គ្រាប់ពេជ្រ៣ដួងរបស់ Sastra Film គ្រងតំណែងតួឯកបន្តបន្ទាប់គ្នាលើកញ្ចក់ទូរទស្សន៍បាយ័នសុទ្ធតែជារឿងល្បីៗ

ប្រិយមិត្តទស្សនិកជនដែលនិយមតាមដានរឿងភាគខ្មែរប្រាកដណាស់មិនរំលងនោះទេរឿងភាគថ្មីៗដែលចាក់ផ្សាយនៅលើកញ្ចក់ទូរទស្សន៍ សុទ្ធសឹងតែជាភាពយន្តមានគុណភាពទទួលបានការគាំទ្រខ្លាំងមានអ្នកទស្សនាច្រើនម៉ឺននាក់កើនច្រើនឡើងៗតាមភាគជាបន្តបន្ទាប់។

ដោយក្នុងនោះផងដែរមានរឿង«១០០%គឺស្រលាញ់» រឿង«សត្រូវកំពូលស្នេហ៍»និងរឿង«មេម៉ាយសម្បូរស្នេហ៍»ដែលត្រៀមចាក់ផ្សាយក្នុងពេលឆាប់ៗខាងមុខតែអ្វីដែលកាន់តែចាប់គឺត្រឹមរយៈពេល១ថ្ងៃ Trailer រឿងភាគមួយនេះមានទស្សនារហូតដល់មួយលានដង(1M views)។

រឹតតែពិសេសរឿងភាគទាំង៣នេះគឺគ្រងតំណែងតួឯកដោយសិល្បការិនីប្រចាំផលិតកម្មសាស្ត្រា(Sastra Film) ផ្ទាល់មានដូចជាកញ្ញា យ៉ា សុផាន់ម៉ៃ កញ្ញា ចិនចិន និងកញ្ញា រចនា រ៉ាវាឌី តួយ៉ាងតារាស្រីទាំងបីបានសាងភាពល្បីល្បាញលេចធ្លោស្ទើរតែគ្រប់រឿងអស់ស័ក្តិសមជាកំពូលតារាស្រីដែលដក់ជាប់ក្នុងក្រអៅបេះដូងអ្នកគាំទ្រគ្រប់គ្នា៕

អត្ថបទពី៖ The Selapak News