មនុស្សរហូតដល់ទៅ ២៥នាក់ ត្រូវបានគេបារម្ភថា ស្លាប់ បន្ទាប់ពីអណ្ដាតភ្លើងដ៏សន្ធោសន្ធៅ បានឆាបឆេះរថយន្តដឹកសិស្ស និងគ្រូចំនួន ៤៤នាក់ នៅប្រទេសថៃ នាថ្ងៃអង្គារ (ទី១ ខែតុលា)។ សារព័ត៌មាន The Nation បានដកស្រង់សម្តីក្រុមអ្នកជួយសង្គ្រោះដែលនិយាយថា ពួកគេបានទាញយកសពឆេះខ្លោចយ៉ាងតិច ១០នាក់ ពីរថយន្តក្រុងនោះ៕
បច្ចុប្បន្នឱ្យតែមានពិធីបុណ្យ ឬសូម្បីតែពេលសម្រាកចុងសប្តាហ៍ ប្រជាពលរដ្ឋខ្មែរតែងសួរគ្នាថា តើគួរទៅដើរលេងនៅទីណា? សំណួរនេះបានផុសចេញពីបបូរមាត់មនុស្សស្ទើរតែគ្រប់គ្នានៅពេលបានជួបមិត្តភ័ក្តិ ឬអ្នកធ្លាប់ស្គាល់គ្នា។ ការជជែកផ្លាស់ប្តូរយោបល់អំពីទីកន្លែងដើរកម្សាន្តកើតឡើងតែក្នុងបរិបទដែលប្រជាពលរដ្ឋមានលំនឹងក្នុងចិត្តហើយទទួលបានសេចក្តីសុខកាន់តែខ្លាំងជាលំដាប់ក្នុងអារម្មណ៍របស់ខ្លួន។ ជាក់ស្តែងក្នុងអំឡុងពេលបុណ្យភ្ជុំបិណ្ឌនេះ ប្រជាពលរដ្ឋខ្មែរបានជួបជុំគ្រួសារ ញាតិមិត្ត បងប្អូនដើម្បីទៅវត្តធ្វើបុណ្យទានព្រមទាំងដើរកម្សាន្តតាមទីរមណីយដ្ឋានផ្សេងៗទៅតាមចិត្តចង់។ អ្វីដែលគួរឱ្យកត់សម្គាល់គឺ មិនថាជំនួបក្នុងទ្រង់ទ្រាយបែបណា ឬនៅទីណាឡើយ ក្តីសប្បាយរីករាយ សំណើចក្អាកក្អាយ និងស្នាមញញឹម កើតមាននៅទីនោះ។ ទិដ្ឋភាពបែបនេះកើតឡើងដោយសារប្រជាពលរដ្ឋខ្មែររស់នៅក្នុងសុខសន្តិភាពរយៈពេលយូរ ក្នុងប្រទេសដែលមានស្ថិរភាពនយោបាយល្អ មានកំណើនជីវភាព មានហេដ្ឋារចនាសម្ព័ន្ធផ្លូវថ្នល់ល្អស្អាត ប្រទាក់ក្រឡាគ្នា មានមធ្យោបាយធ្វើដំណើរសម្បូរបែប មានការអភិវឌ្ឍន៍មិនធ្លាប់មានពីមុន ដែលធ្វើឱ្យប្រជាពលរដ្ឋខ្មែរមានភាពកក់ក្តៅនិងមានក្តីសង្ឃឹមក្នុងជីវិតកាន់តែខ្លាំងឡើង។...
សារព័ត៌មានរដ្ឋ កាលពីយប់ថ្ងៃចន្ទ (ទី៣០ ខែកញ្ញា) បានរាយការណ៍ថា អ្នកនេសាទវៀតណាមយ៉ាងតិច១០នាក់ បានរងរបួស បន្ទាប់ពីទូករបស់ពួកគេ ត្រូវបានវាយប្រហារដោយនាវាបរទេស ខណៈពេលដែលកំពុងនេសាទ ក្នុងសមុទ្រចិនខាងត្បូង នៅជិតប្រជុំកោះ Paracel ដែលត្រូវបានទាមទារទាំងពីប្រទេសចិន និងវៀតណាម។ ដោយដកស្រង់សម្តីអាជ្ញាធរ នៅខេត្ត Quang Ngai ភាគកណ្តាល សារព័ត៌មាន Thanh Nien បានរាយការណ៍ថា ការវាយប្រហារនោះ បានកើតឡើងនៅថ្ងៃទី២៩...
