កំពង់ឆ្នាំង៖ ដោយសារពន្យល់ណែនាំច្រើនលើកដល់អាជីវករ ពីហានិភ័យនៃការគ្មានផ្លូវចេញចូលជុំវិញផ្សារព្រៃខ្មែរ ហើយនៅតែមិនទទួលបាននូវលទ្ធផលនោះ នៅព្រឹកថ្ងៃទី១២ ខែកុម្ភៈ ឆ្នាំ២០២៥នេះ អាជ្ញាធរស្រុករលាប្អៀរ និងកម្លាំងនគរបាលសណ្តាប់ធ្នាប់ខេត្តកំពង់ឆ្នាំង បានរៀបចំសណ្តាប់ធ្នាប់តាមផ្លូវជុំវិញផ្សារព្រៃខ្មែរ ដោយបានកាត់ចោលនូវតូបលៀនលយ កាត់សំយ៉ាបសង់គ្មានសណ្តាប់ធ្នាប់ និងវាយកំទេចខឿនដែលអាជីវករសង់ចូលផ្លូវសាធារណៈចោល ក្រោយពីអាជីវករទាំងនោះ បានយកផ្លូវសាធារណៈ មកធ្វើជាកន្លែងលក់ដូរយ៉ាងអានាធិបតេយ្យ សូម្បីតែម៉ូតូក៏ចេញចូលសឹងមិនរួច។ លោក សេង វិចិត្រ អភិបាលស្រុករលាប្អៀរ បានបញ្ជាក់ថា៖ ក្រុមការងារអាជ្ញាធរស្រុករលាប្អៀរ និងកម្លាំងនគរបាលសណ្តាប់ធ្នាប់ខេត្តកំពង់ឆ្នាំង បានចុះនៅក្នុងពេលនេះ គឺក្នុងគោលបំណងរៀបចំសណ្តាប់ធ្នាប់អោយបានល្អ...
កាកបាទក្រហមកម្ពុជា រៀបចំកិច្ចប្រជុំបូកសរុបលទ្ធផលការងារយុវជន និងអ្នកស្ម័គ្រចិត្ត កាកបាទក្រហមកម្ពុជា ឆ្នាំ២០២៤ និងលើកទិសដៅការងារបន្តរយៈពេល២ថ្ងៃ (១២-១៣ កុម្ភៈ ២០២៥) នៅទីស្នាក់ការកណ្តាល ក្រោមអធិបតីភាព ឯកឧត្តម ពិត ចំណាន សមាជិកគណៈកម្មាធិការកណ្តាល និងជាអនុប្រធានអចិន្ត្រៃយ៍ ក្រុមការងារទ្រទ្រង់សកម្មភាពយុវជន និងអ្នកស្ម័គ្រចិត្ត កាកបាទក្រហមកម្ពុជា និងអញ្ជើញចូលរួមពីសមាជិកគណៈកម្មាធិការកណ្តាល ថ្នាក់ដឹកនាំអគ្គលេខាធិការដ្ឋាន មន្ត្រីទីស្នាក់ការកណ្តាល សមាជិកគណៈកម្មាធិការសាខា-មន្ត្រីសាខា ទទួលបន្ទុកការងារយុវជន និងអ្នកស្ម័គ្រចិត្តទាំង២៥ សាខារាជធានីខេត្ត...
ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ បានប្រកាសបញ្ជាក់ថា នៅថ្ងៃទី២០ ខែកុម្ភៈ ឆ្នាំ២០២៥ខាងមុខនេះ នឹងធ្វើការដោះស្រាយប្រាក់ឈ្នួល និងអត្ថប្រយោជន៍ផ្សេងៗដល់កម្មករនិយោជិតចំនួន ៤៦៦នាក់ ដែលរោងចក្រ ហ្វ័រម៉ាត (ខេមបូឌា) ខូ អិលធីឌី (FOREMART (CAMBODIA) CO., LTD.) ត្រូវបានអគ្គិភ័យឆាបឆេះ កាលពីថ្ងៃទី១១ ខែកុម្ភៈកន្លងទៅ។ នៅក្នុងសេចក្តីប្រកាសព័ត៌មានស្តីពី ឧបទ្ទវហេតុអគ្គិភ័យនៅរោងចក្រ ហ្វ័រម៉ាត (ខេមបូឌា)...
