ការធ្វើពាណិជ្ជកម្មទ្វេរភាគីកម្ពុជា-ចិន នៅក្នុងបំណាច់ឆ្នាំ២០២៤ មានទំហំទឹកប្រាក់សរុបប្រមាណជាង ១៥ ពាន់លានដុល្លារអាមេរិក ក្នុងនោះកម្ពុជាបាននាំចេញទៅកាន់ទីផ្សារចិន មានចំនួនជាង ១ ៧០០ លានដុល្លារអាមេរិក ខណៈការនាំចូលទីផ្សារកម្ពុជាមានចំនួនជាង ១៣ ពាន់លានដុល្លារអាមេរិក។ ជុំវិញការធ្វើពាណិជ្ជកម្មទ្វេរភាគីកម្ពុជា-ចិន នៅក្នុងឆ្នាំ ២០២៤ ក្នុងនោះការធ្វើពាណិជ្ជកម្មរវាងប្រទេសទាំងពីរ បានបន្តងើបឡើង យ៉ាងល្អប្រសើរ ជាពិសេសការនាំចេញទំនិញរបស់កម្ពុជា ទៅកាន់ទីផ្សារចិន បានកំពុងមាននិន្នាការកើនឡើង ទោះបីជញ្ជីងពាណិជ្ជ កម្មរវាងប្រទេសទាំងពីរ នៅមានគម្លាតឆ្ងាយពីគ្នាក៏ដោយ។ ជាក់ស្តែងការធ្វើពាណិជ្ជកម្មទ្វេរភាគីរវាងប្រទេសទាំងពីរ...
កិច្ចការងារធានាសន្តិសុខសុវត្ថិភាព ពិសេសការបង្ការលើបញ្ហាអគ្គិភ័យនៅក្នុងផ្សារទួលទំពូង ត្រូវបានគិតគូរយកចិត្តទុកដាក់បានយ៉ាងល្អប្រសើរ ពីសំណាក់ក្រុមគណៈកម្មាការគ្រប់គ្រងផ្សារទាំងមូល ក្នុងឱកាសបុណ្យចូលឆ្នាំប្រពៃណីចិន-វៀតណាម នេះ ។ លោកចំរើន សុខលីម ប្រធានគណៈកម្មការគ្រប់គ្រងផ្សារទួលទំពូង បានប្រាប់ BTVឱ្យដឹងថា ដោយអនុវត្តទៅតាមគោលការណ៍នាំដ៏ខ្ពង់ខ្ពស់របស់ឯកឧត្តមឃួង ស្រេង អភិបាលរាជធានីភ្នំពេញ និងគណៈបញ្ជាការឯកភាពរដ្ឋបាលខណ្ឌចំការមន គណៈកម្មការផ្សារបានយកចិត្តទុកដាក់ខ្ពស់ លើការលក់ដូររបស់បងប្អូនអាជីវករនៅទូទាំងផ្សា ដោយបានពិនិត្យ និងចុះណែនាំមិនឱ្យមានការលក់ដូរ ឬចែកចាយគ្រឿងផ្ទុះ មានដូចជាផាវ ឬកាំជ្រួចនោះឡើយ ។ បន្ថែមពីលើការហាមប្រាមខាងលើហើយនោះ គណៈគ្រប់គ្រងផ្សារ...
ភ្នំពេញ៖ ក្រុមគណៈប្រតិភូជប៉ុនសរុបចំនួន១២០នាក់ ដឹកនាំដោយ ឯកឧត្តម អូអ៊ិណូ អាត់ស៊ូហ្ស៉ី (UENO Atsushi) ឯកអគ្គរាជទូតជប៉ុនប្រចាំនៅកម្ពុជា នៅព្រឹកថ្ងៃទី២៧ ខែមករា ឆ្នាំ២០២៥នេះ បានអញ្ជើញទស្សនកិច្ច ដើម្បីពិនិត្យវឌ្ឍនភាពអាកាសយានដ្ឋានអន្តរជាតិតេជោ ក្រុងតាខ្មៅ ខេត្តកណ្តាល ខណៈគ្រោងដាក់ឱ្យដំណើរការនៅខែកក្កដាខាងមុខនេះ។ ឯកឧត្តម ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក...