លោក Shigeru Ishiba ត្រូវបានសភាបោះឆ្នោតជ្រើសរើសជាផ្លូវការជានាយករដ្ឋមន្ត្រីជប៉ុន នៅថ្ងៃអង្គារ (ទី១ តុលា) នេះ បន្ទាប់ពីរូបលោកឈ្នះនៅក្នុងការប្រកួតប្រជែងដ៏ស្វិតស្វាញ ដណ្ដើមតំណែងអ្នកដឹកនាំគណបក្សប្រជាធិបតេយ្យសេរី (LDP) ដែលកំពុងកាន់អំណាច។ សមាជិកគណៈរដ្ឋមន្ត្រីថ្មីក្រោមការដឹកនាំរបស់លោក Ishiba ដែលស្នងតំណែងពីលោក Fumio Kishida នឹងត្រូវបង្ហាញនៅយប់ថ្ងៃនេះ ខណៈដែលរូបលោកព្យាយាមផ្សះផ្សាការបែកបាក់របស់បក្ស និងរៀបចំសម្រាប់ការបោះឆ្នោត នៅថ្ងៃទី២៧ ខែតុលា៕
អ្នកនយោបាយមានគំនិតផ្ទុយរបស់ប្រទេសអាល់បានី បានគរកៅអីឈើ ហើយដុត នៅខាងក្រៅសភា នៅថ្ងៃចន្ទ (ទី១ ខែតុលា) នេះ ដើម្បីប្រឆាំងនឹងការដាក់ពន្ធនាគារសហសេវិកម្នាក់។ អំឡុងពេលចាប់ផ្តើមនៃសម័យប្រជុំសភា សមាជិកគណបក្សប្រឆាំង បានកាន់កៅអីពីបន្ទប់សភា ហើយដុត នៅកាំជណ្ដើរនៃអគារនោះ។ ក្រុមសន្តិសុខបានបាញ់ពន្លត់អគ្គិភ័យនោះយ៉ាងឆាប់រហ័ស។ គួរបញ្ជាក់ថា កាលពីថ្ងៃសុក្រសប្ដាហ៍កន្លងមក សាលាឧទ្ធរណ៍របស់ប្រទេសអាល់បានី បានតម្កល់សាលក្រមរបស់តុលាការជាន់ទាបដែលកាត់ទោសលោក Ervin Salianji សមាជិកគណបក្សប្រឆាំង គឺគណបក្សប្រជាធិបតេយ្យឲ្យជាប់ពន្ធនាគាររយៈពេល ១ឆ្នាំ។ តុលាការជាន់ទាបបានរកឃើញថា លោក...
ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃចន្ទ បានបន្ថែមពេលការអនុញ្ញាតចំពោះបេសកកម្មនគរបាលពហុជាតិសាសន៍នៅក្នុងប្រទេសហៃទី ដែលត្រូវបានបំផ្លាញដោយអំពើឧក្រិដ្ឋកម្ម ប៉ុន្តែ គ្មានការអំពាវនាវណាមួយដើម្បីប្រែក្លាយបេសកម្មនេះឲ្យទៅជាបេសកកម្មរក្សាសន្តិភាពរបស់អង្គការសហប្រជាជាតិ ដូចដែលបានស្នើឡើងដោយទីក្រុងព័រអូប្រាំង នោះទេ។ សេចក្តីសម្រេច ដែលបានអនុម័តជាឯកច្ឆ័ន្ទ បានបង្ហាញពីការព្រួយបារម្ភយ៉ាងខ្លាំងអំពីស្ថានភាពនៅក្នុងប្រទេសហៃទី រួមមានអំពើហិង្សា សកម្មភាពឧក្រិដ្ឋកម្ម និងការភៀសខ្លួនយ៉ាងច្រើន។ អង្គការសហប្រជាជាតិ បាននិយាយថាមនុស្សជាង៣.៦០០នាក់ ត្រូវបានសម្លាប់នៅឆ្នាំនេះ នៅក្នុងអំពើហិង្សារបស់ក្រុមជនអន្ធពាល ដែលបានញាំញីនៅក្នុងប្រទេសនេះ។ បេសកកម្មការពារដឹកនាំដោយប្រទេសកេនយ៉ា ដែលស្វែងរកជំនួយដល់នគរបាលជាតិប្រទេសហៃទី ្នុងការដណ្តើមយកមកវិញនូវតំបន់ដែលស្ថិតនៅក្រោមការគ្រប់គ្រងរបស់ក្រុមជនអន្ធពាល ត្រូវបានបន្ថែមពេល រហូតដល់ថ្ងៃទី២ ខែតុលា ឆ្នាំ២០២៥។...
