សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានថ្លែងបញ្ជាក់ជាថ្មីម្ដងទៀតថា រាជ រដ្ឋាភិបាលមិនដែលមានគំនិតម្ដងណាដែលធ្វើឱ្យបាត់បង់ទឹកដី ឬធ្វើឱ្យខេត្តណាមួយរបស់ប្រទេស ក្លាយជាខេត្តរណបរបស់ប្រទេសណានោះទេ ប៉ុន្តែផ្ទុយទៅវិញ មានតែខិតខំពង្រឹងអធិបតេយ្យភាព ។ ក្នុងពេលអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការទំនប់អូរតេធិបតី លើទឹកដី ខេត្តមណ្ឌលគិរី នៅព្រឹកថ្ងៃទី២៤ ខែតុលា នេះ សម្ដេចធិបតី បានបញ្ជាក់ថា រាជរដ្ឋាភិបាលប្ដេជ្ញា បន្តការ ពារបូរណភាពទឹកដី មិនឱ្យបាត់បង់ខេត្តណាទៅប្រទេសដទៃឡើយ និងខិតខំអភិវឌ្ឍន៍តំបន់ព្រំដែន...
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានថ្លែងថា រាជរដ្ឋាភិបាលកម្ពុជា កំពុងខិតខំប្រឹងប្រែងកសាងនូវប្រព័ន្ធធារាសាស្ត្រធំៗបន្ថែមទៀត នៅតាមបណ្ដាខេត្ត ដើម្បីបំពេញតម្រូវការរបស់ ប្រជាពលរដ្ឋ ទាំងសម្រាប់ការស្រោចស្រពដំណាំកសិកម្ម និងការប្រើប្រាស់ប្រចាំថ្ងៃ ។ ក្នុងឱកាសអញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការ ទំនប់អូរតេធិបតី ទំនប់សែនសុខដុម និង ទំនប់សែនមនោរម្យ ក្នុងខេត្តមណ្ឌលគិរី នៅថ្ងៃទី២៤ ខែតុលា នេះ សម្ដេចធិបតី ហ៊ុន ម៉ាណែត...
ក្នុងឱកាសអញ្ជើញជាអធិបតីពិធីសម្ពោធដាក់ឲ្យប្រើប្រាស់ជាផ្លូវការ ទំនប់អូរតេធិបតី ទំនប់សែនសុខដុម និងទំនប់សែនមនោរម្យ ខេត្តមណ្ឌលគិរី នៅព្រឹកថ្ងៃទី២៤ ខែតុលា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក៏បានណែនាំដល់មន្រ្ដីជំនាញ និងក្រសួងពាក់ព័ន្ធឱ្យចុះសិក្សា ដើម្បីសាងសង់ស្ពានបាឡេជូនពលរដ្ឋចំនួន២ឃុំនៅស្រុកលំផាត់ ខេត្តរតនគិរី ដែលកំពុងជួបការលំបាកឆ្លងទឹកទៅមកក្នុងនោះសិស្សសាលាត្រូវឆ្លងទូកដទៅរៀនផងដែរ។ សម្ដេចធិបតី នាយករដ្ឋមន្រ្ដី បានមានប្រសាសន៍ថា ក្នុងអាណត្តិទី៧នេះ រាជរដ្ឋាភិបាលកំពុងបន្ត យកចិត្តទុកដាក់ធ្វើការអភិវឌ្ឍខេត្តភូមិភាគឦសានឱ្យមានការរីកចម្រើន ក្លាយទៅជាប៉ូលសេដ្ឋកិច្ចពិសេសមួយទៀតរបស់កម្ពុជា។ ប៉ុន្ដែក្នុងពេលជាមួយគ្នានេះ ការគិតគូរទៅលើការកសាងហេដ្ឋារចនាសម្ព័ន្ធ...
