មុខងារចម្បងនៃគម្រោងគ្រប់គ្រងធនធានចម្រុះហ្វូណនតេជោ ត្រូវបានកំណត់សម្រាប់ «វិស័យនាវាចរណ៍​​​»​​​​

គម្រោងគ្រប់គ្រងធនធានចម្រុះហ្វូណនតេជោ នៃក្រុមហ៊ុនសាជីវកម្មផ្លូវថ្នល់ចិន ហៅកាត់ជាភាសារអ​​ង់គ្លេស FTC​​ មានមុខងារចម្បងគឺត្រូវបានកំណត់សម្រាប់ «វិស័យនាវាចរណ៍» តាមរយៈការសាងសង់សំ​​​​ណ​​ង់​​ជណ្ដើរទឹកនាវាចរណ៍។ នេះបើតាមប្រសាសន៍លោក វ៉ាង វៃ ប្រធានវិស្វករនៃគម្រោង FTC បាន​​ថ្លែងក្នុ​​​​​​ង​​បាឋកថាអន្តរជាតិ «កសាងក្តីសុបិនហ្វូន» ដែលរៀបចំដោយក្រសួងសាធារណការ និងដឹកជញ្ជូន ស​​ហ​​​កា​​រជាមួយក្រុមហ៊ុនសាជីវកម្មផ្លូវថ្នល់ចិន ស្ថិតនៅវិទ្យាស្ថានបច្ចេកវិទ្យាកម្ពុជា នារសៀលថ្ងៃទី២៥ ខែមិ​​ថុនា​​ ឆ្នាំ២០២៦។

នៅក្នុងបាឋកថា លោកបានបន្តថា ផ្លូវនាវាចរណ៍ព្រែកជីកហ្វូណន-តេជោ នឹងបង្កើតបានជាច្រករបៀ​​​​ងដឹកជញ្ជូនតាមផ្លូវទឹកថ្មី តភ្ជាប់រវាងបណ្តាញផ្លូវនាវាចរណ៍ក្នុងប្រទេសនៃទន្លេមេង្គជាមួយនឹងបណ្តាញ​​កំពង់ផែនៅភាគនិរតី ក្នុងគោលបំណងបង្កើតឡើងនូវ «ច្រកចេញ-ចូលសមុទ្រតាមផ្លូវទឹកក្នុងស្រុកផ្ទា​​ល់ខ្លួ​​​នរបស់ប្រទេសកម្ពុជា»។ ទទឹមនឹងការឆ្លើយតបទៅនឹងតម្រូវការមូលដ្ឋាន នៃនាវាចរណ៍ហើយនោះ គម្រោ​​​​ងនេះក៍បា​​នគិ​​តគូររួមបញ្ចូលនូវមុខងាររំដោះទឹកជំនន់ ព្រមទាំងរក្សាចំណុចតភ្ជាប់សម្រាប់ប្រព័ន្ធស្រោ​​ចស្រ​​ពក​​សិកម្ម​ និ​​ងការប្រើប្រាស់ប្រភពធនធានទឹកគ្រប់ជ្រុងជ្រោយជាដើម។

លោកបានបន្តទៀតថា គម្រោង FTC បានកំណត់នូវស្តង់ដារនាវាជាក់លាក់ក្នុងនោះរួមមាន៖នាវាធ្វើ​​​​នាវាចរាចរណ៍ ទន្លេ និងសមុទ្រ ខ្នាតទម្ងន់ ៣,០០០តោន ប្រភេទប្រើប្រាស់បានទូទៅសម្រាប់ដឹកទំនិញរា​​​​យ​​ និងកុងតឺន័រ​ ដែលមានប្រវែងសរុប ៩២,៥ ម៉ែត្រ,ទទឹងសរុប១៣,៨ម៉ែត្រ និងជម្រៅទឹក ៣,៨ម៉ែត្រ។នាវាធ្វើនា​​វាចរណ៍ខ្នាតទម្ងន់ ១,៥០០តោន មានប្រវែងសរុប៦៤,៧ម៉ែត្រ,ទទឹង១២,៨ម៉ែត្រ និងជម្រៅទឹក៣​​,៤​​ម៉ែ​​ត្រ និងការកំណត់ស្តង់ដារផ្សេងៗមួយចំនួនទៀត។

គួរបញ្ជាក់ដែរថា គម្រោង FTC បានប្រារព្ធពិធីបើកការដ្ឋានសាងសង់ដំណាក់កាលទី២ កាលពីថ្ងៃទី១​​១ខែមេសា ឆ្នាំ២០២៦ ក្រោមអធិបតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រក​​ម្ពុ​​ជា​​។ អត្ថបទ៖ទូច​ សោភ័ណ