តុលាការកំពូលរបស់សហរដ្ឋអាមេរិក បានសម្រេចកាលពីថ្ងៃពុធ (១៨ ធ្នូ) ថានឹងទទួលស្តាប់កិច្ចប្រឹងប្រែងរបស់បណ្ដាញសង្គម TikTok និងក្រុមហ៊ុនមេដែលមានមូលដ្ឋាននៅចិនរបស់ខ្លួនគឺ ByteDance ក្នុងសំណើរារាំងច្បាប់មួយ ដែលមានបំណងបង្ខំឱ្យលក់កម្មវិធីវីដេអូខ្លីនេះត្រឹមថ្ងៃទី១៩ ខែមករា ឬមិនដូច្នេះទេនឹងប្រឈមការហាមឃាត់ ដោយហេតុផលសន្តិសុខជាតិ។ ចៅក្រមមិនបានចាត់វិធានការភ្លាមៗតាមសំណើបន្ទាន់ពី TikTok និង ByteDance ក៏ដូចជាអ្នកប្រើប្រាស់មួយចំនួនរបស់ខ្លួនដែលបង្ហោះខ្លឹមសារនៅលើវេទិកាប្រព័ន្ធផ្សព្វផ្សាយសង្គម ទាមទាររកដីកាបង្គាប់ឱ្យបញ្ឈប់ការហាមប្រាមដែលកំពុងលេចឡើងនេះទេ ហើយជំនួសមកវិញ បានសម្រេចចូលស្តាប់សវនាការអំណះអំណាងលើបញ្ហានេះនៅថ្ងៃទី១០ ខែមករា។ អ្នកតតាំងផ្លូវ្បាប់ទាំងនោះកំពុងប្តឹងឧទ្ធរណ៍ចំពោះសេចក្តីសម្រេចរបស់តុលាការជាន់ទាប លើច្បាប់ដែលនឹងហាមប្រាមប្រតិបត្តិការរបស់ TikTok ដែលត្រូវបានប្រើប្រាស់ដោយជនជាតិអាមេរិកប្រហែល...
អាជ្ញាធរនៅក្នុងទឹកដីក្រៅប្រទេសរបស់បារាំង គឺកោះ ម៉ាយ៉ត់ (Mayotte) កំពុងចាប់ផ្ដើមប្រតិបត្តិការស្ដារឡើងវិញ ហើយនៅតែអាចបញ្ជាក់បានថាមានមនុស្សស្លាប់តែ ៣១នាក់ប៉ុណ្ណោះ គិតត្រឹមថ្ងៃពុធ (១៨ ធ្នូ) ពីព្យុះស៊ីក្លូន ឈីដូ (Chido) ដ៏កាចសាហាវ ដោយសារតួលេខពិតប្រាកដមិនទាន់មាននៅឡើយទេ ប៉ុន្មានថ្ងៃបន្ទាប់ពីបានវាយប្រហារប្រជុំកោះមហាសមុទ្រឥណ្ឌា ដែលបង្កការបំផ្លិចបំផ្លាញយ៉ាងទូលំទូលាយ និងអាចសម្លាប់មនុស្សរាប់ពាន់នាក់។ កោះ Mayotte ទឹកដីក្រៅប្រទេសដ៏ក្រីក្របំផុតរបស់បារាំង គឺជាជម្រកសម្រាប់ជនអន្តោប្រវេសន៍គ្មានឯកសារមួយចំនួនធំ ខណៈតំបន់តូចៗជាច្រើនដែលពួកគេរស់នៅត្រូវបានបំផ្លិចបំផ្លាញដោយព្យុះ ហើយទីតាំងរងគ្រោះជាច្រើននៅតែមិនអាចចូលទៅដល់បាន ដែលធ្វើឱ្យស្មុគស្មាញបន្ថែមទត់កិច្ចការដ៏លំបាករួចទៅហើយក្នុងការគណនាទំហំនៃការស្លាប់ និងខូចខាត។...
ភ្នំពេញ ៖ នារសៀលថ្ងៃទី១៨ ខែធ្នូ ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ នាយឧត្តមនាវី Samuel J. Paparo មេបញ្ជាការនៃបញ្ជាការដ្ឋានឥណ្ឌូប៉ាស៊ីហ្វិក នៃសហរដ្ឋអាម៉េរិក ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ ក្នុងឱកាសនៃជំនួប លោកមេបញ្ជាការបានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការរវាងអាមេរិក-កម្ពុជា។ លោកមេបញ្ជាការបានគោរពជម្រាបជូនសម្តេចបវរធិបតីថាដំណើរទស្សនកិច្ចរបស់រូបលោក និងគណៈប្រតិភូនាពេលនេះ គឺជាការបន្តកិច្ចប្រឹងប្រែងពង្រឹងនិងពង្រីកទំនាក់ទំនងកម្ពុជា-អាមេរិក ជាពិសេសកិច្ចសហប្រតិបត្តិការក្នុងវិស័យការពារជាតិបន្ទាប់ពីទស្សនកិច្ចរបស់ឯកឧត្តម Lloyd...