ភ្នំពេញ៖ នៅព្រឹកថ្ងៃ ពុធ ទី១២ ខែកុម្ភៈ ឆ្នាំ២០២៥ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីតំណាងដ៏ខ្ពង់ខ្ពស់ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញចូលរួមធ្វើជាអធិបតីក្នុងពិធីបិទសន្និបាតបូកសរុបសមិទ្ធផលការងារឆ្នាំ២០២៤ និងលើកទិសដៅការងារ ឆ្នាំ២០២៥ របស់ក្រសួងកិច្ចការនារី៕
នៅព្រឹកថ្ងៃពុធ ទី១២ ខែកុម្ភៈ ឆ្នាំ២០២៥ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម NGUYEN Minh Vu ឯកអគ្គរដ្ឋទូតវៀតណាមប្រចាំកម្ពុជា ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ។ ជាកិច្ចចាប់ផ្តើម សម្ដេចតេជោ បានស្វាគមន៍យ៉ាងកក់ក្តៅ និងអបអរសាទរចំពោះឯកឧត្តម NGUYEN Minh Vu ដែលត្រូវបានតែងតាំងជាឯកអគ្គរដ្ឋទូតវិសាមញ្ញនិងពេញសមត្ថភាព នៃសាធារណរដ្ឋសង្គមនិយមវៀតណាមប្រចាំកម្ពុជា។ សម្តេចតេជោ...
សៀមរាប៖ រដ្ឋបាលខេត្តសៀមរាប នៅថ្ងៃទី១២ ខែកុម្ភៈ ឆ្នាំ ២០២៥នេះ បានចេញសេចក្ដីបំភ្លឺដល់បងប្អូនសាធារណជនថា ករណីបងប្អូនប្រជាពលរដ្ឋលើកឡើងជុំវិញសួនព្រះរាជដំណាក់ គឺពុំមានការប្តូរឈ្មោះសួនព្រះរាជដំណាក់នោះឡើយ ពីព្រោះសួនព្រះរាជដំណាក់ ត្រូវបានក្រសួងព្រះបរមរាជវាំងរៀបចំរចនាបថកែលម្អ អមដោយរូបចម្លាក់មេទ័ពទាំង១២កាលពីជំនាន់មុន និងព្រះវិហារព្រះអង្គចេកព្រះអង្គចមដែលបានរៀបចំធ្វើរបងព័ទ្ធជុំវិញរួចរាល់ជាស្ថាពរកាលពីខែតុលា ឆ្នាំ២០២២ ហើយបរិវេណទាំងអស់ដែលស្ថិតនៅក្នុងរបង គឺជាកម្មសិទ្ធិរបស់ព្រះរាជដំណាក់ ដោយពុំមានជនណាអាចប៉ះពាល់បានឡើយ។ រដ្ឋបាលខេត្តសៀមរាប បានចេញមុខបញ្ចាក់បែបនេះ បន្ទាប់ពីរយៈពេលប៉ុន្មានថ្ងៃកន្លងមក មានសាធារណជនមួយចំនួនបានបញ្ចេញមតិយោបល់ជាច្រើន តាមបណ្តាញ-សង្គមថា មានការប្តូរឈ្មោះសួនព្រះរាជដំណាក់ខេត្តសៀមរាប។ រដ្ឋបាលខេត្តបញ្ជាក់បន្ថែមថា ចំពោះសួនផ្សេងៗទៀតដែលមិនស្ថិតនៅក្នុងរបងគឺជាសួនពុំទាន់មានឈ្មោះផ្លូវការនៅឡើយទេ ដែលប្រជាពលរដ្ឋនិយមហៅថា...
