ព័ត៌មាន
ស.ស.យ.ក៖ ការរៀបចំព្រឹត្តិការណ៍នគរសង្ក្រាន្តទទួលបានជោគជ័យលើសពីការរំពឹងទុក
សហភាពសហព័ន្ធយុវជនកម្ពុជា (ស.ស.យ.ក.) បានវាយតម្លៃថា ការរៀបចំព្រឹត្តិការណ៍នគរសង្ក្រាន្តនៅរាជធានីភ្នំពេញរយៈពេល ៦ថ្ងៃ ពីថ្ងៃទី១៤-១៩ ខែមេសា ឆ្នាំ២០២៦ គឺទទួលបានជោគជ័យលើសពីការរំពឹងទុក និងបានប្រព្រឹត្តទៅដោយជោគជ័យ មានសសន្តិសុខ សុវត្ថិភាពល្អដោយមិនមានបញ្ហាអ្វីកើតឡើងគួរឲ្យកត់សម្គាល់។
ឯកឧត្តម សុខ សប្បាយណា សមាជិកគណៈអចិន្ត្រៃយ៍ គណៈកម្មាធិការកណ្តាល សហភាពសហព័ន្ធយុវជនកម្ពុជា (ស.ស.យ.ក.) និងជាប្រធានក្រុមការងារប្រតិបត្តិ បានថ្លែងក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ នៅថ្ងៃទី១៩ ខែមេសា ឆ្នាំ២០២៦ ថា ការរៀបចំព្រឹត្តិការណ៍នគរសង្ក្រាន្ត នៅរាជធានីភ្នំពេញ រយៈពេល ៦ថ្ងៃ ពីថ្ងៃទី១៤-១៩ ខែមេសា ឆ្នាំ២០២៦ គឺទទួលបានជោគជ័យលើសពីការរំពឹងដោយបានប្រព្រឹត្តទៅដោយជោគជ័យ មានសុខសុវត្ថិភាពល្អដោយមិនមានបញ្ហាអ្វីកើតឡើងគួរឲ្យកត់សម្គាល់។ សហភាពសហព័ន្ធយុវជនកម្ពុជាថ្លែងអំណរគុណក្នុងការសហការដ៏ស្អិតរមួតថ្នាក់ដឹកនាំរដ្ឋបាលរាជធានីភ្នំពេញ និងកងកម្លាំងអាជ្ញាធរមានសមត្ថកិច្ចគ្រប់លំដាប់ថ្នាក់ ក្នុងការឲ្យដំណើរការព្រឹត្តិការណ៍នគរសង្ក្រាន្ត ប្រព្រឹត្តទៅដោយជោគជ័យ។
ឯកឧត្តមបានបញ្ជាក់ថា ទោះបីជាយើងរៀបចំព្រឹត្តិការណ៍នគរសង្ក្រាន្ត ក៏យើងបានផ្ញើ និងពាំនាំក្តីនឹករលឹកក្តីស្រឡាញ់ និងការដឹងគុណទៅដល់វីរកងទ័ព និងវីរនគរបាលនៅជួរមុខផងដែរ។ ដោយនៅថ្ងៃទី១៦ ខែមេសា ឆ្នាំ២០២៦ សហភាពសហព័ន្ធយុវជនកម្ពុជា បាននាំយកក្រមាជាង១ម៉ឺន ជាមួយសារជូនពរ អំបុក និងនំអន្សម ចែកជូនដល់វីរកងទ័ពនៅខេត្តបន្ទាយមានជ័យ។ ហើយនៅថ្ងៃទី១៧ ខែមេសា ឆ្នាំ២០២៦ បាននាំយកក្រុមារជាង៥ពាន់ក្រមា អំបុក និងនំអន្សម ជូនដល់កងទ័ពជួរមុខនៅថ្មដា ខេត្តពោធិ៍សាត់។ ក្នុងការរៀបចំនគរសង្ក្រាន្ត គឺបំផុសបន្ថែមការសាបភ្ជាប់រវាងជួរក្រោយ និងជួរមុខ។
ឯកឧត្តម បានបន្តថា ការរៀបចំនគរសង្ក្រាន្តនៅរាជធានីភ្នំពេញទទួលបានជោគជ័យលើសពីការរំពឹងទុក ការរៀបចំនេះទោះបីជាពេលវេលាខ្លី គឺជាចលនាដើម្បីដៃម្ខាងចងចាំ ដៃម្ខាងទៀតដើរទៅមុខបង្ហាញភាពរឹងមាំ។ ហើយសុំវាយតម្លៃខ្ពស់ចំពោះការខិតខំប្រឹងប្រែងរបស់អាជ្ញាធរមានសមត្ថកិច្ចគ្រប់លំ ដាប់ថ្នាក់មន្ត្រីពាក់ព័ន្ធទាំងអស់ធ្វើឲ្យព្រឹត្តិការណ៍នគរសង្ក្រាន្តទទួលបានជោគជ័យ៕ អត្ថបទ៖ វង្ស សុភាព
-
ព័ត៌មាន1 week agoអង្គភាពប្រឆាំងអំពើពុករលួយ និងសភាពាណិជ្ជកម្មប្តេជ្ញារួមគ្នាកសាងវប្បធម៌ស្អាតស្អំក្នុងធុរកិច្ច
-
ព័ត៌មាន6 days agoក្នុងកិច្ចប្រជុំគណៈរដ្ឋមន្រ្តី សម្តេចធិបតីក្រើនរំលឹកឲ្យកងកម្លាំងគ្រប់ប្រភេទត្រៀមអន្តរាគមន៍ជួយពលរដ្ឋរងគ្រោះដោយសារទឹកជំនន់
-
ព័ត៌មាន1 week agoសម្តេចប្រធានរដ្ឋសភា៖ សន្និសីទប្រធានសភានៃអន្តរសភាលើកទី២ ជាការចងក្រងបណ្តាញ អ្នកស្រលាញ់សន្តិភាពដើម្បីលើកម្ពស់វិបុលភាពរបស់ប្រជាពលរដ្ឋ
-
ព័ត៌មាន1 week agoក្រុមហ៊ុន ប៊ីវីអឹម និង Intertek ចុះហត្ថលេខាដើម្បីបង្កើតភាពជាដៃគូយុទ្ធសាស្រ្តលើការត្រួតពិនិត្យគុណភាពប្រេងឥន្ធនៈ
-
ព័ត៌មាន6 days agoពលរដ្ឋ៖ កេរ្ដិ៍ឈ្មោះកម្ពុជា នឹងកាន់តែល្អបន្ទាប់ពីជោគជ័យ កម្ទេចមជ្ឈមណ្ឌលឆបោកតាមប្រព័ន្ធបច្ចេកវិទ្យា
-
ព័ត៌មាន5 days agoមន្រ្តីឧទ្យានុរក្សបន្តចុះល្បាតនិងទប់ស្កាត់ការកាប់រានដីព្រៃ ចំនួន១២ករណីនៅក្នុងឧទ្យានជាតិគិរីរម្យ
-
ព័ត៌មាន1 day agoពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ
-
ព័ត៌មាន6 days agoអាជ្ញាធររៀបចំឱ្យអាជីវករដែលរងផលប៉ះពាល់ដោយគ្រោះអគ្គីភ័យនៅផ្សារនាគមាស អាចចូលទៅលក់នៅក្នុងទីតាំងអតីតដីមជ្ឈមណ្ឌលម៉ង់ឌីយ៉ាល់ជាបណ្តោះអាសន្នសិន