ភ្នំពេញ ៖ កាលពីវេលាព្រឹកថ្ងៃទី១៨ ខែធ្នូ ឆ្នាំ២០២៤ កម្លាំងអាជ្ញាធរខណ្ឌច្បារអំពៅ ដឹកនាំដោយលោកគុយ គឹមហ៊ាង នាយករងរដ្ឋបាលខណ្ឌ បានបន្តការចុះរៀបចំសណ្តាប់ធ្នាប់សាធារណះនៅលើផ្លូវលេខ៣៦៩ ស្ថិតក្នុងសង្កាត់ច្បារអំពៅទី២ ខណ្ឌច្បារអំពៅ ។ លោកនាយករងរដ្ឋបាលខណ្ឌបានឱ្យដឹងថាកន្លងមករដ្ឋបាលខណ្ឌតែងតែចុះណែនាំនិងចែកលិខិតជូនដំណឹងលេខ ៤៩៥/៤៤ សជណ .ចអព. ដល់អាជីករ ក្នុងន័យមិនអនុញ្ញាតឱ្យដាក់តាំងលក់ទំនិញ និងសម្ភារផ្សេងៗលើផ្លូវនិងចិញ្ចើមផ្លូវសាធារណៈ។ បន្ទាប់ពីទទួលបានការណែនាំនិងលិខិតជូនដំណឹងរួចហើយ ឃើញថាអាជីវករភាគច្រើនគោរព និងអនុវត្តតាមការណែនាំ ជាមួយគ្នានេះក៏នៅមានអាជីវករមួួយចំនួនតូចប៉ុណ្ណោះ ដែលនៅតែបំពានដោយដាក់តាំងលក់ទំនិញ និងសម្ភារផ្សេងៗលើផ្លូវ និងចិញ្ចើមផ្លូវសាធារណៈ...
ភ្នំពេញ៖ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់ថា កម្ពុជាមានកសិផលសក្តានុពលជាច្រើន ដូចជា ស្រូវអង្ករ ស្វាយ ស្វាយចន្ទី និងដំឡូងមី ដែលមានគុណភាពល្អ រសជាតិឆ្ងាញ់ ដោយត្រូវការការវិនិយោគលើការកែច្នៃ វេចខ្ចប់ និងអាចបាញ់ឆ្ពោះទៅកាន់ទីផ្សារអន្តរជាតិបានពិតប្រាកដ ព្រមទាំងទទួលបានតម្លៃបន្ថែមខ្ពស់សម្រាប់អ្នកវិនិយោគ និងផ្តល់ផលប្រយោជន៍ដល់ប្រជាជនទាំងពីរចំគោលដៅ។ ក្នុងឱកាសអញ្ជើញជាអធិបតីក្នុងពិធីបិទបញ្ចប់គម្រោងមជ្ឈមណ្ឌលកសិកម្មអន្តរជាតិកូរ៉េ (KOPIA) ប្រចាំកម្ពុជា និងកិច្ចប្រជុំប្រចាំឆ្នាំសមាគមកសិកម្ម-ឧស្សាហកម្មកូរ៉េ (K-Agro)...
ពលរដ្ឋ និងសហជីពគាំទ្រពេញទំហឹងចំពោះពាក្យ«ផ្ការីកក្នុងសួនសន្ដិភាព»របស់សម្ដេចតេជោ ហ៊ុន សែន ប្រធានព្រឹទ្ធសភា និងសម្ដេចបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា ដោយសារយុទ្ធសាស្រ្តនេះចាប់ផ្ដើមការអភិវឌ្ឍន៍នានាក្នុងប្រទេសកើតចេញពីការធ្វើតិចតួចទៅច្រើន និងអនុវត្តពីតូចទៅធំ។ លោក ឡេវ សំអាន ជាប្រជាពលរដ្ឋនៅភ្នំពេញបាននិយាយថា៖«ក្នុងនាមខ្ញុំជាពលរដ្ឋខ្មែរ ខ្ញុំសូមគាំទ្រពេញទំហឹងចំពោះប្រសាសន៍សម្ដេចតេជោ ហ៊ុន សែន និងសម្ដេចបវរធិបតី ហ៊ុន ម៉ាណែត ទាក់ទងនឹងពាក្យ«ផ្ការីកក្នុងសួនសន្ដិភាព» ព្រោះបើគ្មានសន្ដិភាព ក៏មិនអាចដាំផ្កាឱ្យរីកបាននោះទេ។ បើគ្មានសន្ដិភាព ក៏មិនអាចអភិវឌ្ឍប្រទេសឱ្យរីកចម្រើនដូចជាផ្ការីកដែរ»។...
