នាយករដ្ឋមន្ត្រីអ៊ីស្រាអែល ផ្តល់ទស្សនៈផ្ទុយស្រឡះលើក្តីសង្ឃឹមរបស់រដ្ឋបាលលោកBdien សម្រាប់កិច្ចព្រមព្រៀងហ្កាហ្សា

រដ្ឋបាលរបស់លោកប្រធានាធិបតីអាមេរិក Joe Biden និងលោកនាយករដ្ឋមន្ត្រីអ៊ីស្រាអែល Benjamin Netanyahu មានការខ្វែងគំនិតគ្នាយ៉ាងខ្លាំងកាលពីថ្ងៃព្រហស្បតិ៍សប្ដាហ៍នេះ លើការរំពឹងទុកការឈានដល់កិច្ចព្រមព្រៀងមួយសម្រាប់បទឈប់បាញ់នៅដែនដីហ្កាហ្សា និងការដោះលែងចំណាប់ខ្មាំង ដោយលោក Netanyahu បាននិយាយថា នេះជារឿងមិនត្រឹមត្រូវទេ ដែលថាការទម្លាយភាពទាល់ច្រក ជិតបានសម្រេចហើយនោះ។

លោក Netanyahu បាននិយាយនៅក្នុងបទសម្ភាសន៍មួយជាមួយកម្មវិធី Fox and Friends ថា ពុំមានកិច្ចព្រមព្រៀងកំពុងបង្កើតឡើងនោះទេ។ មន្ទិលជាសាធារណៈរបស់លោកកើតឡើងនៅពេលក្រុមមន្រ្តីសហរដ្ឋអាមេរិកបាននិយាយថាពួកគេកំពុងធ្វើការលើសំណើកែសម្រួលថ្មីដើម្បីដោះស្រាយជម្លោះដែលនៅសល់រវាងមេដឹកនាំអ៊ីស្រាអែល និងក្រុមហាម៉ាស បន្ទាប់ពីការរកឃើញកាលពីចុងសប្តាហ៍នូវសាកសពចំណាប់ខ្មាំង៦នាក់ ដែលបានបន្ថែមភាពបន្ទាន់ដល់ការចរចា។

អ្នកនាំពាក្យសន្តិសុខជាតិលោក John Kirby បានរំលឹកឡើងវិញកាលពីថ្ងៃព្រហស្បតិ៍ថា មានតែការខ្វែងគំនិតគ្នាលើការអនុវត្តព័ត៌មានលម្អិតនៃសំណើបទឈប់បាញ់ប៉ុណ្ណោះ ដែលចាំបាច់ត្រូវដោះស្រាយបន្ត។ក្រុមការងាររបស់លោកប្រធានាធិបតី Joe Biden ដែលត្រូវបានចាត់តាំងរយៈពេលពីរខែមុនការបោះឆ្នោតបានព្យាករសុទិដ្ឋិនិយមនៅរដូវក្តៅនេះខណៈខ្លួនកំពុងធ្វើការជាមួយក្រុមអ្នកសម្របសម្រួល អេហ្ស៊ីប និងកាតា ដើម្បីព្យាយាមរុញឱ្យអ៊ីស្រាអែល និងក្រុមហាម៉ាស យល់ព្រមបទឈប់បាញ់បញ្ចប់សង្រ្គាមរយៈពេល១១ខែក្នុងដែនដីហ្កាហ្សាហែកហួរដោយសង្រ្គាមមួយនេះ ។

កិច្ចព្រមព្រៀងនេះនឹងដោះលែងចំណាប់ខ្មាំងកាន់តែច្រើនដែលត្រូវបានចាប់ជាចំណាប់ខ្មាំងដោយក្រុមហាម៉ាស ក្នុងអំឡុងការវាយប្រហារកាលពីថ្ងៃទី ៧ខែតុលា ចូលក្នុងសហមន៍នានាភាគខាងត្បូងរបស់អ៊ីស្រាអែល រួមទាំងជនជាតិអាមេរិក ជាថ្នូរនឹងការដោះលែងអ្នកទោសប៉ាឡេស្ទីន ដែលជាចំណុចជាប់គាំងដ៏ធំ៕