សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានថ្លែងអំណរអរគុណពលរដ្ឋខ្មែររស់នៅអាមេរិក ដែលបានយកចិត្តទុកដាក់ដល់ជាតិសាស៍ពេលជួបទុក្ខលំបាក និងបានជួយឧបត្ថម្ភដល់ពលរដ្ឋភៀសសឹកជាបន្តបន្ទាប់។ សម្ដេចតេជោ ហ៊ុន សែន បានថ្លែងអរគុណបែបនេះ ក្នុងឱកាសសម្ដេច អនុញ្ញាតឱ្យប្រជាពលរដ្ឋខ្មែរដែលជាយុវជនគណបក្សប្រជាជនកម្ពុជានៅក្នុងរដ្ឋនានា នៅតំបន់ឆ្នេរខាងលិចនៃសហរដ្ឋអាមេរិក ចូលជួបសម្តែងការគួរសម នៅវិមានសាមគ្គីភាព នៃព្រឹទ្ធសភាជាតិកម្ពុជា រាជធានីភ្នំពេញ នៅព្រឹកថ្ងៃទី៤ ខែកុម្ភៈ ឆ្នាំ២០២៦នេះ។ ឯកឧត្តម ជា ធីរិទ្ធ អ្នកនាំពាក្យគណបក្សប្រជាជនកម្ពុជា...
ភ្នំពេញ៖ នៅថ្ងៃទី៤ ខែកុម្ភៈ ឆ្នាំ២០២៦ វេលាម៉ោង ១៤:១៧នាទីរសៀលនេះ ក្រុមលេខាធិការដ្ឋាននៃគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) រវាងយោធភូមិភាគទី៣ ភាគីកម្ពុជា និងបញ្ជាការការពារព្រំដែនចន្ទបុរី-ត្រាត ភាគីថៃ បានជួបប្រជុំគ្នានៅច្រកអន្តរជាតិចាំយាម-ហាតលឹក ស្រុកមណ្ឌលសីម៉ា ខេត្តកោះកុង ក្រោមការសង្កេតការណ៍ពីក្រុមអ្នកសង្កេតការណ៍អាស៊ាន (AOT) របស់កម្ពុជា និងថៃផងដែរ។ នេះបើតាម លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជា។...
កម្ពុជានាំចេញទំនិញ ដែលជាប្រភេទកម្មន្តសាលមិនមែនកាត់ដេរ ទៅកាន់ទីផ្សារអន្តរជាតិក្នុងឆ្នាំ២០២៥ បានបន្តចលនការ កំណើនល្អប្រសើរ ទោះបីមានការគំរាមគំហែង ពីការដំឡើងអត្រាពន្ធបដិការពីសហរដ្ឋអាមេរិក និងការអូសបន្លាយនៃជម្លោះព្រំដែន កម្ពុជា-ថៃក៏ដោយ។ ជុំវិញការនាំចេញវិស័យកម្មន្តសាលមិនមែនកាត់ដេរនៅក្នុងឆ្នាំ២០២៥, បើយោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា ចំពោះមុខទំនិញនៅក្នុងវិស័យកម្មន្តសាលមិនមែនកាត់ដេរ ដែលជួយគាំទ្រដល់កំណើននៃការនាំចេញមានដូចជា ការនំាចេញសំបកកង់ឡាន មានទឹកប្រាក់ ជាង ១ ៣០០ លានដុល្លារ, ម៉ាស៊ីន បរិធានមេខនិក និងសម្ភារៈអគ្គិសនី ជិត ២២០ លាន...
រាជរដ្ឋាភិបាលក្នុងឆ្នាំ២០២៦នេះ នឹងជំរុញពង្រឹងការគ្រប់គ្រងចំណូលមិនមែនសារពើពន្ធ និងការចាត់ចែងលើទ្រព្យសម្បត្តិរដ្ឋ បន្តស្វែងរកមុខចំណូលថ្មីៗ ជាពិសេសពង្រឹងយន្តការនៃការប្រមូលចំណូលពីវិស័យធនធានរ៉ែឱ្យអស់សក្តានុពល ដើម្បីពង្រឹងប្រសិទ្ធភាព នៃការប្រមូលចំណូលដែលមានស្រាប់។ ជុំវិញចំណូលមិនមែនសារពើរពន្ធ បើយោងតាមច្បាប់ស្តីពីហិរញ្ញវត្ថុសម្រាប់ការគ្រប់គ្រងថវិកាឆ្នាំ២០២៦ រាជរដ្ឋាភិបាលជំរុញ និងពង្រឹងការអនុវត្តច្បាប់ ស្តីពីការគ្រប់គ្រងចំណូលមិនមែនសារពើពន្ធ, ច្បាប់ស្តីពីការគ្រប់គ្រងការប្រើប្រាស់និងការចាត់ចែងទ្រព្យ សម្បត្តិរដ្ឋ, ព្រមទាំងច្បាប់ និងបទដ្ឋានគតិយុត្តនានា ពាក់ព័ន្ធចំណូលមិនមែនសារពើរពន្ធ, ការស្វែងរកចំណូលថ្មីៗ ដើម្បីពង្រឹង និងពង្រីកការប្រមូលចំណូលមិនមែនសារពើពន្ធ និងចំណូលដែលមានសក្តានុពល ជាពិសេសការប្រមូលចំណូលលើវិស័យធនធានរ៉ែឱ្យ អស់សក្តានុពល ដើម្បីពង្រឹងដល់ប្រសិទ្ធភាពនៃការប្រមូលចំណូលរបស់រាជរដ្ឋាភិបាល សម្រាប់អភិវឌ្ឍន៍ប្រទេសជាតិ។ ទាក់ទងវិស័យរ៉ែ,...
