ស្នាដៃបច្ចេកទេសរបស់សិស្សនិស្សិតចំនួន ៥ ដែលលេចធ្លោ ត្រូវបានដាក់តាំងបង្ហាញក្នុងទិវា TVET Day លើទី៩ ក្នុងវិទ្យាស្ថាន PCCFPI ខេត្ដព្រះសីហានុ

(ព្រះសីហនុ)៖ ស្នាដៃបច្ចេកទេសរបស់សិស្សនិស្សិតចំនួន ៥ប្រភេទ ត្រូវបានដាក់តាំងបង្ហាញ​ក្នុងឱកាស​អបអរសាទរ​ទិវាជាតិ​អប់​រំបណ្តុះ​បណ្តា​ល​បច្ចេក​ទេ​​ស និង​វិ​ជ្ជាជីវៈ(TVET Day) លើកទី៩ ឆ្នាំ២០២៦ នៅវិទ្យាស្ថានពហុបច្ចេកទេសមិត្តភាពកម្ពុជា-ចិន ខេត្តព្រះសីហនុ (PCCFPI) ដើម្បីបង្ហាញ​ពីជំនាញជាក់ស្តែង និងសមត្ថភាពនៃចំណេះដឹងបច្ចេកទេសពីសាលា។

ស្នាដៃទាំង ៥ប្រភេទ ដែលត្រូវបានដាក់តាំងបង្ហាញរួមមាន Vehicle Lighting System, Anti-lock Brake System (ABS), Construction Tower Crane Lifting Capacity, Motor and Electric Drive Control និង Installation Lighting in Building។

លោក ង៉ែត សុភ័ក្រ ជាប្រធានការិយាល័យទំនាក់ទំនង ស្រាវជ្រាវ និងអភិវឌ្ឍន៍ នៃវិទ្យាស្ថាន PCCFPI បានលើកឡើងថា៖« ស្នាដៃ​ដែល​បាន​ដាក់​តាំង​បង្ហាញ​នេះ បានឆ្លុះ​បញ្ចាំង​ពីសមត្ថ​ភាព​របស់​សិស្សនិស្សិត ក្នុងការយកចំណេះដឹងទ្រឹស្តីមកអនុវត្តជាក់ស្តែង និងអាចដោះ​ស្រាយ​បញ្ហា​បច្ចេក​ទេស​ដែល​ជួបប្រទះ​នៅក្នុងការងារប្រចាំថ្ងៃ»។

ទន្ទឹមនេះ លោកបានបញ្ជាក់ថា ដើម្បីចូលរួមអបអរសាទរទិវា TVET Day លើកទី៩ ឆ្នាំ២០២៦ វិទ្យាស្ថានបានរៀបចំសកម្មភាពជាច្រើន រួមមាន ការ​តុប​តែង​បរិវេណវិទ្យាស្ថានជា​មួយប​ដាពាក្យស្លោ​កផ្សព្វផ្សាយ​អំពី TVET, ការរៀ​បចំស្តង់តាំ​ងបង្ហាញ​ស្នាដៃសិ​ស្សនិស្សិត និងផលិត​ផល​ពីក្រុម​ហ៊ុន​ឯក​ជន ព្រមទាំងការជួបជុំដែលមានការចូលរួមពីតំណាងក្រុមហ៊ុនដៃគូ រោងចក្រ សហគ្រាស អាជ្ញាធរ មន្ទីរពាក់ព័ន្ធ និងសិស្សនិស្សិត​សរុប​ប្រមា​ណ ៣០០នាក់។

លោក ង៉ែត សុភ័ក្រ បានបន្ថែ​មថា វិទ្យាស្ថាននឹងបន្តលើកទឹកចិត្ត និងគាំទ្រសិស្ស-និស្សិតក្នុងការបង្កើត​ស្នាដៃថ្មីៗប​ន្ថែមទៀត ដើម្បីពង្រឹ​ងជំនា​ញវិ​ជ្ជា​ជីវៈ និងឆ្លើយតប​ទៅនឹងត​ម្រូវការទីផ្សា​រការងារដែលកំពុងមានការកើ​នឡើង៕