គណៈកម្មការស្រាវជ្រាវគម្ពីអាថ៌កំបាំងយុទ្ធគុនដូនតាខ្មែរ នៅថ្ងៃទី១៥ ខែមករា ឆ្នាំ២០២៥ បានបន្ដរៀបចំកិច្ចប្រជុំត្រួតពិនិត្យវឌ្ឍនភាពការងារ និងស្វែងរកធានចូលសំខាន់ៗបន្ថែម ដើម្បីធានាការចាប់ផ្ដើមសកម្មភាពការងារបានប្រព្រឹត្តទៅដោយរលូន និងទទួលបានជោគជ័យ ។ កិច្ចប្រជុំនេះ ដឹកនាំដោយឯកឧត្តមបណ្ឌិតទេសរដ្ឋមន្ដ្រី ថោង ខុន ប្រធានគណៈកម្មាធិការជាតិអូឡាំពិកកម្ពុជា(NOCC) និងជាប្រធានគណៈកម្មការស្រាវជ្រាវគម្ពីអាថ៌កំបាំងយុទ្ធគុនដូនតាខ្មែរ និងសមាជិកជាច្រើនទៀត នៅទីស្នាក់ការគណៈកម្មាធិការជាតិអូឡាំពិកកម្ពុជា ។ ឯកឧត្តម វ៉ាត់ ចំរើន អនុប្រធានអចិន្ដ្រៃយ៍គណៈកម្មការដដែល បានគូសបញ្ជាក់ថា កិច្ចប្រជុំនេះ ធ្វើឡើងដើម្បីពិនិត្យវឌ្ឍនភាពការងារ និងស្វែងរកធាតុចូលសំខាន់ៗបន្ថែម សម្រាប់ការរៀបចំផែនការយុទ្ធសាស្ដ្រ...
នាយឧត្តមសេនីយ៍ ស ថេត អគ្គស្នងការនគរបាលជាតិ បានណែនាំដល់បណ្តាក្រុមហ៊ុនផ្តល់សេវាសន្តិសុខឯកជន និងសហគ្រាសគ្រឹះស្ថានទាំងអស់ ហាមមិនឲ្យជ្រើសរើសជនបរទេសបម្រើការងារជាកម្លាំងភ្នាក់ងារសន្តិសុខឯកជនជាដាច់ខាត ហើយមួយវិញទៀតភ្នាក់ងារសន្តិសុខទាំងអស់ ដែលក្រុមហ៊ុនជ្រើសរើសរួចហើយត្រូវចុះបញ្ជីការឲ្យបានត្រឹមត្រូវនៅអគ្គស្នងការនគរបាលជាតិ។ ថ្លែងនៅក្នុងកិច្ចប្រជុំដកបទពិសោធន៍ការងារគ្រប់គ្រងសន្តិសុខឯកជន រវាងអគ្គស្នងការដ្ឋាននគរបាលជាតិ ជាមួយក្រុមហ៊ុនផ្តល់សេវាសន្តិសុខឯកជន និងសហគ្រាសគ្រឹះស្ថាននា នៅព្រឹកថ្ងៃទី១៦ ខែមករា ឆ្នាំ២០២៥នេះ នាទីស្ដីការក្រសួងមហាផ្ទៃ នាយឧត្តមសេនីយ៍ ស ថេត បានគូសបញ្ជាក់ថា គ្រប់ក្រុមហ៊ុនផ្ដល់សេវា និងសហគ្រាស គ្រឹះស្ថានទាំងអស់ នៅពេលជ្រើសរើសភ្នាក់ងារសន្តិសុខឯកជន ត្រូវអនុវត្តតាមប្រកាសលេខ១០២០...
អ្នកនាំពាក្យក្រសួងយុត្តិធម៌ បានឲ្យដឹងនៅរសៀលថ្ងៃទី១៦ ខែមករា ឆ្នាំ២០២៥នេះថា ក្នុងរយៈពេល ១៥ថ្ងៃ គិតចាប់ពីថ្ងៃទី១ ខែមករា ដល់ថ្ងៃទី១៥ ខែមករា ឆ្នាំ២០២៥ សាលាដំបូង និងអយ្យការអមសាលាដំបូងរាជធានីខេត្ត បានទទួលចាត់ការលើសំណុំរឿងករណីក្មេងទំនើងចំនួន ៥៣ករណី មានជនសង្ស័យចំនួន ២៨២នាក់ តុលាការបានធ្វើការឃាត់ខ្លួនជនសង្ស័យបានចំនួន ១៩៩នាក់ ដែលពាក់ព័ន្ធនឹងបទ “ហិង្សាដោយចេតនាមានស្ថានទម្ងន់ទោស, ធ្វើឱ្យខូចខាតដោយចេតនា និងបទកាន់កាប់អាវុធដោយគ្មានការអនុញ្ញាត”។ អ្នកនាំពាក្យក្រសួងយុត្តិធម៌ បានបន្ថែមទៀតថា សូមថ្លែងអំណរគុណយ៉ាងជ្រាលជ្រៅដល់អាជ្ញាធរមានសមត្ថកិច្ច...