ការប្រកួតកីឡាវាយកូនបាល់អន្តរជាតិអាស៊ី វគ្គជម្រុះប្រចាំតបន់អាស៊ីអាគ្នេយ៍ និងអាស៊ីខាងកើតអាយុក្រោម១៤ឆ្នាំ (ITF ASIA 14 & UNDER DEVELOPMENT CHAMOPIONSHIPS 2026-Regional Qualifying Event South, Southeast, & East Asia) ចាប់ផ្តើមដំណើរការប្រកួតជម្រុះហើយ ចាប់ពីថ្ងៃទី០៣-១៤ ខែកុម្ភៈ ឆ្នាំ២០២៦ នៅទីលានវាយកូនបាល់នៃពហុកីឡដ្ឋានជាតិមរតកតេជោ រាជធានីភ្នំពេញ ដោយមាន១២ប្រទេសចូលរួម ខណៈម្ចាស់ផ្ទះកម្ពុជាមានកីឡាករ...
កម្លាំងអាជ្ញាធរមានសមត្ថកិច្ចនៅតាមថ្នាក់មូលដ្ឋាន បាននិងកំពុងបន្តបង្កើនការចុះត្រួតពិនិត្យជាប្រចាំទៅលើទីតាំងជួលការស្នាក់នៅនានាសម្រាប់ជនបរទេស ដើម្បីតាមដានលើឧក្រិដ្ឋកម្មឆបោកតាមប្រព័ន្ធបច្ចេកវិទ្យា ។ ដើម្បីជាការឆ្លើយតប ក្រោយការទទួលបានបទបញ្ជាដ៏ម៉ឺងម៉ាត់របស់សម្តេចធិបតី ហ៊ុន ម៉ាណែត នាយករដ្ឋមន្ត្រី កងកម្លាំងអាជ្ញាធរមានសមត្ថកិច្ចនៅគ្រប់ជាន់ថ្នាក់ ទាំងថ្នាក់ជាតិ និងរដ្ឋបាលក្រោមជាតិ បាននិងកំពុងបន្តការយកចិត្តទុកដាក់ខ្ពស់ក្នុងយុទ្ធនាការទប់ស្កាត់ និងបង្ក្រាបឲ្យមានប្រសិទ្ធភាពខ្ពស់ លើបទល្មើសឧក្រិដ្ឋកម្មឆបោកតាមប្រព័ន្ធបច្ចេកវិទ្យា ( Online Scams ) ។ យុទ្ធនាការ នៃការចុះរដ្ឋបាលត្រួតពិនិត្យនេះ គឺតែងបានធ្វើឡើងជារឿយៗទៅតាមទីតាំងជួលការស្នាក់នៅតាមទីតាំងផ្ទះជួល ,អគារបន្ទប់ជួល , អគារខុនដូរ...
នៅព្រឹកថ្ងៃទី ៣ ខែកុម្ភៈ ឆ្នាំ២០២៦នេះ ប្រជាពលរដ្ឋដែលកំពុងបន្តស្នាក់នៅជាបណ្តោះអាសន្ន ក្នុងជំរំសុវត្ថិភាព ក្នុងភូមិសាស្រ្តខេត្តបន្ទាយមានជ័យ បានសម្តែងក្តីសង្ឃឹមជឿជាក់យ៉ាងមុតមាំ និងថ្លែងអំណរអរគុណលើការដឹកនាំរបស់ប្រមុខរាជរដ្ឋាភិបាលសម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ដែលបានផ្តល់ដីលំនៅឋាន ជាជម្រកថ្មីរស់នៅបណ្តោះអាសន្នជូនបងប្អូនដែលភៀសសឹកទាំងអស់នៅពេលនេះ ដែលមិនអាចទាន់បានវិលត្រឡប់ចូលទៅលំនៅឋានរបស់ខ្លួនវិញ ។ ប្រជាពលរដ្ឋភៀសសឹករូបនេះ បានបន្តទៀតថា ដោយសារតែការឈ្លានពានរបស់ទាហានសៀមធ្វើការបាញ់ប្រហារមកលើភូមិឋានរស់នៅរបស់ពួកគាត់ ក្បែរតំបន់ព្រំដែនដោយគឃ្លើនយ៉ាងសាហាវព្រៃផ្សៃរំលោភចូលអធិបតេយ្យភាពកម្ពុជាដោយមិនគោរពច្បាប់អន្តរជាតិនោះឡើយ ។សកម្មភាពទាំងអស់នេះហើយ ធ្វើឲ្យពលរដ្ឋកម្ពុជាទាំងចាស់ ទាំងក្មេង ត្រូវបង្ខំចិត្តចាកចេញពីលំនៅឋាន និងផ្ទះសម្បែងរបស់ខ្លួនជាច្រើនកន្លែងត្រូវបានក្រុមទាហានសៀមធ្វើការកម្ទេចបំផ្លាញរបស់បងប្អូនប្រជាពលរដ្ឋស៊ីវិលស្លូតត្រង់កម្ពុជាផងដែរ៕...