ក្នុងឱកាសអញ្ជើញជាអធិបតីពិធីសម្ពោធដាក់ឲ្យប្រើប្រាស់ជាផ្លូវការ ទំនប់អូរតេធិបតី ទំនប់សែនសុខដុម និងទំនប់សែនមនោរម្យ ខេត្តមណ្ឌលគិរី នៅព្រឹកថ្ងៃទី២៤ ខែតុលា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់បញ្ជាដល់អាជ្ញាធរខេត្ត និងសមត្ថកិច្ចពាក់ប័ន្ធត្រូវចុះស្រាវជ្រាវបន្ទាន់ ករណីមានមេខ្យល់កំពុងបំផុសបំផុលពលរដ្ឋឱ្យទៅចាប់ដីខុសច្បាប់នៅខេត្តមណ្ឌលគិរី ដើម្បីយកមកអនុវត្តតាមច្បាប់។ សម្ដេចធិបតី នាយករដ្ឋមន្រ្ដី បានបញ្ជាក់ថា បញ្ហាមេខ្យល់ញុះញង់ពលរដ្ឋឱ្យទៅចាប់ដីខុសច្បាប់នេះបើមិនគិតគូរស្រាវជ្រាវរកមុខឱ្យបានទាន់ពេលវេលាទេ ពួកគេនឹងទៅបោកប្រាស់ប្រជាពលរដ្ឋ និងញុះញង់ពលរដ្ឋឱ្យទៅកាប់រានដីព្រៃ ឬដីរបស់រដ្ឋដោយខុសច្បាប់ ក្នុងនោះក៏មានពលរដ្ឋមួយចំនួនអាចចាញ់បោកមេខ្យល់ មានការបង់ប្រាក់ឱ្យក្រុមមេខ្យល់ថែមទៀតផង។ សូមបញ្ជាក់ថា...
រាជរដ្ឋាភិបាលកម្ពុជា បានធ្វើការអំពាវនាវដល់ភាគីពាក់ព័ន្ធទាំងក្នុងក្របខ័ណ្ឌជាតិ និងអន្តរជាតិ ឱ្យបន្តចូលរួមធ្វើសកម្មភាពឱ្យកាន់តែច្រើនក្នុងការដោះស្រាយចំពោះការប្រែប្រួលអាកាសធាតុ ខណៈបញ្ហានេះ បាននិងកំពុងគំរាមកំហែងយ៉ាងធ្ងន់ធ្ងរ និងកើនឡើងចំពោះសុខុមាលភាពរបស់មនុស្ស និងភពផែនដីដែលមានសុខភាពល្អ។ ឯកឧត្តមបណ្ឌិត អ៊ាង សុផ្លែត រដ្ឋមន្ត្រីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ប្រកបដោយចីរភាព បានថ្លែងថា សកម្មភាពរបស់មនុស្សកំពុងបណ្តាលឱ្យមានការប្រែប្រួលអាកាសធាតុ រួមទាំងរលកកំដៅ ភ្លៀងធ្លាក់ខ្លាំង និងគ្រោះរាំងស្ងួតកាន់តែញឹកញាប់ និងធ្ងន់ធ្ងរ។ ដូច្នេះ អ្វីដែលយើងត្រូវធ្វើនៅកម្រិតសកល គឺអនុវត្តវិធានការកាត់បន្ថយ និងបន្ស៊ាំ កសាងភាពធន់របស់សហគមន៍ងាយរងគ្រោះប្រឆាំងនឹងផលប៉ះពាល់នៃការប្រែប្រួលអាកាសធាតុ និងការប្តេជ្ញាចិត្តហិរញ្ញវត្ថុអាកាសធាតុចំនួន១០០ ពាន់លានដុល្លារ...
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបន្តអំពាវនាវយ៉ាងទទូចដល់ប្រជាពលរដ្ឋ ខ្មែរគ្រប់រូបទាំងអស់ត្រូវចូលការពារដើម្បីឈើសន្តិភាពដែលកំពុងមានផ្លែផ្កា ហើយកុំដោយសារតែការញុះញង់ និងអុជអាលពីក្រុមប្រឆាំងក្រៅប្រទេស ធ្វើឱ្យមានការបែកបាក់គ្នា និងបាត់បង់នូវសុខសន្តិភាពនេះ ។ ក្នុងឱកាសអញ្ជើញជាអធិបតីភាពសម្ពោធដាក់ឱ្យប្រើប្រាស់ជាផ្លូវការ ទំនប់អូរតេធិបតី នាខេត្ត មណ្ឌលគិរី នៅព្រឹកថ្ងៃទី២៤ ខែតុលា នេះ សម្តេចធិបតី ហ៊ុន ម៉ាណែត បានលើកឡើងថា សន្តិភាពដែលកំពុងមាននាពេលបច្ចុបន្ននេះ គឺបានពីការតស៊ូររកបានដោយយ៉ាងលំបាករបស់វីរជនខ្មែរ និងគោលនយោបាយ ឈ្នះ...
