ប្រជាពលរដ្ឋមកពីតាមបណ្តាលក្រុងស្រុកផ្សេងៗគ្នា ក្នុងភូមិសាស្រ្តខេត្តឧត្តរមានជ័យ បានធ្វើដំណើរកម្សាន្តនៅតំបន់ប្រាសាទតាមាន់ជាបន្តបន្ទាប់ ខណៈការធ្វើដំណើររបស់ពួកគាត់ តាមរថយន្តក្រុងរបស់រដ្ឋបាលខេត្ត ដោយពុំមានការគិតថ្លៃ និងខ្លះទៀតធ្វើដំណើរដោយរថយន្តផ្ទាល់ខ្លួន ដើម្បីចង់ឃើញចង់ស្គាល់ប្រាសាទតាមាន់ ។ ប្រជាពលរដ្ឋ បានឲ្យដឹងថា តំបន់ប្រាសាទតាមាន់ គឺជាតំបន់ទេសចរប្រវត្តិសាស្រ្តមួយដែលដូនតាបុព្វបុរសខ្មែរសម័យមុន បានកសាងបន្សល់ទុកជាកេរដំណែលមកដល់ពេលបច្ចុប្បន្ននេះ ដោយមានការយាមកាមការពារបានយ៉ាងល្អប្រសើររបស់ភាគីទាំងសងខាងរវាងកងទ័ពកម្ពុជានិងកងទ័ពថៃ ស្ថិតនៅចំណុចភូមិតាមាន់សែនជ័យ ឃុំកោគមន ស្រុកបន្ទាយអំពឹល ខេត្តឧត្តរមានជ័យ លើជួរភ្នំដងរែក ព្រំដែនដែនកម្ពុជាថៃ។ ពលរដ្ឋបានបន្តថា ពួកគាត់កន្លងមកពុំសូវបានស្គាល់ និងមកទស្សនាកម្សាន្តលេងនៅតំបន់ប្រាសាទតាមាន់នេះទេ។បច្ចុប្បន្នដោយសារប្រទេសយើងមានសុខសន្តិភាព សន្តិសុខសង្គមបានល្អប្រសើរហើយនោះ ទើបយើងអាចធ្វើដំណើរមកលេងកម្សាន្តដោយសេរីដោយពុំមានការភ័យខ្លាចពីសុវត្ថិភាពអ្វីនោះឡើយ...
អាជ្ញាធរជាតិអប្សរាបានបញ្ចប់ការរៀបចំរចនាសម្ព័ន្ធមួយចំនួននៅប្រាសាទតាព្រហ្មកិល ដែលរងការខូចខាតដោយអន្លើៗ មានថ្មខ្លះរាយប៉ាយ និងថ្មជាច្រើនទៀតបានបាត់ ឱ្យមានរបៀបរៀបរយឡើងវិញ។ លោក ម៉ៅ សុខនី ប្រធានការដ្ឋានជួសជុលប្រាសាទតាព្រហ្មកិល ឱ្យដឹងថា ក្រោយបញ្ចប់ការជួសជុលតួប្រាសាទតាព្រហ្មកិល ក្រុមការងារកំពុងបន្តរៀបចំបរិវេណខាងមុខប្រាសាទនោះ មាន ខ្លោងទ្វារ និងបណ្ណាល័យនៅជ្រុងនិរតី។ ការរៀបចំរចនាសម្ព័ន្ធរបស់មន្ទីរពេទ្យបុរាណនេះឡើងវិញ ចាំបាច់ត្រូវពង្រឹងខឿនខ្លោងទ្វារច្រកចូលខាងកើត យកថ្មចល័តខុសទីតាំងមកដាក់កន្លែងដើម រៀបផ្គុំហោជាងឡើងវិញ រៀបចំថ្មមួយចំនួនឱ្យមានសណ្តាប់ធ្នាប់ ហើយទេសចរអាចទស្សនានូវក្បាច់ចម្លាក់ផ្សេងៗ ដូចជា ហោជាង និងផ្តែរបាន ព្រមទាំងរៀបចំខឿនបណ្ណាល័យនៅជ្រុងអាគ្នេយ៍ផង៕
អ្នកជំនាញក្នុងវិស័យអនលទ្រព្យ មើលឃើញខេត្តចំនួន ៤ របស់កម្ពុជា ដែលនៅក្នុងតំបន់ CLV នឹងអាចក្លាយជាទីផ្សារថ្មីមួយ ទៀត គាំទ្រដល់ការអភិវឌ្ឍន៍វិស័យអចលនទ្រព្យ ខណៈដែលរាជរដ្ឋាភិបាលកំពុងគិតគូរ និងជំរុញអភិឌ្ឍន៍តំបន់ទំាងនោះបម្រើដល់ សេដ្ឋកិច្ច-សង្គម។ លោក សន សៀប ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា លើកឡើងក្នុងកិច្ចសម្ភាសន៍ជាមួយភ្នាក់ងារ អ្នកយកព័ត៌មាន BTV ស្តីពីការអភិវឌ្ឍន៍វិស័យអចលនទ្រព្យក្នុងពេលបច្ចុប្បន្ន និងនៅក្នុងខេត្តចំនួន ៤ របស់កម្ពុជាក្នុងតំបន់ CLV នេះថា ជុំវិញការអភិវឌ្ឍន៍វិស័យចលនទព្យនេះ...