នាយខណ្ឌរដ្ឋបាលជលផលខេត្តកំពត បានបញ្ជាក់ថា ការងារនេសាទសមុទ្រខេត្តកំពត នៅតែមានដំណើរការល្អ ដោយសារមានការចូលរួមសហការគ្នាពីគ្រប់ភាគីពាក់ពាក់ព័ន្ធ ក្នុងការគោរពច្បាប់ និងការចូលរួមអភិរក្ស កាត់បន្ថយបទល្មើសនេសាទ ធ្វើឲ្យធនធានសមុទ្រមានការថយចុះយឺតខ្លាំង ជាក់ស្តែងឆ្នាំ២០២៤នេះ ខេត្តកំពតប្រមូលផលនេសាទសមុទ្របានជាង១ម៉ឺន៦ពាន់តោន គឺមិនមានការថយចុះទេ បើធៀបនឹងឆ្នាំ២០២៣កន្លងទៅ។ នាយខណ្ឌរដ្ឋបាលជលផល លោក ស សុរិន បានប្រាប់ឲ្យដឹងថា ក្រោមការចង្អុលបង្ហាញពីថ្នាក់ដឹកនាំក្រសួង ថ្នាក់ដឹកនាំខេត្ត ពិសេសប្រធានមន្ទីរកសិកម្ម រុក្ខាប្រមាញ់ និងនេសាទខេត្ត មន្ត្រីខណ្ឌរដ្ឋបាលជលផល របស់លោកបានខិតខំយកចិត្តទុកដាក់យ៉ាងខ្លាំងលើកងារងារ ផ្សព្វផ្សាយអប់រំច្បាប់ដល់ប្រជានេសាទ ការងារអភិរក្សធនធានសមុទ្រ បង្កើនការងារចុះល្បាត...
បាត់ដំបង៖ លោក ហ៊ាន លីហុង ប្រធានគ្រប់គ្រងការដ្ឋាននៃគម្រោងទឹកកខ្វក់ក្នុងក្រុងបាត់ដំបង ថ្លែងឱ្យដឹងថា ការអនុវត្តគម្រោងសាងសង់ប្រព័ន្ធលូរំដោះទឹកកខ្វក់នៅប៉ែកខាងកើតស្ទឹងសង្កែ ក្រុងបាត់ដំបងសម្រេចបាន១០០ភាគរយចំណែកប៉ែកខាងលិចបាន និងកំពុងពន្លឿនការសាងសង់ដែលគ្រោងនឹងបញ្ចប់នៅចុងឆ្នាំ២០២៥ ហើយផ្លូវដែលរងការខូចខាតកន្លងមកត្រូវបានជួសជុលកែលម្អឡើងវិញជាបន្តបន្ទាប់។ លោក ហ៊ាន លីហុង បានពន្យល់ពីបញ្ហាផ្លូវជាតិលេខ៥ចាប់ពីចំណុចរង្វង់មូលព្រាបសរហូតមកដល់លោកតាដំបងគ្រញូងដែលរងការខូចខាតដោយសារការជីកគាស់កាយដើម្បីអនុវត្តគម្រោងសាងសង់ប្រព័ន្ធលូរំដោះទឹកកខ្វក់ ដូច្នេះសូមបងប្អូនប្រជាពលរដ្ឋ និងអ្នកដំណើរទាំងអស់មានការយោគយល់អធ្យាស្រ័យខ្ពស់ ខណៈផ្លូវដែលរងការខូចខាតទាំងអស់នឹងត្រូវសាងសង់ឡើងវិញក្រោយបញ្ចប់គម្រោង។ លោក ហ៊ាន លីហុង គូសបញ្ជាក់ថា ផ្លូវជាតិលេខ៥ចាប់ពីចំណុចរង្វង់មូលព្រាបសរហូតមកដល់លោកតាដំបងគ្រញូងនឹងត្រូវសាងសង់ងវិញករា ឆ្នាំ២០២៥។ សូមម្រាបថា ក្រុងបាត់ដំបងបច្ចុប្បន្នបាននិងកំពុងអនុវត្តគម្រោងស្តារប្រព័ន្ធលូរំដោះទឹកកខ្វក់ និងអាងប្រព្រឹត្តកម្មទឹកកខ្វក់ចេញក្រៅក្រុង...
