សៀមរាប ៖ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានចាត់ក្រុមការងារគ្រូពេទ្យស្ម័គ្រចិត្តរបស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី នាំក្មួយស្រី រឿន ផូលី អាយុ ៨ ឆ្នាំ រស់នៅក្រុងរុនតាឯកតេជោ ក្នុងខេត្តសៀមរាប ដែលមានបញ្ហារលាកសាច់បំពង់ក រ៉ាំរ៉ៃ បណ្តាលឱ្យសាច់បំពង់ករីកធំខ្លាំង និងថប់ដង្ហើមក្នុងពេលដំណេក...
ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី១៩ ខែកញ្ញា ឆ្នាំ២០២៤នេះ បានអនុញ្ញាតឱ្យឯកឧត្ដម ឆឺតគៀត អាត់ថាកន (Cherdkiat ATTHAKOR) ឯកអគ្គរាជទូតនៃព្រះរាជាណាចក្រថៃឡង់ដ៏ ប្រចាំនៅកម្ពុជា ចូលជួបសម្តែងការគួរសម និងជម្រាបលា នាព្រឹកថ្ងៃទី១៩ ខែកញ្ញា ឆ្នាំ២០២៤នៅវិមានសន្តិភាព រាជធានីភ្នំពេញ ខណៈឯកឧត្តមបញ្ចប់បេសកកម្មការទូតនៅកម្ពុជា។ ក្នុងឱកាសនៃជំនួប ឯកឧត្តម...
នៅព្រឹកថ្ងៃទី១៩ ខែកញ្ញា ឆ្នាំ២០២៤នេះ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្រះរាជាណាចក្រកម្ពុជា បានអនុញ្ញាតឱ្យលោកស្រី លូរាល់ មីលឺ (Laurel. E Miller) ប្រធាន និងនាយកប្រតិបត្តិមូលនិធិអាស៊ី (Asia Foundation) ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ។ ក្នុងឱកាសនៃជំនួប លោកស្រី លូរាល់ មីលឺ (Laurel....
កម្ពុជា បានធ្វើជាម្ចាស់ផ្ទះនៃកិច្ចប្រជុំបណ្តាញវិទ្យាស្ថានការពារជាតិ និងសន្តិសុខអាស៊ាន Network of ASEAN Defence Institutions (NADI) ក្រោមមូលបទ “និម្មាបនកម្មសន្តិសុខដែលកំពុងលេចឡើងនៅអាស៊ីប៉ាស៊ីហ្វិក ផ្តោតលើការវាយតម្លៃផលប៉ះពាល់ និងអនុសាសន៍សម្រាប់អាស៊ាន ខណៈកិច្ចប្រជុំ នេះបានធ្វើឡើងនៅខេត្តសៀមរាបចាប់ពីថ្ងៃទី១៨ ដល់ទី២១ ខែកញ្ញា ឆ្នាំ២០២៤នេះ ដែលមានតំណាងប្រទេសចំនួន៤៥ចូលរួម។ ថ្លែងនៅក្នុងឱកាសបើកនៃកិច្ចប្រជុំនេះ នាយឧត្តមសេនីយ៍ ណឹម សុវត្ថិ អគ្គនាយក អគ្គនាយកដ្ឋាននយោបាយ និងកិច្ចការបរទេស...
ភ្នំពេញ៖ ក្រសួងធនធានទឹក និងឧតុនិយម នៅរសៀលថ្ងៃទី១៩ ខែកញ្ញា ឆ្នាំ ២០២៤នេះ បានជូនដំណឹងបន្ថែមថា ចាប់ពីថ្ងៃទី១៩-២៣ខែកញ្ញា ឆ្នាំ២០២៣នេះ កម្ពុជារងឥទ្ធិពលព្យុះស៊ូលីក (Soulik) ពីសមុទ្រចិនខាងត្បូង បណ្តាលឱ្យមានភ្លៀងធ្លាក់ពីមធ្យមទៅច្រើនគ្របដណ្តប់ស្ទើរទូទាំងប្រទេស។ យោងតាមសេចក្តីជូនដំណឹងបន្ថែមរបស់ក្រសួងធនធានទឹក ស្តីពីស្ថានភាពធាតុអាកាសនេះ បានបញ្ជាក់ថា នៅថ្ងៃទី១៩ ខែកញ្ញា ឆ្នាំ២០២៤ ប្រព័ន្ធវិសម្ពាធទាបដែលស្ថិតនៅសមុទ្រចិនខាងត្បូងដែលបានជូនដំណឹងកាលពីម្សិលមិញបានវិវត្តទៅជាព្យុះទី១៥ (Tropical Storm) ឈ្មោះ ស៊ូលីក (Soulik)...
