សមាគមសិល្បករខ្មែររៀបចំព្រឹត្តិការណ៍ «ស្នាមញញឹមនៃកម្ពុជា» នៅបរិវេណមុខប្រាសាទ អង្គរតូច ខេត្តសៀមរាប

ថ្ងៃទី១៥ ខែសីហា ឆ្នាំ២០២៤ នៅបរិវេណមុខប្រាសាទ អង្គរតូច ខេត្តសៀមរាប​ បានរៀបចំព្រឹត្តិការណ៍ «ស្នាមញញឹមនៃកម្ពុជា» ដោយក្នុងព្រឹត្តិការណ៍នេះបានបង្កើតសកម្មភាពនានា ដើម្បីផ្សព្វផ្សាយសិល្បៈ វប្បធម៌ និងទេសចរណ៍សម្រាប់ជាការទាក់ទាញភ្ញៀវទេសចរមកទស្សនាកម្សាន្ត។ ព្រឹត្តិការណ៍នេះ​«ស្នាមញញឹមនៃកម្ពុជា” នឹងចាប់ផ្តេីមពីម៉ោង​ ៩:០០ព្រឹក​ រហូតដល់ម៉ោង​ ១៦:០០ល្ងាច។

សមាគមសិល្បករខ្មែរបានបង្កេីតបរិយាកាសរីករាយ បង្កើតស្នាមញញឹម តាមរយៈសកម្មភាពផ្សេងៗដូចជា :

១-ការផលិតមាតិកាខ្លីៗ

២-ការបង្កើតកម្មវិធីកម្សាន្តរបាំបុរាណប្រពៃណី

៣-ការបង្ហាញពិព័រណ៍មុខម្ហូបខ្មែរខ្នាតតូច ដោយាមាន​ ១៦ស្តង់​ ដែលជាម្ហូប​ និងនំខ្មែរ​

៤-ការបង្កើតនូវស្នាដៃ ផ្សព្វផ្សាយពីវប្បធម៌ ដល់ភ្ញៀវទេសចរជាតិ និងអន្តរជាតិ ដែលបានចូលរួមក្នុងព្រឹត្តិការណ៍នេះឱ្យចងចាំអំពីអនុស្សាវរីយ៍ ល្អៗនៅប្រទេសកម្ពុជា និងជួយផ្សព្វផ្សាយបន្តទៅកាន់ពិភពលោក។