ព្រឹត្តិការណ៍ពិព័រណ៍វិស័យសំណង់ និងសម្ភារៈសាងសង់ខ្នាតអន្តរជាតិលំដាប់លេខ១ (CAMBUILD 2024) ដែលនាំមកនូវអ្នកផ្គត់ផ្គង់នៅក្នុងវិស័យឧស្សាហកម្ម អ្នកវិនិយោគិន និងអ្នកប្រឹក្សាយោបល់ជាមួយគំនិតច្នៃប្រឌិតជាច្រើននាក់ ត្រូវបានប្រកាសបើកបង្ហាញការដាក់តាំងជាផ្លូវការ ចាប់ពីថ្ងៃទី១១ ដល់១៣ ខែកញ្ញា ឆ្នាំ២០២៤ នៅមជ្ឈមណ្ឌលពិព័រណ៍ និងសន្និបាតកោះពេជ្រ។ កម្មវិធីពិព័រណ៍ ខេមបៀល ២០២៤នេះ បានបើកសម្ពោធក្រោមអធិបតីភាពរបស់ ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។ កម្មវិធីនេះ...
នៅរសៀលថ្ងៃទី១០ ខែកញ្ញា ឆ្នាំ២០២៤ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ បានអញ្ជើញចុះជួបសំណេះសំណាល និងសាកសួរសុខទុក្ខដល់ថ្នាក់ដឹកនាំ និងមន្ត្រីរាជាការ នៃមន្ទីរផែនការខេត្តព្រះវិហារ ដោយមានការអញ្ជើញចូលរួមពីសំណាក់ លោក វ៉ាត ប៉ារ៉ានីន អភិបាលរងខេត្ត ប្រតិភូអមដំណេីរ ថ្នាក់ដឹកនាំ និងមន្ត្រីរាជការ នៃមន្ទីរផែនការខេត្តព្រះវិហារជាច្រើនរូប។ លោកស្រី ស៊ាន សុគីន ប្រធានមន្ទីរផែនការខេត្ត បានលើកឡើងអំពីស្ថានភាពភូមិសាស្ត្រ ប្រជាសាស្ត្រ...
មន្រ្តីជាន់ខ្ពស់ក្រសួងទេសចរណ៍ បញ្ជាក់ថា ព្រឹត្តិការណ៍ Gumball 3000 មានគោលដៅផ្សព្វផ្សាយពីទេសចរណ៍ និងបង្ហាញពីសន្តិភាពនៃប្រទេសកម្ពុជាទៅកាន់ឆាកអន្តរជាតិ។ ស្របពេលព្រឹត្តិការណ៍ដ៏ធំ ហៅថា Gumball 3000 ដែលផ្តោតលើវិស័យទេសចរណ៍កាន់តែខិតជិតមកដល់ ឯកឧត្តម គុជ បញ្ញាសា រដ្ឋលេខាធិការក្រសួងទេសចរណ៍ បានថ្លែងក្នុងសម្ភាសន៍ជាមួយBTVកាលពីថ្មីៗនេះថា ដោយមានការគាំទ្រ និងការផ្តល់អនុសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ក្រសួងទេសចរណ៍សហការជាមួយក្រុមហ៊ុន ជីប ម៉ុង ព្រមទាំងមានការចូលរួមសហការផ្សព្វផ្សាយពីអគ្គនាយកដ្ឋានវិទ្យុ...
នារសៀលថ្ងៃទី១០ ខែកញ្ញា ឆ្នាំ២០២៤ នៅសាលប្រជុំធំសាលាខេត្តព្រះវិហារ មានរៀបចំពិធីប្រកាសតែងតាំងចូលកាន់មុខតំណែងលោក គឹម ចាន់បញ្ញា ជាអភិបាលរងខេត្ត ព្រះវិហារថ្មីក្រោមអធិបតីភាព ឯកឧត្តម អ៊ុ ម៉ារ៉ា រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដោយមានការចូលរួម ពីសំណាក់ក្រុមប្រឹក្សាខេត្ត គណៈអភិបាលខេត្ត ថ្នាក់ដឹកនាំមន្ទីរអង្គភាពជុំវិញខេត្ត ព្រមទាំងមន្ត្រី រាជការសាលាខេត្តជាច្រើនរូបទៀត។ ក្នុងឱកាសនោះឯកឧត្តម...