អាជ្ញាធរជាតិដោះស្រាយវិវាទក្រៅប្រព័ន្ធតុលាការ ដែលហៅកាត់ថា អ.ដ.ក. នៅថ្ងៃទី១៩ ខែកញ្ញា ឆ្នាំ២០២៤នេះ បានបន្តរៀបចំសិក្ខាសាលាផ្សព្វផ្សាយអំពីបេសកកម្មការងាររបស់ខ្លួនជូនដល់មន្រ្តីរាជការ នៅក្នុងខេត្តកំពង់ស្ពឺ ដោយសិក្ខាសាលានេះបានប្រព្រឹត្តទៅក្រោមអធិបតីភាព ឯកឧត្តម ប៉ូច សោភ័ណ អនុរដ្ឋលេខាធិការក្រសួងយុត្តិធម៌ និងជាសមាជិកនៃអ.ដ.ក.។ ថ្លែងក្នុងសិក្ខាសាលានោះ ឯកឧត្តម ប៉ូច សោភ័ណ បានលើកឡើងអំពីសារៈសំខាន់នៃការបង្កើតអាជ្ញាធរជាតិដោះស្រាយវិវាទក្រៅប្រព័ន្ធតុលាការ ដែលជាយន្តការបំពេញបន្ថែមលើយន្តការដោះស្រាយវិវាទក្រៅប្រព័ន្ធតុលាការដែលមានស្រាប់នៅកម្ពុជា ក៏ដូចជារួមចំណែកលើកកម្ពស់យន្តការនៃការសម្រុះសម្រួលផ្សះផ្សាវិវាទក្រៅប្រព័ន្ធតុលាការឱ្យកាន់តែងាយស្រួល កាន់តែសម្បូរបែប កាន់តែខិតជិតប្រជាពលរដ្ឋនៅមូលដ្ឋាន និងកាន់តែមានប្រសិទ្ធភាពក្នុងការដោះស្រាយវិវាទជូនប្រជាពលរដ្ឋផងដែរ។ ឯកឧត្តមបានបន្ថែមទៀតថាការបង្កើត អ.ដ.ក.នេះ...
ឧត្ដរមានជ័យ៖ ឯកឧត្ដម មាន ចាន់យ៉ាដា អភិបាលខេត្តឧត្ដរមានជ័យ បានណែនាំដល់អាជ្ញាធរមូលដ្ឋាន និងថ្នាក់ដឹកនាំមន្ទីរ អង្គភាពជំនាញជុំវិញខេត្តទាំងអស់ ត្រូវត្រៀមលក្ខណៈរៀបចំទុកជាមុន សម្រាប់អន្តរាគមន៍ និងជួយសង្គ្រោះប្រជាពលរដ្ឋ ឱ្យបានទាន់ពេលវេលា ពេលមានគ្រោះមហន្តរាយកើតឡើង ដោយយថាហេតុ។ ការណែនាំបែបនេះ ធ្វើឡើងនៅក្នុងប្រជុំ ត្រៀមបង្ការទប់ស្កាត់ និងការឆ្លើយតបសង្គ្រោះបន្ទាន់ ចំពោះបញ្ហាគ្រោះមហន្តរាយក្នុងភូមិសាស្រ្តខេត្តឧត្ដរមានជ័យ នាថ្ងៃទី១៩ខែកញ្ញាឆ្នាំ២០២៤នេះ។ ឯកឧត្ដមអភិបាលខេត្ត ក៏បានចាត់ឱ្យមន្ត្រីទទួលខុសត្រូវតាមវិស័យជាសេនាធិការ ឱ្យគណៈកម្មាធិការគ្រប់គ្រងគ្រោះមហន្តរាយ តាមបណ្តាលក្រុង-ស្រុក និងត្រូវត្រៀមលក្ខណៈ សហការជាមួយលេខាធិការដ្ឋាន...