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ទោះបីជាកម្ពុជា បាន សម្រេចដកខ្លួន ឬបញ្ចប់កិច្ចសហប្រតិបត្តិការតំបន់អភិវឌ្ឍន៍តំបន់ត្រីកោណCLVក៏ដោយ ប៉ុន្តែក្រុមប្រឆាំងនៅក្រៅប្រទេស នៅតែបន្តឃោសនាញុះញង់បំភ្លៃការពិត ដើម្បីកេងចំណេញផ្នែកនយោបាយ ដែលវាពិតជាគួរឱ្យអស់សំណើច ព្រោះថា ពួកប្រឆាំងទាំងនោះ ពេលខ្លួនមានសំឡេងក្នុងរដ្ឋសភា ហេតុអ្វីមិនតវ៉ា និងប្រឆំាងចំពោះកិច្ចសហប្រតិបត្តិការនេះ ។ ក្នុងឱកាសអញ្ជើញជាអធិបតីភាពក្នុងពិធីសម្ពោធដាក់ឱ្យប្រើប្រាស់ជាផ្លូវការទំនប់អូរតេធិបតី ក្នុង ខេត្តមណ្ឌលគិរី នៅព្រឹកថ្ងៃទី២៤ ខែតុលានេះ សម្តេចធិបតី ហ៊ុន...
នាព្រឹកថ្ងៃទី២៤ ខែតុលា ឆ្នាំ២០២៤ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានី អាណត្តិទី៤ ឆ្នាំ២០២៤ នៅមជ្ឈមណ្ឌលសហប្រតិបត្តិការកម្ពុជា កូរ៉េ ក្នុងសាកលវិទ្យាល័យភូមិន្ទភ្នំពេញ សង្កាត់ទឹកល្អក់ទី១ ខណ្ឌទួលគោក ក្រោមវត្តមាន ឯកឧត្ដមម៉ប់ សារិន ប្រធានក្រុមប្រឹក្សារាជធានីភ្នំពេញ ឯកឧត្ដម សុខ ពេញវុធ អភិបាលរងរាជធានីតំណាងឯកឧត្ដម ឃួង ស្រេង អភិបាលរាជធានីភ្នំពេញ និងឯកឧត្ដម ទូច ស៊ុនណារី...
អ្នកអប់រំវិជ្ជាជីវៈសុខាភិបាល អ្នកជំនាញក្នុងវិស័យសុខាភិបាលជាតិ និងអន្តរជាតិ បានអញ្ជើញមកពីស្ថាប័ននានា ចំនួនប្រមាណជាង ៣០០រូប បានអញ្ជើញចូលរួមក្នុងសន្និសីទជាតិស្តីពី ការអប់រំសម្រាប់វិជ្ជាជីវៈសុខាភិបាល ក្រោមប្រធានបទ “ពង្រឹងការអប់រំវិជ្ជាជីវៈសុខាភិបាលដើម្បីសេវា ថែទាំសុខភាពកាន់តែប្រសើរ”។ ឯកឧត្តមសាស្ត្រាចារ្យ សាផុន វឌ្ឍនៈ សាកលវិទ្យាធិការ នៃសាកលវិទ្យាល័យវិទ្យាសាស្ត្រសុខាភិបាល បានលើកឡើងថា ព្រឹត្តិការណ៍ដ៏សំខាន់នេះត្រូវបានរៀបចំដោយក្រសួងសុខាភិបាល មានរយៈពេល២ថ្ងៃ ចាប់ផ្តើមពីថ្ងៃទី២៤-២៥ ខែតុលា ឆ្នាំ២០២៤។ សន្និសីទនេះរៀបចំឡើងដើម្បីឱ្យអ្នកចូលរួមបានផ្លាស់ប្តូរចំណេះដឹងបទពិសោធន៍លើ៖ ១.ការអប់រំអន្តរ វិជ្ជាជីវៈក្នុងការអប់រំវិជ្ជាជីវៈសុខាភិបាល ២.ទំនើបកម្មនៃប្រព័ន្ធឌីជីថលក្នុងការៀន...
ក្រសួងមុខងារសាធារណៈ និងទីស្ដីការគណៈរដ្ឋមន្ត្រី នៅថ្ងៃទី២៤ ខែតុលា ឆ្នាំ២០២៤នេះ បានសហការរៀបចំសិក្ខាសាលារួមគ្នា ស្ដីពី ការពិនិត្យឡើងវិញ ការវិភាគមុខងារ និងរចនាសម្ព័ន្ធទីស្ដីការគណៈរដ្ឋមន្ត្រី។ ក្រសួងមុខងារសាធារណៈ បានបន្តសហការជាមួយក្រសួងស្ថាប័ន ក្នុងការរៀបចំសិក្ខាសាលាស្ដីពី ការពិនិត្យឡើងវិញ ការវិភាគមុខងារ និងរចនាសម្ព័ន្ធ។ ជាក់ស្ដែងនៅថ្ងៃនេះ ក្រសួងមុខងារសាធារណៈ ក្រោមការដឹកនាំ ដោយ ឧបនាយករដ្ឋមន្ត្រី ហ៊ុន ម៉ានី បានសហការជាមួយទីស្ដីការគណៈរដ្ឋមន្ត្រីក្រោមការដឹកនាំ ដោយឯកឧត្តម វង្សី...