បងប្អូនប្រជាពលរដ្ឋជាតំណាងគ្រួសារ និងអ្នកពាក់ព័ន្ធ បានអញ្ជើញចូលរួមប្រជុំផ្សព្វផ្សាយ ប្រកាសកំណត់តំបន់វិនិច្ឆ័យចុះបញ្ជីដីធ្លីមានលក្ខណៈ ជាប្រព័ន្ធទាំង២១ភូមិក្នុងឃុំតាលោ ស្រុកតាលោសែនជ័យ ខេត្តពោធិ៍សាត់ ដោយពិធីនេះបានប្រារព្ធធ្វើនៅសាលាឃុំ ដែលរៀបចំឡើងដោយមន្ទីររៀបចំដែនដី នគរូបនីយកម្ម សំណង់និង សុរិយោដីខេត្តពោធិ៍សាត់។ លោក សួង សែ អនុប្រធានមន្ទីររៀបចំដែនដីនគរូបនីយកម្មសំណង់ និង សុរិយោដីខេត្តបានឱ្យដឹងថា ដើម្បីពន្លឿនក្នុងការចុះបញ្ជីដីធ្លីមានលក្ខណៈជាប្រព័ន្ធជូនប្រជាពលរដ្ឋទាំង២១ភូមិក្នុងឃុំតាលោ ស្រុកតាលោសែនជ័យ ទទួលបានលទ្ធផលល្អប្រសើរ និងឈានទៅបញ្ចប់ដំណាច់ឆ្នាំ២០២៤នោះ ក្នុងមន្ទីរជំនាញសូមឱ្យពលដ្ឋ និងអ្នកពាក់ព័ន្ធស្ថិតក្នុងតំបន់ធ្វើការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធទាំងដីកសិកម្ម និងដីលំនៅឋានត្រូវចូលរួមសហការជាមួយមន្ត្រីបច្ចេកទេសទាំង៥ដំណាក់កាលកុំឱ្យខាន បើមិនដូច្នេះទេ ក្រុមការងារមិនទទួលខុសត្រូវឡើយ។ លោកបានបញ្ជាក់ថាបន្ទាប់ពីប្រជុំប្រកាសនេះរួចក្រុមការងារបច្ចេកទេស ចាប់ផ្តើមចុះវាស់វែង...
និស្សិតបងប្អូនស្រីភ្លោះពីរនាក់មកពីខេត្តត្បូងឃ្មុំ កំពុងខិតខំប្រឹងប្រែងចាប់យកជំនាញវិស្វកម្មអគ្គិសនីនៅវិទ្យាស្ថានជាតិពហុបច្ចេកទេសកម្ពុជា(NPIC) ដោយមិនខ្វល់ពីអ្នកភូមិរិះគន់ ខណៈដែលជំនាញមួយនេះមិនសូវមានការចាប់អាម្មណ៍ពីសិស្សនិស្សិតជានារីនោះទេ។ និស្សិតបងប្អូនភ្លោះទាំងពីរបានបញ្ចាក់ដូចគ្នាថា៖«វាជារឿយៗអ្នកជិតខាងខ្ញុំតែងតែសួរថា រៀនធ្វើអីនារីរៀនខាងអគ្គិសនី រៀងខាងជាងភ្លើង? ប៉ុន្ដែពួកខ្ញុំប្រាប់ពួកគាត់ថា ឥឡូវនឹងជឿនលឿនហើយ ពួកខ្ញុំទៅរៀនជំនាញបច្ចេកទេស មិនមែនត្រឹមតែឡើងលើបង្គោលភ្លើងហ្នឹងនោះទេ ហើយពួកខ្ញុំធ្វើការងារតែជាមួយកុំព្យូទ័រដែលទាក់ទងនឹងការងារវិសយ្គិសនីហ្នឹង មិនមែនទៅឡើងបង្គោលភ្លើងដូចមីងគិតនោះទេ»។ កញ្ញា គូ ចន្ថាត ជានិស្សិតនៅវិទ្យាស្ថាន NPIC នៃក្រសួងការងារ និងបណ្ដុះបណ្ដាលវិជ្ជាជីវៈបាននិយាយថា នៅពេលសួរអំពីការសម្រេចចិត្តបន្តការសិក្សាផ្នែកវិស្វកម្មអគ្គិសនី កញ្ញាបានបង្ហាញពីទំនុកចិត្តខ្ពស់ទាក់ទងនឹងទីផ្សារការងារដ៏ធំក្នុងវិស័យនេះ ដោយសារបានស្វែងយល់ពីឱកាសការងារដែលមានសក្តានុពលតាមរយៈសិស្សច្បងណែនាំកញ្ញាបានស្គាល់ជំនាញនេះកាន់តែច្បាស់។ កញ្ញាបន្តថា ការចាប់ផ្ដើមនៃការសិក្សារដំបូង គឺមិនសូវយល់ច្បាស់ពីមេរៀនដែលលោកគ្រូ...