ភ្នំពេញ ៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងឯកឧត្តម លោកជំទាវ ថ្នាក់ដឹកនាំក្រសួង មន្ត្រីរាជការក្រោមឱវាទក្រសួងសុខាភិបាល រួមជាមួយឯកឧត្តមសាស្រ្តាចារ្យ ម៉ម ប៊ុនហេង អ្នកតំណាងរាស្រ្តមណ្ឌលរាជធានីភ្នំពេញ ព្រមទាំងរដ្ឋបាលខណ្ឌសែនសុខ បានអញ្ជើញចូលរួមកាន់បិណ្ឌវេនទី២ នៅវត្តសុវណ្ណមុនីសាគរ សំរោងអណ្តែត ដែលស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ដោយបានវេរចង្ហាន់បិណ្ឌបាត ទេយ្យវត្ថុ ចំពោះព្រះសង្ឃ ដើម្បីឧទ្ទិសកុសលផលបុណ្យដល់មាតា បិតា...
លទ្ធផលប្រឡងគ្រូមតេយ្យសិក្សា ត្រូវបានប្រកាសជាផ្លូវការ ដោយរកឃើញថា បេក្ខជនជាប់ជាស្ថាពរមានចំនួន ២០០នាក់ ក្នុងនោះអ្នកជាប់ភាគច្រើនជាស្ត្រី ដែលមានចំនួនរហូតដល់ ១៥២នាក់។ ទន្ទឹមគ្នានេះដែរ អ្នកជាបម្រុងភាគច្រើនក៏ជាស្ត្រីផងដែរ។ ក្រសួងមុខងារសាធារណៈ បានបញ្ចប់ការធ្វើកំណែ និងប្រកាសលទ្ធផលផ្លូវការ នៃការប្រឡងគ្រូមតេយ្យសិក្សានៅថ្ងៃទី១៩ ខែកញ្ញា ឆ្នាំ ២០២៤នេះ។ ការប្រកាសលទ្ធផល ធ្វើឡើងដោយមានការត្រួតពិនិត្យ ចុះហត្ថលេខាទទួលស្គាល់ដោយផ្ទាល់ ពីឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ រួមទាំងវត្តមានមន្ត្រីអង្គភាពប្រឆាំងអំពើពុករលួយ...
កំពត៖ ស្ថានីយផូស៊ីលស្លឹកឈើថ្មីមួយកន្លែងមានអាយុកាលចន្លោះពី ៦៥-១៥០ឆ្នាំ ត្រូវបានរកឃើញនៅលើភ្នំកកេះ ស្ថិតក្នុងស្រុកទឹកឈូ ខេត្តកំពត។ ស្ថានីយផូស៊ីលថ្មីនេះ ជាស្ថានីយផូស៊ីលទី ៦៧ ក្នុងសកម្មភាពសិក្សាស្រាវជ្រាវ និងរុករក រយៈពេល ៦ឆ្នាំកន្លងមកនេះ ។ លោក លីម វណ្ណច័ន្ទ ប្រធានការិយាល័យបេតិកភណ្ឌវប្បធម៌ នៃក្រសួងបរិស្ថាន បានឱ្យដឹងនៅថ្ងៃទី ១៩ ខែកញ្ញា ឆ្នាំ២០២៤នេះថា អ្នកជំនាញទើបនឹងរកឃើញស្ថានីយផូស៊ីលថ្មីទី៦៧ ជាប្រភេទផូស៊ីលស្លឹកឈើបុរាណ ដែលមានអាយុកាលចន្លោះពី...