ត្រីមាសទី១ឆ្នាំនេះ កម្ពុជានាំចូលរថយន្តមានកំណើនកើនឡើងគិតជាទឹកប្រាក់សរុបជាង ៣៤០ លានដុល្លារ

កម្ពុជានាំចូលរថយន្តគ្រប់ប្រភេទ នៅក្នុងរយៈពេល ៣ខែ ដើមឆ្នាំ២០២៦ នេះ មានទឹកប្រាក់សរុបជាង ៣៤០ លានដុល្លារអាមេរិក ក្នុងនោះការនំាចូលរថយន្តទេសចរណ៍ និងរថយន្តដឹកទំនិញ មានទឹកប្រាក់កើនឡើងខ្ពស់ បើធៀបរយៈពេលដូចគ្នាឆ្នាំមុន ដែលការកើនឡើងនេះគាំទ្រដោយកានាំចូលរថយន្ត ប្រើថាមពលអគ្គិសនី ។

ក្រសួងពាណិជ្ជកម្ម បង្ហាញរបាយការណ៍នាំចូលទំនិញសំខាន់ៗ ក្នុងនោះសម្រាប់ការនាំចូលរថយន្តគ្រប់ប្រភេទ មានកំណើន នៃការនាំចូលគួកត់សម្គាល់ ជាក់ស្តែងការនាំចូលរថយន្តទេសចរណ៍ នៅក្នុងរយៈពេល ៣ខែ ឆ្នាំ២០២៦ គិតជាទឹកប្រាក់សរុបជាង ២៨២ លានដុល្លារអាមេរិក មានទឹកប្រាក់កើនឡើងជាង ៣៤% ក្នុងនោះការនាំចូលពីប្រទេសចិនមានទឹកប្រាក់ជាង ១៦៧ លាន ដុល្លារ កើនឡើងជាង ១០៧% ធៀបរយៈពេលដូចគ្នាឆ្នាំ២០២៥ (ត្រូវប្រមាណ ៦០% នៃការនាំចូលរថយន្តសរុប) ខណៈការនាំ ចូលរថយន្តពីសហរដ្ឋអាមេរិក ក៏កំពុងមានកំណើនកើនឡើងផងដែរ ស្របពេលការនាំចូលរថយន្តពីសហរដ្ឋអាមេរិក ត្រូវបានកំណត់ ពន្ធស្មើ ០% (សូន្យ)។

ចំណែកការនាំចូលរថយន្តដឹកទំនិញ នៅក្នុងរយៈពេលនេះដែរ មានទំហំទឹកប្រាក់ប្រមាណជិត ៤៣ លានដុល្លារអាមេរិក មាន ទឹកប្រាក់កើនជាង ៦៣% ក្នុងនោះការនាំចូលពីប្រទេសចិន មានទឹកប្រាក់ជាង ១៥ លានដុល្លារ កើនជាង ២៤៦%, ថៃជាង ៩ លាន ដុល្លារ ថយចុះ ១២%, កូរ៉េជាង ៩ លានដុល្លារ កើនជាង ១០០% និងសហរដ្ឋអាមេរិកជិត ៤ លានដុល្លារ កើនជិត ៣០%។ ដោយ ឡែកការនាំចូលរថយន្តដឹកអ្នកដំណើរវិញ ក្នុងរយៈពេល៣ខែនេះ មានទឹកប្រាក់ជាង ១៤ លានដុល្លារ កើនជិត ៥% ក្នុងនោះការ នាំចូលពីកូរ៉េ មានទឹកប្រាក់ជាង ១១ លានដុល្លារ ស្មើប្រមាណ ៧៥% និងជប៉ុនជិត ៣ លានដុល្លារ ស្មើ ១៨% នៃការនាំចូលរថយន្ត សរុប។

សូមបញ្ជាក់ថា ការនាំចូលរថយន្តដែលមានកំណើនកើនឡើង នៅដើមឆ្នាំ២០២៦នេះ ភាគច្រើនជាប្រភេទរថយន្តប្រើប្រាស់ថាមពល អគ្គិសនី និងនាំមកពីប្រទេសចិន។ ដែលការហក់ឡើងនេះដោយសារ ប្រភេទរថយន្តដែលប្រើប្រាស់ថាមពលអគ្គិសនីស៊េរីថ្មី មានតម្លៃ សមរម្យ និងជាពិសេសក្នុងស្ថានភាពនៃការហក់ឡើងថ្លៃប្រេងឥន្ធនៈ ធ្វើឱ្យអ្នកប្រើប្រាស់ងាកទៅរកប្រភេទរថយន្តអគ្គិសនី ដើម្បីកាត់ បន្ថយបន្ទុកខ្ទង់ចំណាយផ្សេងៗ៕អត្ថបទ៖ សុន រ៉ាឌី