ឯកឧត្តម សាបូ អូហ្សាណូ រដ្ឋលេខាធិការក្រសួងបរិស្ថាន តំណាងដ៏ខ្ពង់ខ្ពស់ឯកឧត្តមបណ្ឌិត អាង សុផល្លែត រដ្ឋមន្ត្រីក្រសួងបរិស្ថាន បានអញ្ជើញជាអធិបតីភាព កិច្ចប្រជុំផ្សព្វផ្សាយសារាចរលេខ០១ ស្ដីពីវិធានការទប់ស្កាត់ និងកាត់បន្ថយការបំពុលខ្យល់សាធារណៈ នាព្រឹកថ្ងៃចន្ទ ថ្ងៃទី២៧ ខែមករា ឆ្នាំ២០២៥ នៅសាលប្រជុំសាលាខេត្តស្វាយរៀង ដោយមានការចូលរួមពីឯកឧត្តម សេង សិលា អភិបាលរងនៃគណៈអភិបាលខេត្តស្វាយរៀង តំណាងគណៈអភិបាល ក្រុងស្រុក មន្ទីរ អង្គភាពជុំវិញខេត្តជាច្រើននាក់។ ក្នុងនាមរដ្ឋបាលខេត្តស្វាយរៀង...
ភ្នំពេញ៖ ក្រសួងបិរស្ថានបានឱ្យដឹងថា គិតត្រឹមម៉ោង២រសៀល ថ្ងៃទី២៧ ខែមករានេះ គុណភាពខ្យល់នៅបណ្ដារាជធានី-ខេត្តទាំងអស់ គឺមានសន្ទស្សន៍គុណភាពល្អណាស់ឡើងវិញ។ នេះបើតាមសេចក្ដីជូនដំណឹងរបស់ក្រសួងបរិស្ថាន។ ក្រសួងបរិស្ថាន បានបញ្ជាក់ថា ស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា (Air Quality Index) សម្រាប់ថ្ងៃទី២៧ ខែមករា ឆ្នាំ២០២៥ ចាប់ពីម៉ោង ៧ ព្រឹក ដល់ម៉ោង ២ រសៀល ដែលមានកំហាប់ភាគល្អិតនិចលគិតជាមធ្យមស្មើនឹង ១៧.១៦ µg/m3...
ទីបំផុតក្រុមការពារតំណែងជើងឯក ព្រះខ័នរាជស្វាយរៀង បានបញ្ចប់កំណត់ត្រាមិនស្គាល់ចាញ់របស់ក្រុមភ្នំពេញក្រោនបានហើយ និងបន្ថយគម្លាតពិន្ទុពីក្រុមកំពូលតារាងនេះ ត្រឹម ១ពិន្ទុប៉ុណ្ណោះ គិតត្រឹមសប្ដាហ៍ទី១៩ នៃលីគកំពូលកម្ពុជា ឆ្នាំ២០២៤/២៥ ។ សម្រាប់ជំនួបដ៏ជក់ចិត្ត នៅកីឡដ្ឋានខេត្តស្វាយរៀង ដែលមានអ្នកទស្សនាផ្ទាល់ជិត ៤ពាន់នាក់ កាលពីរាត្រីថ្ងៃអាទិត្យកន្លងទៅ កីឡាករ ញាណ សុស៊ីដាន បានរកគ្រាប់បាល់នាំមុខឲ្យក្រុមម្ចាស់ផ្ទះ ១គ្រាប់មុន ត្រឹមរយៈពេល ៥នាទី ។ បន្ទាប់មកព្រះខ័នរាជស្វាយរៀង បានបង្កើតឱកាសជាបន្ដបន្ទាប់ទៀត តែធ្វើមិនបានសម្រេច...
រដ្ឋបាលខណ្ឌដូនពេញ បេីកកិច្ចប្រជុំសាមញ្ញលើកទី៨ របស់ក្រុមប្រឹក្សាខណ្ឌដូនពេញ អាណត្តិទី៤ ដើម្បីត្រួតពិនិត្យ លទ្ធផលការងារ និងជំរុញដល់មន្រ្តីពាក់ព័ន្ធបន្តមប្រើការងារបន្តទៀតឲ្យល្អប្រសើរ។ ជាក់ស្ដែងនៅព្រឹកថ្ងៃច័ន្ទ ទី២៧ ខែមករា ឆ្នាំ២០២៥ រដ្ឋបាលខណ្ឌដូនពេញបេីកកិច្ចប្រជុំសាមញ្ញលើកទី៨ របស់ក្រុមប្រឹក្សាខណ្ឌដូនពេញ អាណត្តិទី៤ ក្រោមអធិបតីភាព លោក ជឹម សុទ្ធី សមាជិកក្រុមប្រឹក្សាខណ្ឌដូនពេញ តំណាងលោក ហែម អាន ប្រធានក្រុមប្រឹក្សាខណ្ឌដូនពេញ និងលោក ជា ខេមា...