កម្មវិធីប្រកួត ហ្រ្វេនហ្ស៊ី ហ្វ្រីស្តាយល៍ (Frenzy Freestyle) បានឈានដល់វគ្គ១៦នាក់ចុងក្រោយ បន្ទាប់ពីបញ្ចប់ការប្រកួតវគ្គជម្រុះដំបូងកាលពីថ្ងៃអាទិត្យ ទី១២ ខែមករា ឆ្នាំ២០២៥។ ក្រោយការដាក់ពិន្ទុយ៉ាងសុក្រិតយុត្ដិធម៍ពី គណៈកម្មការជំនាញ ទាំង៤រូបរួមមាន ៖ លោក ឃួន ឡាបូរ៉ាវី, លោក រៀម សុខភិរម្យ, លោក ឡុង គីមហេង និងកញ្ញា សុខ សុខា...
នៅព្រឹកថ្ងៃទី១៦ ខែមករា ឆ្នាំ២០២៥ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានអនុញ្ញាតឱ្យ ឯកឧត្តម អាលី អាកបារ ណាហ្សារី (Ali Akbar Nazari) ឯកអគ្គរដ្ឋទូតនៃសាធារណរដ្ឋឥស្លាមអ៊ីរ៉ង់ប្រចាំកម្ពុជា ដែលមាននិវេសនដ្ឋាននៅទីក្រុងហាណូយ ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ។ ជាកិច្ចចាប់ផ្តើម សម្ដេចតេជោ ហ៊ុន សែន បានស្វាគមន៍យ៉ាងកក់ក្តៅចំពោះ ឯកឧត្តម...
រដ្ឋបាលឃុំគូលែនត្បូង រៀបចំពិធីអបអរសាទរខួបលើកទី៤៦ នៃទិវាជ័យជំនះ ៧មករា (៧មករា ១៩៧៩-៧មករា ២០២៥) ក្រោមអធិបតីភាព ឯកឧត្ដម សុខ សាន្ដ ប្រធានក្រុមការងារថ្នាក់ជាតិ ចុះមូលដ្ឋានឃុំគូលែនត្បូង។ ពិធីនេះប្រព្រឹត្តិទៅនៅព្រឹកថ្ងៃទី១៥ ខែមករា ឆ្នាំ២០២៥ នៅបរិវេណសាលាឃុំគូលែនត្បូង ដោយមានការអញ្ជើញចូលរួមពីសំណាក់ លោកស្រី ហែម សុគុណពិសី អនុប្រធានក្រុមការងាថ្នាក់ខេត្តចុះជួយឃុំគូលែនត្បូង លោក លោកស្រី ក្រុមប្រឹក្សាឃុំ យុវជន...
ក្រសួងសាធារណការ និងដឹកជញ្ជូន បច្ចុប្បន្នកំពុងពិនិត្យ សម្អាត និងរៀបចំកែសម្រួលលើតួនាទីភារកិច្ច ការទទួលខុសត្រូវ និងរចនាសម្ព័ន្ធរបស់អង្គភាពក្រោមឱវាទទាំងអស់។ នេះជាការលើកឡើងរបស់ របស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ក្នុងឱកាសធ្វើសិក្ខាសាលារួមគ្នាជាមួយ ក្រសួងមុខងារសាធារណៈស្ដីពី «ការពិនិត្យឡើងវិញ ការវិភាគមុខងារ និងរចនាសម្ព័ន្ធនៃក្រសួងសាធារណការ និងដឹកជញ្ជូន» ដែលប្រព្រឹត្តិទៅនៅព្រឹកថ្ងៃទី ១៦ ខែមករា ឆ្នាំ ២០២៤នេះ។ ឯកឧត្តម ប៉េង ពោធិ៍នា...