នៅព្រឹកថ្ងៃទី១២ ខែកុម្ភៈ នេះ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហា ផ្ទៃ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបើកសន្និបាតត្រួតពិនិត្យលទ្ធផលការងារឆ្នាំ២០២៤ និងលើក ទិសដៅការងារឆ្នាំ២០២៥របស់ក្រសួងមហាផ្ទៃ និងបូកសរុបចលនាប្រឡងប្រណាំងអនុវត្តគោលនយោ បាយ «ភូមិ-ឃុំ-សង្កាត់ មានសុវត្ថិភាព»។ ក្នុងនាមរាជរដ្ឋាភិបាលកម្ពុជា ឯកឧត្តមអភិសន្ដិបណ្ឌិត បានសម្តែងនូវកោតសរសើរដោយស្មោះ និងវាយតម្លៃខ្ពស់ ចំពោះថ្នាក់ដឹកនាំ មន្ត្រីគ្រប់ជាន់ថ្នាក់ នគរបាលជាតិ មន្ត្រីរាជការស៊ីវិល មន្ត្រីពន្ធនាគារ ព្រមទាំងមន្ត្រីគ្រប់លំដាប់ថ្នាក់...
ប្រជាពុទ្ធបរិស័ទជាច្រើន បាននាំយកចង្ហាន់ រាប់បាត្រ ប្រគេនព្រះសង្ឃ និងស្ដាប់ធម៌ទេសនានៅតាមវត្តអារាមទូទាំងប្រទេស នាឱកាសថ្ងៃបុណ្យមាឃបូជា ដែលត្រូវនឹងថ្ងៃទី ១២ ខែកុម្ភៈ ឆ្នាំ ២០២៥ នេះក្នុងនោះ វត្តនិគ្រោធវ័ន ហៅវត្តគល់ទទឹង មានពលរដ្ឋយ៉ាងច្រើនបាននាំគ្នាទៅធ្វើបុណ្យក្នុងថ្ងៃនេះដែរ។ នាឱកាសថ្ងៃបុណ្យមាឃបូជានេះ ប្រជាពលរដ្ឋដែលកាន់សាសនាព្រះពុទ្ធ បាននាំយកនូវចង្ហាន់ប្រគេនជូនព្រះសង្ឃនៅតាមវត្តអារាម។ រូបភាពជារួមមួយ ដែលមាននៅគ្រប់វត្តអារាមទាំងអស់ គឺពុទ្ធសាសនិក ស្ថិតក្នុងសម្លៀកបំពាក់ព៌ណស ដៃកាន់ចានស្រាក់មាន នំចំណី និងផ្កា ចូលរួមស្ដាប់ធម៌ទេសនា...
ភ្នំពេញ៖ នាព្រឹកថ្ងៃពុធ ទី១២ ខែកុម្ភៈ ឆ្នាំ២០២៥នេះ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានចុះជួបបងប្អូនកម្មករនិយោជិត និងពិនិត្យមើលស្ថានភាព រោងចក្រ ហ្វ័រម៉ាត (ខេមបូឌា) ខូ អិលធីឌី (FOREMART (CAMBODIA) CO., LTD.) ដែលត្រូវបានអគ្គិភ័យឆាបឆេះ កាលពីល្ងាច ថ្ងៃអង្គារ ទី១១ ខែកុម្ភៈ...
កំពត៖ តំបន់ការពារទេសភាពអន្លង់ព្រីង ស្ថិតនៅក្នុងភូមិសាស្រ្តស្រុកកំពង់ត្រាច ខេត្តកំពត។ តំបន់ការពារធម្មជាតិមួយនេះ បាននិងកំពុងផ្តល់ជាទីជម្រកដ៏សុខសាន្ត និងប្រភពចំណីដ៏សំខាន់ សម្រាប់សត្វក្រៀល និងសត្វស្លាបទេសន្តរប្រវេសន៍ជាច្រើនប្រភេទ។ ជាទូទៅពួកវាមកដល់តំបន់ដីសើម នេះក្នុងកំឡុង ខែធ្នូ ដើម្បីរកចំណី រហូតដល់ខែមេសា។ ហើយនៅដើមខែឧសភា សត្វស្លាបទេសន្តរ ប្រវេសន៍ទាំងនោះធ្វើការផ្លាស់ទីទៅកាន់ទីតាំងពងកូនដើម្បីបន្តពូជ។ នៅរដូវរកចំណីចាប់ពី ខែធ្នូ ដល់ ខែមេសា សត្វក្រៀលធ្វើការផ្លាស់ទីទៅភាគពាយ័ព្យ (ខាងជើងឈាងខាងលិច) និងភាគអាគ្នេយ៍ (ខាងត្បូងឈាងខាងកើត) នៃប្រទេសកម្ពុជា...