ខេត្តទិសឦសានទទួលបានការស្នើសុំវិនិយោគចំនួន ៧២គម្រោងមានទឹកប្រាក់ជិត ៣ពាន់លានដុល្លារ និងបង្កើតការងារបានជាង ៨ម៉ឺននាក់

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានប្រកាសថា ការអភិវឌ្ឍនៅតំ បន់ភូមិភាគឦសាន គឺស្ថិតនៅអាទិភាពរបស់រាជរដ្ឋាភិបាល ហើយតំបន់នេះក៏ចាត់ទុកជាប៉ូលសេដ្ឋកិច្ចរបស់កម្ពុជាផងដែរ ខណៈរហូតមដល់ពេលនេះខេត្តទាំងបួននៃតំបន់ភូមិភាគឦសាននេះបានទទួលការស្នើសុំវិនិយោគបានចំនួន៧២គម្រោងហើយ ដោយមានទឹកប្រាក់ជិតបីពាន់លានដុល្លារអាមរិក និងផ្តល់ ឱកាសការងារបានជាងប្រាំបីម៉ឺននាក់។

ថ្លែងនៅក្នុងឱកាសអញ្ជើញសម្ពោធដាក់ឲ្យប្រើប្រាស់ជាផ្លូវការ សមិទ្ធផលនានាក្នុងក្រុងស្ទឹងត្រែង នាព្រឹកថ្ងៃទី១២ ខែសីហា ឆ្នាំ២០២៦នេះ សម្តេចធិបតី ហ៊ុន ម៉ាណែត បានលើកឡើងថា សម្តេចធិបតី នាយករដ្ឋមន្រ្តីបានបញ្ជាក់ថា គិតត្រឹមថ្ងៃទី៧ ខែសីហា ឆ្នាំ២០២៦នេះ សម្រាប់បួនខេត្តនៃភូមិភាគឦសានដូចជាខេត្តក្រចេះ ស្ទឹងត្រែង មណ្ឌលគិរី និងរតនគិរីទទួលបានការស្នើសុំវិនិយោគចំនួន៧២ គម្រោងក្នុងនោះគម្រោងស្នើសុំចំនួន៥៧បានពិនិត្យ និងបន្តនីតិវិធី ហើយក្នុងចំនួន៧២គម្រោងដែលបាន ដាក់នេះគឺមានទុនវិនិយោគសរុបចំនួន២,៧ពាន់លានដុល្លារអាមេរិក ហើយវានឹងបង្កើតការងារបានជាង ប្រាំបីម៉ឺននាក់ឯណោះ។

ជាមួយគ្នានោះដែរ សម្តេចធិបតី នាយករដ្ឋមន្រ្តីក៏បានប្រកាសឲ្យដឹងផងដែរថា នៅទូទាំងប្រទេស បើគិតត្រឹមថ្ងៃទី៧ ខែសីហានេះដែរ គម្រោងវិនិយោគគឺមាន២១៤គម្រោង បើគិតជាទឹកប្រាក់ជិតបួនពាន់លានដុល្លារអាមេរិក ហើយបង្កើតការងារបានចំនួន១៤០ពាន់កន្លែង៕អត្ថបទបាន ចក់