នៅព្រឹកថ្ងៃអាទិត្យ ទី៩ ខែសីហា ឆ្នាំ២០២៦ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា បានអញ្ជើញនាំយកនូវទៀនព្រះវស្សា និងទេយ្យវត្ថុដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន,សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មកប្រគេនដល់វត្តចំនួន១២វត្ត និងចែកអំណោយដល់យាយជី...
ខេត្តជាប់ព្រំដែនកម្ពុជា-ថៃ គឺខេត្តឧត្តរមានជ័យ និងខេត្តព្រះវិហារ បានបើកដំណើរការប្រឡងដូច ខេត្តឯទៀតដែរដោយដំណើរការរលូន និងស្ងៀមស្ងាត់ ខណៈដែលបេក្ខជនក៏បានបង្ហាញ ទំនុកចិត្តនៃការប្រឡងជាប់ ។ ឯកឧត្តម មាន ចាន់យ៉ាដា អភិបាលខេត្តឧត្តរមានជ័យបានអញ្ជើញជាអធិបតីភាពក្នុងពិធីដំណើរការបើកវិញ្ញាសារប្រឡងសញ្ញាបក្រមធ្យមសិក្សាទុតិយភូមិ (បាក់ឌុប) សម្រាប់ឆ្នាំសិក្សា២០២៦ នៅមណ្ឌលវិឡាល័យតេជោសែនសំរោង នាព្រឹកថ្ងៃទី១០សីហាឆ្នាំ២០២៦។ ឯកឧត្តម បានមានប្រសាសន៍ផ្តាំផ្ញើ និងលើកទឹកចិត្តដល់សិស្សានុសិស្ស ដែលមានវត្តមានប្រឡងនៅពេលនេះ ត្រូវយកចំណេះដឹងដែលបានរៀនសូត្រកន្លងមកបញ្ចេញឲ្យអស់នៅពេលនេះ ដើម្បីឆ្លងបន្តដំណើរទៅកាន់ឧត្តមសិក្សា។ អាណាព្យាបាលបេក្ខជន ដែលមកផ្តល់កម្លាំងចិត្តដល់កូនៗ រំពឹងថាកូនៗនឹងប្រឡងជាប់ទទួលបានលទ្ធផលល្អប្រសើរ...
ស្ថិតក្នុងការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅឆ្នាំ២០២៦ បេក្ខជនមានពិការភាព ចាត់ទុកការប្រឡងបាក់ឌុបជាស្ពានឆ្ពោះទៅរកភាពជោគជ័យក្នុងជីវិត និងខិតខំប្រឹងប្រែងប្រឡងឲ្យជាប់។ បេក្ខជនមានពិការភាពប្រឡងនៅមណ្ឌលបឋមសិក្សាភ្នំពេញថ្មី ខណ្ឌសែនសុខ រាជធានីភ្នំពេញ នៅថ្ងៃទី១០ ខែសីហា នេះ ដែលជាថ្ងៃប្រឡងទី១ បានប្រាប់BTVថា ក្នុងនាមបេក្ខជនពិការភ្នែក នឹងខិតខំប្រឹងប្រែងឱ្យអស់ពីសមត្ថភាព ដើម្បីឱ្យការប្រឡងទទួលបានលទ្ធផលល្អ។ បេក្ខជនទាំងនោះបន្តទៀតថា ការប្រឡងបាក់ឌុបជាស្ពានឆ្ពោះទៅរកភាពជោគជ័យក្នុងជីវិត ដើម្បីឱ្យសង្គមទទួលស្គាល់ពីសមត្ថភាពជនមានពិការភាព និងរួមចំណែកកសាងអភិវឌ្ឍប្រទេសជាតិ។ លោក ឃុត សុខខា ប្រធានគណៈកម្មការរៀបចំសន្តិសុខសណ្តាប់នៅមណ្ឌលប្រឡងសាលាបឋមសិក្សាភ្នំពេញថ្មី បានលើកឡើងដែរថា ចំពោះការរៀបចំសន្តិសុខ...