ក្រុមបឹងកេត នៅតែមិនអាចរកជ័យជម្នះជាថ្មី លើក្រុមអង្គរថាយហ្គឺរ នៅទឹកដីខេត្តសៀមរាប បានឡើយ ក្រោយខកខានអស់រយៈពេល ៧រដូវកាល បន្ទាប់ពីរងបរាជ័យ ១-០ ក្នុងជំនួបជើងទី២ នៃលីគកំពូលកម្ពុជា ឆ្នាំ២០២៤/២៥ សប្ដាហ៍ទី១៩ កាលពីរាត្រីថ្ងៃអាទិត្យកន្លងទៅ ។ ក្រោយរក្សាលទ្ធផលស្មើគ្នា ០-០ នៅកីឡដ្ឋានស្ដាតចាស់ កាលពីជើងទី១ បឹងកេត និងអង្គរថាយហ្គឺរ បានបន្ដការប្រកួតដ៏ជក់ចិត្ត នៅកីឡដ្ឋានអាគីហ៊ីរ៉ូកាតុ ដោយវគ្គទី១ បានរក្សាលទ្ធផល ០-០ មុនកីឡាករ...
នៅថ្ងៃទី២៧ ខែមករា ឆ្នាំ២០២៥ នៅទីស្នាក់ការអាជ្ញាធរមីន ឯកឧត្តមបណ្ឌិត លី ធុជ ទេសរដ្ឋមន្រ្តី អនុប្រធានទី១ អាជ្ញាធរមីន បានទទួលជួបពិភាក្សាការងារជាមួយ លោកស្រី ប៊ុត រតនា នាយិកាប្រតិបត្តិនៃមជ្ឈមណ្ឌលតំបន់អាស៊ានសម្រាប់សកម្មភាពមីន(ARMAC) ស្តីពីភាពជាដៃគូ និងកិច្ចសហប្រតិបត្តិការសកម្មភាពមីន។ ក្នុងជំនួបនេះ លោកស្រី ប៊ុត រតនា បានសម្តែងការអបអរសាទរជូនចំពោះរាជរដ្ឋាភិបាលកម្ពុជា តាមរយៈអាជ្ញាធរមីន ក្នុងការសម្រេចបាននូវសមិទ្ធផលសកម្មភាពមីន នាពេលកន្លងមក និងបានថ្លែងអំណរគុណជូនចំពោះអាជ្ញាធរមីន...
កាលពីរសៀល ថ្ងៃទី២៦ ខែមករា ឆ្នាំ២០២៥ មន្រ្តីការិយាល័យបេតិកភណ្ឌ នៃមន្ទីរវប្បធម៌ និងវិចិត្រសិល្បៈ ខេត្តឧត្តរមានជ័យ បានប្រទះឃើញបំណែកសិលាចារឹកដោយចៃដន្យ នៅលើដីទួលបុរាណ ស្ថិតក្នុងភូមិឈើស្លាប់ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ។ ក្រោយពីទទួលបានព័ត៌មាន លោកប្រធានមន្ទីរវប្បធម៌និងវិចិត្រសិល្បៈខេត្ត បានចុះធ្វើការទទួលយកបំណែកសិលាចារឹកនោះភ្លាមៗ ដោយមានការឯកភាពទទួលស្គាល់ពីសំណាក់លោកមេភូមិ និងប្រជាពលរដ្ឋក្នុងភូមិ ដើម្បីយកមករក្សារទុកនៅមន្ទីរវប្បធម៌និងវិចិត្រសិល្បៈខេត្ត។ អត្ថបទបកប្រែ៖ «ធម៌ទាំងឡាយកើតឡើងអំពីហេតុបច្ច័យ ព្រះតថាគត (ព្រះពុទ្ធ) ទ្រង់ត្រាស់សម្តែងនូវប្រភពនៃហេតុនៃធម៌ទាំងឡាយនោះ។ ធម៌ទាំងឡាយកើតឡើងអំពីហេតុបច្ច័យ ព្រះតថាគត...