ព័ត៌មាន
សមាគមសហគ្រិនស្រ្តីកម្ពុជា បើកសម្ភោធកម្មវិធីបង្វឹកដល់ស្រ្តី ដើម្បីជំរុញគ្រប់គ្រងអាជីវកម្មឱ្យកាន់តែរីកចម្រើន
ភ្នំពេញ ៖ សមាគមសហគ្រិនស្រ្តីកម្ពុជា បើកសម្ភោធជាផ្លូវការ កម្មវិធីបង្វឹកសហគ្រិនភាពសម្រាប់ស្រ្តី WE Academy ជំនាន់ទី១ ជាវគ្គ បណ្តុះបណ្តាលរយៈពេលវែង និងមានមុខវិជ្ជាសំខាន់ៗ សម្រាប់សិក្ខាកាមអាចទទួលយកទៅប្រើប្រាស់ក្នុងការកែទម្រង់ ឬតម្រង់ទិស នៃការគ្រប់គ្រងដឹកនាំអាជីវកម្មឱ្យកាន់តែរីកចម្រើន។
លោកជំទាវ ចាន់ ភារី ប្រធានសមាគមសហគ្រិនស្រ្តីកម្ពុជា លើកឡើងនៅក្នុងពិធីសម្ភោធជាផ្លូវការកម្មវិធីបង្វឹកសហគ្រិនភាព សម្រាប់ស្រ្តី WE Academy នៃសមាគមសហគ្រិនស្រ្តីកម្ពុជា នៅថ្ងៃទី ៨ ខែ ឧសភា ឆ្នាំ ២០២៥ នេះថា ក្រុមប្រឹក្សាភិបាលអាណតិ្ត ទី៥នេះ បានឯកភាពសម្រេចដាក់ចេញនូវផែនការទិសដៅជាយុទ្ធសាស្ត្រ ឆ្នាំ២០២៥-២០២៧ ផ្តោតលើតំបន់អាទិភាពចំនួន៤គឺ៖ We share, We academy, We talk, We financing ដោយបានផ្តោតលើគោលដៅអភិវឌ្ឍន៍ប្រកបដោយចីរភាព ដើម្បីចូលរួម ចំណែកលើការកសាងសមត្ថភាពសហគ្រិនភាពស្ត្រី ភាពជាអ្នកដឹកនាំ គ្រប់គ្រង និងអភិវឌ្ឍន៍អាជីវកម្ម ដើម្បីបង្កើតភាពធន់ ការពង្រឹង និងពង្រីកអាជីវកម្មឱ្យមានភាពរឹងមាំ និងបន្តជំរុញភាពរីកចម្រើន នៃសេដ្ឋកិច្ចប្រកបដោយសមធម៌។
លោកជំទាវ បន្តថា ជាក់ការសម្ភោធជាផ្លូវការ កម្មវិធីបង្វឹកសហគ្រិនភាពសម្រាប់ស្រ្តី WE Academy ជំនាន់ទី១ នេះ គឺជា កម្មវិធីបណ្តុះបណ្តាលសហគ្រិនភាពសម្រាប់ស្ត្រី ដែលមាន១២មុខវិជ្ជា ដោយត្រូវបានសម្រិតសម្រាំង និងបង្រៀនដោយគ្រូបង្គោល ដែលជាម្ចាស់អាជីវកម្ម (ជាសហគ្រិនស្ត្រី) មានបទពិសោធន៏ទាំងទ្រឹស្តី និងការអនុវត្តន៏ផ្ទាល់ ដែលនិងជួយលើកការកសាងសមត្ថភាព សហគ្រិនភាពស្រ្តី និងលើកកម្ពស់អាជីវកម្មឱ្យមានគ្រឹះរឹងមាំតាំងពីជំហ៊ានដំបូង។
ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្តិនៃសហគ្រិនខ្មែរ លើកឡើងថា ជុំវិញការជួយដល់ធុរកិច្ច និងសហគ្រិន, នៅក្នុងរយៈពេលជិត៥ឆ្នាំកន្លងមកនេះ សហគ្រិនខ្មែរបានអនុវត្តមានចំនួនជិត ៥០០ គម្រោង ក្នុងនោះសម្រាប់សហគ្រិនស្រ្តី កន្លងមកសហគ្រិនខ្មែរបានធ្វើការងារជាច្រើនជាមួយសហគ្រិនស្រ្តីដូចជា៖ ការជួយកសាង សហគ្រិនស្រ្តីនៅតាមបណ្តាខេត្ត, កម្មវិធីការអភិវឌ្ឍន៍អាជីវកម្ម តាមរយៈការលើកកម្ពស់អនាម័យ និងផលិតកម្មល្អ ដើម្បីឱ្យសហគ្រិន ងាកទៅអនុវត្តស្របតាមស្តង់ដារជាដើម។ ចំណែកតាមរយៈកម្មវិធីបង្វឹកសហគ្រិនភាពសម្រាប់ស្រ្តីនេះ សហគ្រិនខ្មែរនឹងជួយរកនូវ ធនធានបន្ថែម ដើម្បីជួយលើកកម្ពស់គម្រោងនេះឱ្យបានកាន់ប្រសើរ ប្រកបដោយភាពជោគជ័យ៕
អត្ថបទ៖ សុន រ៉ាឌី
-
ព័ត៌មាន1 week agoក្រុមគ្រូពេទ្យខេត្តកោះកុង ចុះបេសកម្មពិនិត្យព្យាបាលជំងឺទូទៅ អប់រំសុខភាពមាត់ធ្មេញជូនប្រជាពលរដ្ឋនៅឃុំថ្មដូនពៅ
-
ព័ត៌មាន2 days agoឧត្តមសេនីយ៍ទោ ហ៊ុល សំអុន ដាក់បទបញ្ជាដល់នាយទាហានក្រោមឱវាទទាំងអស់សាមគ្គីគ្នាជាធ្លុងមួយ ដើម្បីការពារអធិបតេយ្យភាព បូរណភាពទឹកដីកម្ពុជា និងរក្សាសុខសន្ដិភាពជូនប្រជាជន
-
ព័ត៌មាន5 days agoកងទ័ពកម្ពុជា និងថៃ បន្តកែសម្រួលយុទ្ធោបករណ៍បំផ្លិចបំផ្លាញធុនធ្ងន់លើកទី២ក្រោមក្រសែភ្នែកអ្នកសង្កេតការណ៍អាស៊ាន
-
ព័ត៌មាន5 days agoអូស្ត្រាលីគាំទ្រវិស័យស្រូវអង្ករកម្ពុជា
-
ព័ត៌មាន1 week agoសម្ដេចតេជោ ហ៊ុន សែន បានប្រាប់មិត្តបរទេសថា ថៃបិទច្រកព្រំដែនជាមួយកម្ពុជាមិនត្រឹមតែផ្ដាច់ការតភ្ជាប់រវាងកម្ពុជា-ថៃ ទេ តែជាការកាត់ផ្តាច់ការតភ្ជាប់អាស៊ាន និងអាស៊ីផងដែរ
-
ព័ត៌មាន6 days agoសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខ និងនាំយកអំណោយមនុស្សធម៌ ផ្តល់ជូនដល់យុទ្ធជនដែលរងរបួស និងកំពុងសម្រាកព្យាបាលនៅតាមបណ្តាមន្ទីរពេទ្យនៅរាជធានីភ្នំពេញ
-
ព័ត៌មាន1 week agoសម្តេចកិត្តិសង្គហបណ្ឌិត ម៉ែន សំអន ហែរអង្គកឋិនទានមហាសាមគ្គីទៅវត្តទួលអង្គញ់ ទទួលបានបច្ច័យចំនួនជាង ១ម៉ឺនដុល្លារ
-
ព័ត៌មាន5 days agoឯកឧត្ដម ប៉េង ពោធិ៍សា អញ្ជើញជាអធិបតីដឹកនាំកិច្ចប្រជុំត្រៀមសហការរៀបចំពិធីជំនួបប្រាស្រ័យព្រំដែនមិត្តភាព លើកទី២ រវាងថ្នាក់រដ្ឋមន្រ្តីក្រសួងការពារជាតិកម្ពុជា-វៀតណាម នៅខេត្តស្វាយរៀង