កីឡា
ខាន់ ចេសា ចង់ក្លាយជាអ្នកកីឡាកម្ពុជាទី១ឈ្នះខ្សែក្រវាត់ONE
កីឡាការិនីជឺជីតស៊ូជម្រើសជាតិកម្ពុជា ខាន់ ចេសា នឹងប្រកួតជាមួយកីឡាការិនីអាមេរិក Danielle Kelly នៅថ្ងៃទី២៩ ខែកញ្ញា ឆ្នាំ២០២៣ នៅប្រទេសសិង្ហបុរី
កីឡាការិនីជឺជីតស៊ូជម្រើសជាតិកម្ពុជា ខាន់ ចេសា នឹងប្រកួតជាមួយកីឡាការិនីអាមេរិក Danielle Kelly នៅថ្ងៃទី២៩ ខែកញ្ញា ឆ្នាំ២០២៣ នៅប្រទេសសិង្ហបុរី ដើម្បីដណ្តើមខ្សែក្រវាត់ជំនាញឃ្លេពិភពលោកនៅសង្វៀន ONE Championship។
សម្រាប់ការប្រកួតនេះវីរកីឡាការិនីជម្រើសជាតិកម្ពុជា ខាន់ ចេសា បានចាត់ទុកជាការប្រកួតដ៏សំខាន់មួយក្នុងអាជីពកីឡាជឺជីតស៊ូរបស់នាង និងចង់ក្លាយជាអត្តពលិកកម្ពុជាទី១ដែលបានឈ្នះខ្សែក្រវាត់ជំនាញឃ្លេពិភពលោកនៅសង្វៀនធំមួយនេះ។
លោក Peter Khan ជនជាតិខ្មែរដែលជាឪពុករបស់ ខាន់ ចេសា បានប្រាប់ថា ៖«កូនស្រីរបស់ខ្ញុំពិតជារំភើបរីករាយខ្លាំងដែលទទួលបានឱកាសប្រកួតលើកទី១ក្នុងការដណ្តើមខ្សែក្រវាត់កម្រិតពិភពលោកនេះ។ កូនខ្ញុំពិតជាចង់ឈ្នះខ្សែក្រវាត់ និងចង់ក្លាយជាអត្តពលិកខ្មែរទី១ឈ្នះខ្សែក្រវាត់នៅ ONE»។
លោកបានបញ្ជាក់ថា រហូតដល់ពេល ខាន់ ចេសា ត្រៀមខ្លួនបានល្អណាស់ ហើយការត្រៀមខ្លួននេះក៏មិនមែនសម្រាប់តែការប្រកួតដណ្តើមខ្សែក្រវាត់នេះឡើយ ប៉ុន្តែក៏ជាការត្រៀមខ្លួនសម្រាប់ការចូលរួមប្រកួតកីឡាទ្វីបអាស៊ី Asian Games នៅប្រទេសចិន។
នៅពេលសួរថា តើលោកយល់ឃើញយ៉ាងណាកីឡាការិនីអាមេរិក Kelly ដែលធ្លាប់ចាញ់ពិន្ទុ ខាន់ ចេសា ម្តងកាលពីឆ្នាំ២០២១? លោកបានឆ្លើយខ្លីថា ៖«គាត់ជាកីឡាការិនីមិនចេះបង់បោល ហើយជាកីឡាការិនីជំនាញឃ្លេដ៏ល្អម្នាក់»។
Danielle Kelly ដែលជាកីឡាការិនីឃ្លេ និងជឺជីតស៊ូបានចាប់ផ្តើមប្រកួតតាំងពីឆ្នាំ ២០១៤ ដោយរហូតដល់ពេលនេះធ្លាប់ប្រកួត២៩លើក ក្នុងនោះឈ្នះ ១៩ លើកចាញ់ ៩ និងស្មើ ១លើក។
បច្ចុប្បន្ន កីឡាការិនីអាមេរិករូបនេះកំពុងហ្វឹកហាត់នៅក្លិបល្បីឈ្មោះរបស់ប្រទេសសិង្ហបុរី Evolve MMA។ នាងបានចុះកុងត្រាចូលសង្វៀន ONE Championship កាលពីឆ្នាំ២០២២ ជាពេលកីឡាការិនីកម្ពុជា ខាន់ ចេសា បានចុះកុងត្រាដែរ។
Kelly ធ្លាប់បានប្រកួតនៅសង្វៀន ONE ៣ដងហើយគឺលើកទី១បានស្មើពិន្ទុកីឡាករជប៉ុន Mei Yamaguchi, លើកទី២ឈ្នះកីឡាការិនីរុស្ស៊ី Mariia Molchanova និងលើកទី៣បានយកឈ្នះកីឡាករជប៉ុន Ayaka Miura។ ស្របពេល ខាន់ ចេសា មិនទាន់ធ្លាប់បានប្រកួតនៅ ONE ទេ ប៉ុន្តែធ្លាប់បានឈ្នះពិន្ទុ Kelly ក្នុងកម្មវិធី Who’s Number One (WNO) កាលពីថ្ងៃទី ២៦ ខែកុម្ភៈ ឆ្នាំ ២០២១៕
ប្រភពពី៖ KPT
-
ព័ត៌មាន1 week agoប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី
-
ព័ត៌មាន1 week agoTOP STORY | សម្ដេចតេជោ៖ «ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់»
-
ព័ត៌មាន1 week agoTOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
-
PR NEWS4 days agoក្រុមហ៊ុន GANZBERG ឧបត្ថម្ភដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា សរុបចំនួន ១,០០០,០០០ ដុល្លារ
-
ព័ត៌មាន6 days agoកិច្ចចរចាបទឈប់បាញ់រវាងកម្ពុជា និងថៃបានចាប់ផ្តើម ក្រោមការសម្របសម្រួលរបស់ម៉ាឡេស៊ី និងមានការចូលរួមពីតំណាងអាមេរិក និងចិន
-
ព័ត៌មាន1 week agoអ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
-
ព័ត៌មាន18 hours agoឯកឧត្តម ទេសរដ្ឋមន្ត្រី គន់ គីម នាំយកថវិការបស់សម្តេចធិបតី ហ៊ុន ម៉ាណែត ប្រគល់ជូនវីរភាពកងទ័ពពលី ចំនួន៤រូប នៅខេត្តឧត្តរមានជ័យ
-
ព័ត៌មាន1 week agoកម្ពុជាប្រាប់ទៅថៃថា គ្មានហេតុផលអ្វីដែលកម្ពុជា បាញ់ទៅលើប្រាសាទតាមាន់ ដែលជាដួងព្រលឹកដូនតាខ្លួន នោះឡើយ