ្នំពេញ និង៥០០គ្រឿងទៀតសម្រាប់ប្រើប្រាស់ក្នុងការដឹកជញ្ចូនពលរដ្ឋចេញទៅតាមបណ្តាខេត្តទាំង២៤នៅទូទាំងប្រទេស នឹងត្រឡប់ពីតាមបណ្តាខេត្តចូលមករាជធានីភ្នំពេញវិញផងដែរ ៕ អត្ថបទ ៖ លីហេង