ក្នុងឱកាសនៃពិធីបុណ្យកាន់បិណ្ឌ និងភ្ជុំបិណ្ឌ ក្រសួងសុខាភិបាល បានបន្តអំពាវនាវ និងក្រើនរំ លឹកដល់បងប្អូនប្រជាពលរដ្ឋគ្រប់រូប ត្រូវបន្តប្រុងប្រយ័ត្នប្រកបដោយស្មារតីទទួលខុសត្រូវខ្ពស់អនុវត្ត នូវវិធានការនានា ដើម្បីការពារសុខភាពផ្ទាល់ខ្លួន គ្រួសារ និងសហគមន៍ ពីការចម្លងជំងឺផ្សេងៗ រួមទាំ ងការបង្ការ សុខភាពបណ្តាលមកពីការពុលចំណីអាហារ ពុលស្រា និងសុវត្ថិភាពពេលធ្វើដំណើរ ការបង្ការការចម្លងជំងឺផ្លូវដង្ហើម ជំងឺផ្តាសាយបក្សី ជំងឺកូវីដ-១៩ និងជំងឺឆ្លងផ្សេងៗជាដើម។ វិធីសាស្ត្របង្ការជំងឺឆ្លងផ្សេងៗ និងការពុលអាហារចំណីដែលបានដាក់ចេញដោយក្រសួងសុខាភិបាលនោះមានដូចជា បង្ការហានិភ័យនៃការពុលចំណីអាហារ និងពុលស្រា ដោយត្រូវប្រកាន់ខ្ជាប់នូវការអនុវត្តន៍អនាម័យ...
នៅថ្ងៃទី១ ខែតុលា ឆ្នាំ២០២៤នេះ ឈានចូលដល់កាន់បិណ្ឌទី១៤។ ប្រជាពុទ្ធបរិស័ទ ជាច្រើនពិសេសជាលក្ខណៈគ្រួសារ បានអញ្ជើញនាំយកចង្ហាន់វេរប្រគេនព្រះសង្ឃ ដើម្បីឧទ្ទិសកុសលផលបុណ្យ ជីដូនជីតា សាច់ញាតិ ដែលបានចែកឋានទៅលោកខាងមុខ។ ការអញ្ជើញទៅវត្តអារាមនៅថ្ងៃនេះ ម្នាក់បង្ហាញនូវទឹកចិត្តជ្រះថ្លា ដែលបានមកធ្វើបុណ្យរួមគ្នាជាលក្ខណៈគ្រួសារ ក្នុងឱកាសឈប់សម្រាកនេះ។ ឈានចូលដល់ថ្ងៃកាន់បិណ្ឌទី ១៤នេះ ជាឱកាសឈប់សម្រាកពីការងារទូទាំងប្រទេស សម្រាប់អ្នកបំពេញការងារនៅតាមក្រសួងស្ថាប័នរដ្ឋ ក៏ដូចជាអ្នកបំពេញការងារនៅតាមបណ្ដាក្រុមហ៊ុនឯកជន។ ឱកាសឈប់សម្រាកនេះ ជាការជួបជុំគ្រួសារសម្រាប់ប្រជាពលរដ្ឋកម្ពុជា ហើយក៏ជាឱកាសនាំយកចង្ហាន់វេរប្រគេនជូនព្រះសង្ឃសម្រាប់គ្រប់សមាជិកគ្រួសារ ក្នុងការធ្វើបុណ្យរួមគ្នាផងដែរ។ នៅថ្ងៃកាន់បិណ្ឌទី ១៤នេះ...