ភ្នំពេញ៖ ក្នុងដំណើរការសំណេរនាព្រឹកថ្ងៃទី១ នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ មានពីរមុខវិជ្ជាគឺ ប្រវត្តិវិទ្យា និងជីវវិទ្យា (សម្រាប់ថ្នាក់វិទ្យាសាស្ត្រ) ផែនដី និងបរិស្ថានវិទ្យា និងប្រវត្តិវិទ្យា(សម្រាប់ថ្នាក់វិទ្យាសាស្ត្រសង្គម) បានប្រព្រឹត្តទៅដោយរលូនល្អ មិនមានបាតុភាពមិនប្រក្រតីណាមួយកើតឡើងគួរឲ្យកត់សម្គាល់ឡើយ។ នៅព្រឹកថ្ងៃទី១នេះ មានបេក្ខជនអវត្តមានចំនួន១ ២៩៤នាក់ (ស្រី៤៧៤នាក់) ស្មើនឹង០,៨៥ភាគរយ បេក្ខជនស្វ័យរិនចំនួន១ ១០០នាក់ (ស្រី៣៨៧នាក់) បេក្ខជនចំណេះទូទៅចំនួន១៩៤នាក់ (ស្រី៨៧នាក់)។...
កំពង់ឆ្នាំង៖ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានថ្លែងថា «ការប្រឡងសញ្ញាប័ត្រទុតិយភូមិឆ្នាំនេះ មានការយកចិត្តទុកដាក់យ៉ាងខ្លាំងពីសំណាក់សម្តេចធិបតី ហ៊ុន ម៉ាណែត នាយករដ្ឋមន្ត្រី ដើម្បីចំរាញ់យកធនធានមនុស្សល្អៗមកជួយអភិវឌ្ឍកសាងប្រទេសជាតិ។ ក្មួយៗដែលចេះប្រាកដ គឺជាប់»។ ឯកឧត្តមបានថ្លែងបែបនេះក្នុងពេលអញ្ជើញពិនិត្យដំណើរការប្រឡងនៅក្នុងខេត្តកំពង់ឆ្នាំងនាព្រឹកថ្ងៃទី១០ ខែសីហា ឆ្នាំ២០២៦នេះ ដែលមានការចូលរួមពីឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំ លោកជំទាវ កែ ច័ន្ទមុនី អ្នកតំណាងរាស្ត្រ ឯកឧត្តម ស៊ីវ...
បាត់ដំបង៖ នៅព្រឹកថ្ងៃទី១០ ខែសីហា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញកាត់កញ្ចប់វិញ្ញាសារជានិមិត្តរូបសម្រាប់ការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)ឆ្នាំ២០២៦នៅមណ្ឌលប្រឡងវិទ្យាល័យនេត យ៉ង់ ស្ថិតក្នុងក្រុងបាត់ដំបង។ ឯកឧត្តម សុខ លូ គូសបញ្ជាក់ថា ដើម្បីឱ្យការប្រឡងប្រព្រឹត្តទៅប្រកបដោយសុវត្ថិភាព និងមានសណ្តាប់ធ្នាប់ របៀបរៀបរយល្អ រដ្ឋបាលខេត្តបានចាត់កងកម្លាំងនគរបាល និងកងរាជអាវុធហត្ថការពារសន្តិសុខ សុវត្ថិភាព សណ្តាប់ធ្នាប់ក្នុងដំណើរការប្រឡង,ទប់ស្កាត់កុំឱ្យមានការដំឡើងថ្លៃសេវាស្នាក់នៅ និងម្ហូបអាហារ,ជួយសម្រួលរៀបចំទីកន្លែងស្នាក់នៅសម្រាប់បេក្ខជនមានជីវភាពខ្វះខាត ,សម្រួលការផ្ញើកង់ម៉ូតូ របស់បេក្ខជននៅតាមមណ្ឌលប្រឡងនីមួយៗដោយឥតគិតថ្លៃ និងរៀបចំក្រុមគ្រូពេទ្យប្រចាំការ។...
នៅព្រឹកថ្ងៃទី១០ ខែសីហា ឆ្នាំ២០២៦ ការប្រឡងសញ្ញាបត្រមធ្យមសិក្សាទុតិយភូមិ ឬ «បាក់ឌុប» បានចាប់ផ្តើមជាផ្លូវការ ខណៈបេក្ខជនប្រឡងបំពេញវិជ្ជា និងបេក្ខជនស្វ័យរិន ១,០៥០នាក់ បានចូលរួមប្រឡងនៅមណ្ឌលវិទ្យាល័យ ជា ស៊ីម សន្ធរម៉ុក រាជធានីភ្នំពេញ។ ជាមួយទឹកមុខស្ងប់ស្ងាត់ និងការតាំងចិត្តខ្ពស់ បេក្ខជនម្នាក់ៗបានចូលមណ្ឌលប្រឡង ដោយប្តេជ្ញាបញ្ចេញសមត្ថភាពឱ្យអស់ពីលទ្ធភាព ដើម្បីសម្រេចបានលទ្ធផលល្អ និងបំពេញក្តីរំពឹងរបស់ក្រុមគ្រួសារ។ តាំងពីព្រឹកព្រលឹម បេក្ខជនបានមកកាន់មណ្ឌលប្រឡង ដោយអ្នកខ្លះមកជាមួយក្រុមគ្រួសារ ខ្លះមកជាមួយមិត្តភក្តិ និងអ្នកខ្លះទៀតធ្វើដំណើរមកដោយខ្លួនឯង។...
ខណៈដំណើរការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) បានចាប់ផ្តើមដំណើរការហើយ នៅព្រឹកថ្ងៃទី១០ ខែសីហានេះ ក្រុមអាណាព្យាបាលសិស្សបានបង្ហាញទឹកមុខសប្បាយរីករាយ នៅពេលដែលឃើញកូនខិតខំរៀនសូត្រ រហូតបានឈានដល់ការប្រឡងថ្ងៃនេះ។ អ្នកស្រី ស៊ុំ ស្រីស្រស់ ប្រជាពលរដ្ឋមកពីខេត្តតាកែវ ដែលបានជូនកូនរបស់ខ្លួនមកប្រឡងបាក់ឌុប នាមណ្ឌលប្រឡងវិទ្យាល័យ ជាស៊ីម សាមគ្គី បានឱ្យព័ត៌មាន ប៊ីធីវី ដឹងថា នេះជាលើកទីមួយហើយ ដែលបានជូនកូនមកប្រឡងបាក់ឌុប។ អ្នកស្រីបានបន្តថា ពិតជាសប្បាយរីករាយជាខ្លាំង ព្រោះការទន្ទឹងរង់ចាំជាយូរឆ្នាំមកហើយ។ ក្រុមអាណាព្យាបាលដទៃផ្សេងទៀត ដែលកំពុងរង់ចាំកូនពីចម្ងាយបន្ទប់ប្រឡង...
ទោះបីជាត្រូវសិក្សាដោយខ្លួនឯងគ្មានគ្រូណែនាំផ្ទាល់ក៏ដោយ ក៏បេក្ខជនស្វ័យរិនជាច្រើនរូប បានបង្ហាញពីការតាំងចិត្តយ៉ាងមុតមាំ។ ពួកគាត់បានត្រៀមខ្លួនរួចជាស្រេច និងរំពឹងថា នឹងទទួលបានលទ្ធផលជោគជ័យ ក្នុងការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នាឆ្នាំ២០២៦នេះ។ នៅក្នុងបទសម្ភាសន៍ជាមួយក្រុមបេក្ខជនប្រឡងសញ្ញាបត្រមធ្យមសិក្សាទុតិយភូមិ នៅមណ្ឌលប្រឡងវិទ្យាល័យ ជាស៊ីម សាមគ្គី នាព្រឹកថ្ងៃទី១០ ខែសីហានេះ ពួកគាត់បាននិយាយស្រដៀងគ្នា ចំពោះការចូលរួមប្រឡងនេះ មានក្តីភ័យអរតិចតួច និងមានអារម្មណ៍សប្បាយរីករាយដែលបានជាប់ឈ្មោះក្នុងការប្រឡងនេះ ពីព្រោះរាល់កិច្ចការក្នុងពេលប្រឡង គឺធ្វើបានច្រើន បន្ទាប់ពីបានខិតខំរៀនសូត្រ និងត្រៀមខ្លួនរួចជាស្រេចតាំងពីពេលកន្លងមក។ ក្រុមបេក្ខជនទាំងនេះ បានឱ្យដឹងទៀតថា សម្រាប់ឆ្នាំនេះ...
លោកស្រី ប៉ាង រ៉ាវី អភិបាលរង ខេត្ដព្រះវិហារ ព្រឹកថ្ងៃទី១០ ខែសីហា ឆ្នាំ២០២៦ បានអញ្ជើញជាអធិបតីភាពក្នុងពិធីកាត់វិញ្ញាសាប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅមណ្ឌលប្រឡងវិទ្យាល័អនុវិទ្យាល័យ ហ៊ុនសែន ត្បែងមានជ័យ ខេត្ដព្រះវិហារ ។ លោកស្រីបានឱ្យដឹងថា បេក្ខជនមកពីវិទ្យាល័យនៅតាមព្រំដែនកម្ពុជា ថៃ ក្នុងខេត្ដព្រះវិហារ មានចំនួនចំនួនបីវិទ្យាលរួមមាន វិទ្យាល័យហ៊ុនសែន ជាំក្សាន្ដ វិទ្យាល័យស្រអែម និងវិទ្យាល័យខេមរៈតេជោ ដោយមានបេក្ខជនប្រឡងចំនួន២៤០នាក់ ខណៈដែលនៅទូទាំងខេត្ដព្រះវិហារមានចំនួន១៩៥២នាក់...