ភ្នំពេញ៖ មជ្ឈមណ្ឌលសកម្មភាពកម្ចាត់មីនកម្ពុជា (ស៊ីម៉ាក់) ទទួលបានការ សព្វព្រះរាជហឫទ័យពី សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ប្រោសព្រះរាជទានព្រះរាជទ្រព្យ ១០ម៉ឺនដុល្លារ ដើម្បីប្រើប្រាស់ក្នុងសកម្មភាពបោសសម្អាតមីន។ ឯកឧត្តម ហេង រតនា អគ្គនាយកស៊ីម៉ាក់ កាលពីថ្ងៃទី៣កុម្ភៈ បានគូសបញ្ជាក់ថា ព្រះរាជអំណោយរបស់សម្ដេចព្រះមហាក្សត្រី ព្រះវររាជមាតាជាតិខ្មែរ នាពេលនេះ ក៏ដូចជាពេលកន្លងមក ទាំងព្រះរាជអំណាយជាថវិកា និងជាសម្ភារ បានចូលរួមចំណែកយ៉ាងសំខាន់ក្នុងការកាត់បន្ថយអត្រាគ្រោះថ្នាក់ដោយសារគ្រាប់មីន...
ក្រសួងទេសចរណ៍ និងក្រុមអ្នកជំនាញ បានរួមគ្នាបង្កើតខ្សែទស្សនកិច្ច CLUSTER វៃឆ្លាត ដើម្បីបង្កើនតម្លៃបន្ថែម និងទាក់ទាញភ្ញៀវទេសចរអន្តរជាតិមកទស្សនាកម្ពុជា មានឱកាសស្នាក់នៅយូរ និងជំរុញផ្តល់ប្រភពចំណូលជូនសហគមន៍ ពលរដ្ឋនានាដែលប្រកបរបរពឹងអាស្រ័យវិស័យទេសចរណ៍។ នៅក្នុងសន្និបាតបូកសរុបលទ្ធផលការងារវិស័យទេសចរណ៍ឆ្នាំ២០២៥ និងលើកទិសដៅអនុវត្តបន្តសម្រាប់ឆ្នាំ២០២៦ ឯកឧត្តម នី ផល្លី រដ្ឋលេខាធិការក្រសួងទេសចរណ៍ បានថ្លែងប្រាប់BTV នៅថ្ងៃទី៤ ខែកុម្ភៈនេះ ថាមកដល់ពេលនេះ ក្រសួងទេសចរណ៍ បានរៀបចំសេចក្តីព្រាងខ្សែទស្សនកិច្ច CLUSTER វៃឆ្លាត បានប្រមាណ១០០កញ្ចប់ខ្សែទស្សនកិច្ច ហើយក៏មានក្រុមហ៊ុន...
សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និង ឯកឧត្តម ស៊ីយ៉េដ យូសាហ្វ រ៉ាហ្ស៉ា ហ្គីឡានី (Syed Yusaf Raza Gilani) ប្រធានព្រឹទ្ធសភានៃសាធារណរដ្ឋអ៊ីស្លាមប៉ាគីស្ថាន បានប្តេជ្ញាចិត្តរួមគ្នានៅក្នុងការលើកកម្ពស់ពង្រឹងកិច្ចសហប្រតិបត្តិការទំនាក់ទំនងប្រជាជននៃប្រទេសទំាងពីរឱ្យកាន់តែជិតស្និទ្ធឡើង ស្របតាមចំណងមិត្តភាព កិច្ចសហប្រតិបត្តិការដ៏ល្អរវាងប្រទេសទំាងពីរ ដែលបានឈរយ៉ាងរឹងមាំ ឈ្មោះត្រង់ ជឿទុកចិត្តគ្នា ក្នុងការស្វែងរកផលប្រយោជន៍ជូនពលរដ្ឋទំាងសងខាង។ សម្តេចរដ្ឋសភាធិបតី ឃួន សុដារី បានជួបពិភាក្សាការងារជាមួយ...