ប្រទេសរុស្ស៊ី មានផែនការបង្កើនថវិកាការពារជាតិរបស់ខ្លួនជិត៣០ភាគរយនៅឆ្នាំក្រោយ ខណៈប្រទេសនេះ បង្វែរធនធានទៅរកការវាយលុកអ៊ុយក្រែន ដោយចំណាយបន្ថែមទៀតលើវិស័យយោធាច្រើនជាងផ្នែកសុខុមាលភាព និងការអប់រំរួម ដែលសេចក្តីព្រាងថវិកា ត្រូវបានបង្ហាញ កាលពីថ្ងៃចន្ទ ទី៣០ ខែកញ្ញា។ ទីក្រុងមូស្គូ បានបង្កើនការចំណាយផ្នែកយោធាដល់កម្រិតមួយមិនធ្លាប់មាន ចាប់តាំងពីសម័យសហភាពសូវៀត ដោយប្រើប្រាស់មីស៊ីល និងយានដ្រូនដើម្បីវាយលុកលើអ៊ុយក្រែន និងផ្តល់ប្រាក់ឈ្នួលដ៏ច្រើនដល់ទាហានរាប់សែននាក់ ដែលកំពុងប្រយុទ្ធនៅសមរភូមិ។ ឯកសារដែលបានចេញផ្សាយនៅលើគេហទំព័រសភា បានបង្ហាញថា ការកើនឡើងនៃការចំណាយតាមផែនការចុងក្រោយ នឹងធ្វើឱ្យថវិកាការពារជាតិរបស់រុស្ស៊ីឈានដល់ ១៤៥ពាន់លានដុល្លារ ក្នុងឆ្នាំ២០២៥ ។ មុននឹងបញ្ជូនសេចក្តីព្រាងថវិកាទៅកាន់សភារុស្ស៊ី...
ប្រធានាធិបតីសហរដ្ឋអាមេរិកលោក Joe Biden បានអំពាវនាវឱ្យមានបទឈប់បាញ់នៅក្នុងប្រទេសលីបង់ កាលពីថ្ងៃចន្ទ ប៉ុន្តែមន្ត្រីអាមេរិកម្នាក់បាននិយាយថា ការដាក់ពង្រាយកងទ័ពអ៊ីស្រាអែល អាចនឹងមានការវាយលុកជើងគោកប្រឆាំងក្រុមសកម្មប្រយុទ្ធហេសបូឡា កើតមានឡើងក្នុងពេលឆាប់ៗនេះ។ ដោយត្រូវបានសួរអំពីរបាយការណ៍ដែលថាទាហានជើងគោករបស់អ៊ីស្រាអែល កំពុងត្រៀមខ្លួន ដើម្បីរុលចូលទៅភាគខាងត្បូងប្រទេសលីបង់ លោក Biden បានប្រាប់អ្នកសារព័ត៌មានថា លោក មិនពិបាកដើម្បីបញ្ឈប់អ៊ីស្រាអែល នោះទេ។ ជំនួយការជាន់ខ្ពស់ជាច្រើនរូប បានគាំទ្រការអំពាវនាវរបស់លោក Biden ឱ្យមានបទឈប់បាញ់មួយ ដោយជំរុញឱ្យមានដំណោះស្រាយផ្នែកការទូតចំពោះអំពើហិង្សា ដើម្បីអនុញ្ញាតឱ្យជនភៀសខ្លួនអ៊ីស្រាអែល និងលីបង់រាប់សែននាក់ដែលភៀសខ្លួន បានត្រឡប់ទៅលំនៅឋានរបស់ពួកគេវិនៅតាមបណ្តោយព្រំដែន។...