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងអំពាវនាវដល់ប្រជាកសិករបែរមកដាំពូជស្រូវក្នុងស្រុក ដើម្បីទទួលបានទិន្នផលខ្ពស់ និងរក្សាស្ថិរភាពតម្លៃបានល្អ ប៉ុន្ដែឯកឧត្តមបានបញ្ជាក់ថា រាជរដ្ឋាភិបាលក៏ដូចជាក្រសួងកសិកម្ម ក៏ខិតខំរកមធ្យោបាយ និងបន្តរក្សាស្ថិរភាពការជួយដល់កសិករដែលធ្វើកសិកម្មបែបប្រពៃណីផងដែរ។ ឯកឧត្តមរដ្ឋមន្រ្ដីបានថ្លែងបែបនេះ ក្នុងសន្និសីទសារព័ត៌មាន ស្តីពីស្ថានភាពថ្លៃស្រូវ និងការប្រមូលផលស្រូវប្រាំង ដែលរៀបចំដោយក្រសួងកសិកម្ម និងអង្គភាពអ្នកនាំពាក្យរាជរដ្ឋាភិបាល នៅថ្ងៃទី១៥ ខែមករា ឆ្នាំ២០២៥ ម្សិលមិញនេះនៅវិមានសន្ដិភាព។ ឯកឧត្តមរដ្ឋមន្រ្ដីបានថ្លែងថា ក្រសួងបានគិតគូរច្បាស់លាស់ណាស់ មិនមែនចេះតែឃើញតម្លៃស្រូវពេលនេះល្អហើយក្រសួងអំពាវនាវឱ្យធ្វើទេ...
លោក ណូ លីដា អគ្គនាយក នៃសាជីវកម្មធានាឥណទានកម្ពុជា (CGCC) បានថ្លែងអះអាងថា វិស័យស្រូវអង្ករ ត្រូវបានចាត់ទុកជាវិស័យអាទិភាព សម្រាប់ការធានាឥណទានរបស់ សាជីវកម្មធានាឥណទានកម្ពុជា។ លោក ណូ លីដា បានបញ្ជាក់បែបនេះ ក្នុងសន្និសីទសារព័ត៌មាន ស្តីពីស្ថានភាពថ្លៃស្រូវ និងការប្រមូលផលស្រូវប្រាំង ដែលរៀបចំដោយក្រសួងកសិកម្ម និងអង្គភាពអ្នកនាំពាក្យរាជរដ្ឋាភិបាល កាលពីរសៀលថ្ងៃទី១៥ មករា ឆ្នាំ២០២៥នេះ នៅវិមានសន្ដិភាព។ លោក ណូ...
សហព័ន្ធកីឡាទោចក្រយានកម្ពុជា បានប្រកាសជូនដំណឹងដល់បណ្ដាសមាគម/ក្លិប និងអ្នកនិយមកីឡាជិះកង់ទូទាំងប្រទេសថា សហព័ន្ធនឹងរៀបចំព្រឹត្តិការណ៍ ជិះកង់ដើម្បីកុមារកម្ពុជា ក្រោមប្រធានបទ «ជិះកង់ផ្ដល់នូវសេចក្ដីស្រលាញ់ដល់កុមារកម្ពុជា នាថ្ងៃទី១៥ ខែកុម្ភៈ ឆ្នាំ២០២៥ ខាងមុខ ដោយចេញដំណើរពីភ្នំពេញ ទៅខេត្តបាត់ដំបង ។ យោងតាមសេចក្ដីជូនដំណឹងរបស់សហព័ន្ធ ព្រឹត្តិការណ៍ជិះកង់ដើម្បីសប្បុរសធម៌នេះ នឹងត្រូវធ្វើដំណើរពីភ្នំពេញ ពីមុខវិមានរដ្ឋធម្មនុញ្ញ (វិមានឯករាជ្យ) ឆ្ពោះទៅទីរួមខេត្តបាត់ដំបង ដែលត្រូវឆ្លងកាត់ខេត្តកំពង់ឆ្នាំង និងខេត្តពោធិ៍សាត់ជាដើម ក្នុងគោលបំណងដើម្បីកៀរគរថវិកា និងសម្ភារ ជួយដល់អង្គការមូលនិធិក្ដីសង្ឃឹមនៃកុមារកម្ពុជា (អង្គការ Hope) ដោយត្រូវធ្វើដំណើរលើចម្ងាយផ្លូវសរុបប្រមាណ...