ព័ត៌មាន
មន្ទីរពេទ្យបង្អែកចំនួន៣ ឈ្នះជ័យលាភីគម្រោងនវានុវត្តន៍កែលម្អសេវាជួរមុខ និងទទួលបានថវិកាគាំទ្រពី គ.វ.ជ
គណៈកម្មការវាយតម្លៃអង្គភាពផ្តល់សេវាសាធារណៈគំរូថ្នាក់ជាតិ (គ.វ.ជ.) បានសម្រេចជ្រើសរើស និងប្រគល់ជ័យលាភីគម្រោងនវានុវត្តន៍សម្រាប់កែលម្អផ្នែកផ្តល់សេវាជួរមុខ របស់មន្ទីរពេទ្យបង្អែកផ្តល់សេវាសំណុំសកម្មភាពបង្គ្រប់កម្រិត២ (CPA2)។
ផ្អែកលើលទ្ធផលវាយតម្លៃរបស់គណៈកម្មការកាលពីថ្ងៃទី៦ ខែតុលា ឆ្នាំ២០២៦ មន្ទីរពេទ្យបង្អែកចំនួន៣ ព្រមទាំងបេក្ខជនជាគ្រូពេទ្យឆ្នើម បានឈ្នះជ័យលាភីរួមមាន៖ (១)លោកវេជ្ជបណ្ឌិត ពិន សេរីវឌ្ឍនៈ (មន្ទីរពេទ្យបង្អែកខេត្តកោះកុង) ៖ គម្រោង «ការរៀបចំសេវាជួរមុខប្រកបដោយគុណភាព និងប្រសិទ្ធភាព», (២)លោកវេជ្ជបណ្ឌិត នួន សុផាត (មន្ទីរពេទ្យបង្អែកព្រៃកប្បាស) ៖ គម្រោង «ការកែលម្អការគ្រប់គ្រងនិងការផ្តល់សេវានៃផ្នែកជួរមុខ» និង (៣)លោកវេជ្ជបណ្ឌិត ឈុន វិដា (មន្ទីរពេទ្យបង្អែកព្រះនេត្រព្រះ) ៖ គម្រោង «ការកែលម្អសេវាជួរមុខ»។
«គម្រោងនវានុវត្តន៍កែលម្អការផ្តល់សេវាជួរមុខ» គឺជាការដាក់ឱ្យអនុវត្តនូវគំនិតច្នៃប្រឌិត ឬបច្ចេកវិទ្យាថ្មីៗ នៅចំណុចដំបូងដែលប្រជាពលរដ្ឋមកប្រកៀកផ្ទាល់ជាមួយអង្គភាព ក្នុងគោលបំណងកាត់បន្ថយពេលវេលារង់ចាំ បង្កើនតម្លាភាព និងលើកកម្ពស់ការពេញចិត្តរបស់ពលរដ្ឋ។ ក្នុងបរិបទសុខាភិបាល គម្រោងទាំងនេះផ្តោតលើការរៀបចំប្រព័ន្ធគ្រប់គ្រងជួររង់ចាំឆ្លាតវៃ បញ្ជរព័ត៌មានតែមួយច្រក និងការទូទាត់ប្រាក់បែបឌីជីថល ដើម្បីសម្រាលភាពតានតឹង និងផ្តល់ភាពងាយស្រួលបំផុតជូនអ្នកជំងឺ។
បន្ទាប់ពីទទួលជ័យលាភីនេះ ម្ចាស់ជ័យលាភី និងគណៈគ្រប់គ្រងមន្ទីរពេទ្យ ត្រូវទទួលបន្ទុកអនុវត្តគម្រោងឱ្យមានប្រសិទ្ធភាព រួចរៀបចំរបាយការណ៍វឌ្ឍនភាពផ្ញើជូនក្រសួងមុខងារសាធារណៈ ក្នុងរយៈពេល ៣ខែ បន្ទាប់ពីការអនុវត្ត និងនៅពេលបញ្ចប់គម្រោង ព្រមទាំងត្រូវផ្តល់ការសហការក្នុងការចែករំលែកបទពិសោធជោគជ័យនេះ ទៅកាន់អង្គភាពផ្តល់សេវាសាធារណៈផ្សេងៗទៀតទូទាំងប្រទេសផងដែរ៕
-
ព័ត៌មាន1 week agoយុវជនក្នុងខេត្តកណ្ដាល បង្ហាញមោទនភាព ដែលមានឱកាសក្លាយជាកម្លាំងការពារជាតិ
-
ព័ត៌មាន4 days agoយុវជនខេត្តកំពង់ឆ្នាំង បង្ហាញមោទនភាពក្នុងការចូលបំពេញកាតព្វកិច្ចយោធា ដើម្បីបម្រើជាតិមាតុភូមិ
-
ព័ត៌មាន3 days agoយុវជន ២៤០នាក់នៅខេត្តកោះកុង បានដាក់ពាក្យបំពេញកាតព្វកិច្ចយោធា
-
ព័ត៌មាន5 days agoយុវជនប្ដេជ្ញាខិតខំហ្វឹកហាត់លត់ដំខ្លួនឱ្យរឹងមាំដើម្បីក្លាយជាសសរស្ដម្ភជាតិ ក្នុងពេលចូលបំពេញកាតព្វកិច្ចកិច្ចយោធា
-
ព័ត៌មាន1 week agoសេវារថយន្តក្រុងរដ្ឋឥតគិតថ្លៃបានសន្សំសោហ៊ុយធ្វើដំណើររបស់ពលរដ្ឋប្រមាណ ១២ពាន់លានរៀល
-
ព័ត៌មាន5 days agoពលរដ្ឋក្រីក្រ៖ ប្រាក់ឧបត្ថម្ភទប់វិបត្តិឡើងថ្លៃប្រេង ជួយសម្រាលការលំបាកមួយផ្នែកធំលើជីវភាព
-
ព័ត៌មាន1 day agoស្ពានកោះនរា-មេគង្គឃី៖ ច្រកយុទ្ធសាស្ត្រថ្មីជំរុញសេដ្ឋកិច្ច ការតភ្ជាប់ និងការអភិវឌ្ឍទីក្រុងរណបអរិយក្សត្រ
-
ព័ត៌មាន1 week agoសម្ដេចធិបតី ហ៊ុន ម៉ាណែត និងប្រធានាធិបតីអាស៊ែបៃហ្សង់ អញ្ជើញជាអធិបតីក្នុងពិធីប្តូរឯកសារអនុស្សរណៈ នៃការយោគយល់គ្នាចំនួន៣