ប្រជាពលរដ្ឋខ្មែរកំពុងរស់នៅប្រទេសអូស្រ្តាលី និងសហរដ្ឋអាមេរិក​ ចេញសារគាំទ្រកិច្ច​សហប្រតិបត្តិការ​តំបន់ត្រីកោណអភិវឌ្ឍន៍ CLV-DTA

តាមរយៈ account facebook របស់បងប្អូនខ្មែរដែលកំពុងរស់នៅទេសអូស្ត្រាលី និង​សហ​រដ្ឋ​អាមេរិក​​បានសម្ដែងការគាំទ្រកិច្ចសហប្រតិការតំបន់អភិវឌ្ឍន៍ត្រីកោណCLV និង​ប្រកាស​ប្រឆាំង​ដាច់​ខាត​ចំពោះពួកជ្រុលនិយមមួយចំនួនតូចដែលមានគំនិតអវិជ្ជមានបង្អាក់ការអភិវឌ្ឍន៍ប្រទេស បង្កភាពវឹកវរដ៏សង្គមនិងជឿជាក់លើការដឹកនាំនិងប្រសាសន៍ដ៏ថ្លៃថ្លាពាក់ព័ន្ធនិងកិច្ចសហប្រតិបត្តិការ​តំបន់ត្រីកោណអភិវឌ្ឍន៍ CLV-DTA របស់សម្ដេចតេជោ ហ៊ុន សែន អតីត​នាយករដ្ឋមន្ត្រី នៃ​ព្រះរាជា​ណាចក្រកម្ពុជា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃ​ព្រះរាជា​ណា​ចក្រ​កម្ពុជា​បច្ចុប្បន្ន។

បងប្អូនខ្មែរដែលកំពុងរស់នៅក្រៅប្រទេសបានយល់ឃើញថាកិច្ចសហប្រតិបត្តិការតំបន់​ត្រីកោណអភិវឌ្ឍន៍​នេះក្រោមការផ្តួចផ្តើមដ៏ខ្ពង់ខ្ពស់របស់ សម្តេចតេជោ ហ៊ុន សែន ត្រូវបានបង្កើ​ត​ឡើង​នៅក្នុងឆ្នាំ១៩៩៩ដោយឈរលើមូលដ្ឋានច្បាប់ជាតិនិងអន្តរជាតិជាគោល ដើម្បី​ការពារ​បូរណ​ភាព​ទឹកដី និ​ង​ការអភិវឌ្ឍ​ជាតិមាតុភូមិកម្ពុជា​ពិតប្រាកដ។ ការ​អភិវឌ្ឍ​តំបន់​ត្រីកោណ​ខេត្តទាំង៤ នោះ​មិនបានធ្វើឲ្យបាត់ទឹកដីរបស់កម្ពុជាយើងឡើយ។ផ្ទុយទៅវិញខេត្តទាំង ៤ នៅតែជាខេត្ត និង​ទឹកដីរបស់កម្ពុជាបច្ចុប្បន្នមានការអភិវឌ្ឍ​ទាំង​ហេដ្ឋា​រចនា​សម្ព័ន្ធ​ផ្លូវ​ថ្នល់​សេវា​សាធារណៈ​ច​រន្តសេដ្ឋកិច្ច និងសមិទ្ធផលជាច្រើនទៀត​លើ​គ្រប់​វិស័យ​មាន​ប្រជាពលរដ្ឋរាប់លាន​នាក់​កំពុង​រស់នៅ និង​ប្រ​កបរបរ​ចិញ្ចឹម​ជីវិ​ត​ជា​ធម្មតា។ ជាចុង​ក្រោយ​បង​ប្អូន​ខ្មែរ​យើង​ក៏​បាន​អំពាវ​នាវ​ដល់​យុវជនប្រជាពលរដ្ឋទាំងអស់កុំជឿតាមការញុះញង់​របស់ពួកជ្រុលនិយម​ដែល​មាន​បំណង​បង្ក​​អស្ថេរភាពសន្តិសុខនៅក្នុងសង្គម និងបង្អាក់ដំណើរការអភិវឌ្ឍន៍របស់ប្រទេសជាតិ៕