ក្រុមបាតុករប្រឆាំងសង្រ្គាម និងកងកម្លាំងនគរបាល បានប៉ះទង្គិចគ្នានៅខាងក្រៅពិព័រណ៍ការពារជាតិនៅទីក្រុងមែលប៊ន (Melbourne) នៅថ្ងៃពុធ ១១កញ្ញានេះ ដោយបង្ខំឱ្យនគរបាលបិទផ្លូវ និងជំរុញអ្នកបើកបរឱ្យជៀសវាងផ្នែកខ្លះនៃទីក្រុងរបស់អូស្ត្រាលីមួយនេះ។ គេបានមើលឃើញមនុស្សរាប់រយនាក់ ប្រមូលផ្តុំគ្នានៅខាងក្រៅទីតាំងរៀបចំការតាំងពិព័រណ៌ការពារអន្តរជាតិរបស់កងកម្លាំងការពារជាតិ ដោយស្រែកពាក្យស្លោកគាំទ្រពលរដ្ឋប៉ាឡេស្ទីន តាមរយៈឧបករណ៍បំពងសំឡេង។ ក្រុមបាតុករមួយចំនួនដែលព្យាយាមឆ្លងកាត់រនាំងនគរបាល ត្រូវបានរារាំងដោយក្រុមមន្ត្រីកងកម្លាំងទប់ស្កាត់កុបកម្ម ខណៈបាតុករម្នាក់បានឡើងលើរថយន្តដឹកទំនិញ ចតអំឡុងភ្លើងចរាចរណ៍។ គេក៏បានឃើញនគរបាលបាញ់ម្សៅម្រិចលើហ្វូងមនុស្សផងដែរ ស្របពេលក្រុមអ្នកតវ៉ាជាច្រើនបានស្រែក ដាក់គណៈប្រតិភូដែលចូលរួមក្នុងសន្និសីទនោះ។ លោកនាយករដ្ឋមន្ត្រី Anthony Albanese បាននិយាយថា ប្រជាជនមានសិទ្ធិតវ៉ា ប៉ុន្តែត្រូវធ្វើដោយស្ងៀមស្ងាត់៕
រាជរដ្ឋាភិបាលនៅក្នុងអាណត្តិថ្មីនេះ បានដាក់ចេញនូវគោលនយោបាយអនុគ្រោះជាច្រើន ដល់វិស័យកសិកម្មរួមមាន ការព្យូរទុក ការបង់ប្រាក់រំដោះពន្ធលើប្រាក់ចំណូល ការលើកលែងអាករលើតម្លៃបន្ថែម និងអាករលើតម្លៃពិសេសបន្ថែមជាដើម ដើម្បីលើកកម្ពស់ វិស័យកសិកម្ម ជាពិសេសស្រូវអង្ករឱ្យមានការប្រកួតប្រជែងលើទីផ្សារ។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍លើកឡើងនៅក្នុងពិធីបិទ វេទិកាស្រូវអង្ករកម្ពុជា លើកទី៧ ឆ្នាំ២០២៤ នៅថ្ងៃទី១០ ខែកញ្ញា ឆ្នាំ ២០២៤នេះថា កន្លងមក រាជរដ្ឋាភិបាលបានដាក់ចេញនូវ ភាពអនុគ្រោះជាច្រើនដូចជា ការលើកលែងពន្ធប្រចំាឆ្នាំ...
ផ្ទុះការតវ៉ា និងការចាប់ខ្លួនក្នុងពេលប្រមូលផ្ដុំគាំទ្រប៉ាឡេស្ទីន នៅ ហ្វីឡាដេលហ្វៀ អំឡុងជជែកដេញដោលប្រធានាធិបតីក្រុមគាំទ្រពលរដ្ឋប៉ាឡេស្ទីនអំឡុងសង្រ្គាមសម្លាប់មនុស្សដ៏រង្គាលនៅដែនដីហ្កាហ្សា ខឹងសម្បារចំពោះការបន្តគាំទ្រអ៊ីស្រាអែលឥតងាករេពីសំណាក់បក្សកាន់អំណាចរបស់លោកស្រី Harris។ រនាំងត្រូវបានដំឡើងនៅជុំវិញមជ្ឈមណ្ឌលធម្មនុញ្ញជាតិ ជាទីដែលការជជែកដេញដោលកំពុងធ្វើឡើង ដោយរារាំងការចូលទៅកាន់តំបន់ប្រវត្តិសាស្ត្រ រួមមានទីតាំង Liberty Bell និង Independence Hall ក្រោមការតាមដានពីកងកម្លាំងនគរបាលយ៉ាងតឹងតែង។ ការពិភាក្សាដេញដោលតាមទូរទស្សន៍បានប្រព្រឹត្តិទៅយ៉ាងក្ដៅគគុក លើបញ្ហាជាច្រើន ដែលគេមើលឃើញថាជាការសាកល្បងបេក្ខជនទាំង២ មុនបោះឆ្នោតខែវិច្ឆិកាខាងមុខ។ ការជជែកដេញដោលប្រធានាធិបតី មិនចាំបាច់ផ្លាស់ប្តូរចិត្តអ្នកបោះឆ្នោតនោះទេ ប៉ុន្តែពួកគេអាចផ្លាស់ប្តូរសក្ដានុពលនៃការប្រកួតប្រជែង។ ការពិភាក្សាដេញដោលរបស់លោក Biden ទល់នឹងលោក Trump...