Uncategorized
ឯកអគ្គរដ្ឋទូតអ៊ីស្រាអែល និងអាមេរិក ប្រចាំUN អំពាវនាវឱ្យមានការថ្កោលទោសក្រុមហាម៉ាស
មុនពេលកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃពុធ ឯកអគ្គរដ្ឋទូតអ៊ីស្រាអែលប្រចាំនៅអង្គការសហប្រជាជាតិ លោក Danny Danon បានរិះគន់ក្រុមប្រឹក្សា ចំពោះការអនុម័តសេចក្តីសម្រេចចំនួន៤ចាប់តាំងពីថ្ងៃទី៧ ខែតុលា ដោយគ្មានការថ្កោលទោសក្រុមហាម៉ាស ចំពោះសកម្មភាពរបស់ពួកគេ។
លោកបានបញ្ជាក់ថា មហាសន្និបាត ក៏បានអនុម័តសេចក្តីសម្រេចចំនួនពីរ ដែលមិននិយាយអំពីក្រុមហាម៉ាស ហើយគ្រាន់តែសំដៅមិនច្បាស់លាស់លើការដោះលែងចំណាប់ខ្មាំង ដោយមិនបញ្ជាក់ពីទង្វើរបស់ក្រុមហាម៉ាស។
លោក Danon បានអំពាវនាវឱ្យមានការអនុម័តសេចក្តីសម្រេចច្បាស់លាស់ ដែលមានការថ្កោលទោសក្រុមហាម៉ាស ចាត់ទុកពួកគេថាជាអង្គការភេរវកកម្ម និងទាមទារឱ្យមានការដោះលែងចំណាប់ខ្មាំង។
នៅក្នុងកិច្ចប្រជុំ ឯកអគ្គរដ្ឋទូតប៉ាឡេស្ទីនប្រចាំអង្គការសហប្រជាជាតិ លោក Riyad Mansour បានចោទប្រកាន់អ៊ីស្រាអែលពីបទធ្វើសង្រ្គាមពេញលេញប្រឆាំងពលរដ្ឋប៉ាឡេស្ទីន។ លោក បានអះអាងថា អ៊ីស្រាអែល កំពុងព្យាយាមដោះស្រាយជម្លោះតាមរយៈមធ្យោបាយយោធា ដែលនាំទៅរកការលុបបំបាត់ប្រជាជាតិប៉ាឡេស្ទីន។
លោក Mansour បានចោទប្រកាន់អ៊ីស្រាអែលពីការប្រព្រឹត្តអំពើឃោរឃៅផ្សេងៗ មានចាប់ពីអំពើប្រល័យពូជសាសន៍ រហូតដល់ការរើសអើងជាតិសាសន៍ ដោយបញ្ជាក់ថា អ៊ីស្រាអែល កំពុងដាក់ទុក្ខទោស ធ្វើឲ្យពលរដ្ឋប៉ាឡេស្ទីនភៀសខ្លួន បំផ្លិចបំផ្លាញ និងសម្លាប់ពលរដ្ឋប៉ាឡេស្ទីន ក្នុងកម្រិតមួយដែលមិនធ្លាប់បានឃើញ។
ការស្លាប់របស់ចំណាប់ខ្មាំង៦នាក់ បន្ទាប់ពីជាប់ឃុំរយៈពេលជិត១១ខែ បានបង្កឱ្យមានរលកនៃការតវ៉ា ដោយមានមនុស្សប្រហែល ៥០០.០០០នាក់បានចេញធ្វើបាតុកម្មក្នុងទីក្រុងហ្សេរុយសាឡឹម និង Tel Aviv ដើម្បីដាក់សម្ពាធលើនាយករដ្ឋមន្ត្រី លោក Benjamin Netanyahu ឲ្យនាំយកចំណាប់ខ្មាំងត្រឡប់មកផ្ទះវិញ។

-
ព័ត៌មាន1 week ago
ក្រុមអ្នកស្រាវជ្រាវរកឃើញកំណត់ត្រាថ្មីសម្រាប់ពិភពលោក គឺខ្យងគោក ឬ «ខ្យងឧទយាទិត្យ» នៅភ្នំបាណន់ ខេត្តបាត់ដំបង
-
កីឡា1 week ago
វគ្គផ្ដាច់ព្រ័ត្រជើងឯកបាល់ទាត់ក្នុងសាលរាជធានីភ្នំពេញ នឹងប្រកួតនៅពហុកីឡដ្ឋានជាតិមរតកតេជោ
-
កីឡា1 week ago
លោក Koji រំពឹងកូនក្រុមលេងបានល្អ ទល់ក្រុមអារូបា ដែលជាបទពិសោធន៍ថ្មី សម្រាប់ក្រុមគោព្រៃកម្ពុជា
-
ព័ត៌មាន1 week ago
ស្ពានខ្ពស់ជាគេលើកំណាត់ផ្លូវជាតិលេខ១០ នឹងបើកឱ្យឆ្លងកាត់បណ្តោះអាសន្ន ចាប់ពីថ្ងៃទី ១១-១៧ ខែមេសា ឆ្នាំ២០២៥ នាឱកាសនៃពិធីបុណ្យចូលឆ្នាំថ្មី ប្រពៃណីជាតិខ្មែរ
-
ព័ត៌មាន3 days ago
រថយន្ដក្រុងមួយគ្រឿង សង្ស័យអ្នកបើកបរងងុយដេករេចង្កូតបុកចូលផ្ទះប្រជាពលរដ្ឋ ទាំងកម្រោល ស្ថិតនៅស្រុកចុងកាល់
-
ព័ត៌មាន1 week ago
សម្ដេចតេជោ៖ «ពេលនេះខ្ញុំពិតជាកំពុងមានទុក្ខធ្ងន់ម្ខាងភរិយាត្រូវវះកាត់ និងម្ខាងបងប្រុសទីមួយក៏កំពុងឈឺធ្ងន់»
-
ព័ត៌មាន1 week ago
ត្រឹមឆ្នាំ២០២៤ មានអ្នកទទួលប្រាក់ឧបត្ថម្ភពីកម្មវិធីជាតិជំនួយសង្គមក្នុងកញ្ចប់គ្រួសារជាង ១លាននាក់
-
ព័ត៌មាន1 week ago
សម្តេចតេជោ ហ៊ុន សែន អះអាងថា បងប្រុសសម្ដេច (ឯកឧត្តម ហ៊ុន សាន) នៅមានជីវិត