សមាគមអភិវឌ្ឍន៍សង្គមខ្មែរ នឹងសហការជាមួយក្រុមហ៊ុនដៃគូក្នុងស្រុក រៀបចំពិព័រណ៍ផលិតផលខ្មែរនៅគ្រប់រាជធានី-ខេត្ត ដើម្បី ដាក់បង្ហាញ និងស្វែងរកការគាំទ្រពីប្រជាពលរដ្ឋ លើគោលដៅលើកកម្ពស់ផលិតផលក្នុងស្រុក បង្កើតការងារ ប្រាក់ចំណូលក្នុងគ្រួសារ ដើម្បីជំរុញឱ្យចលនាសេដ្ឋកិច្ចក្រៅប្រព័ន្ធកាន់តែរឹងមាំ។ ឯកឧត្តម ស្វាយ សុវណ្ណរិទ្ធ ប្រធានសមាគមអភិវឌ្ឍន៍សង្គមខ្មែរ លើកឡើងនៅក្នុងការចុះអនុស្សារណៈយោគយល់គ្នា ជាមួយ ក្រុមហ៊ុនធុរកិច្ចក្នុងស្រុកចំនួនពីរ លើកកម្ពស់ផលិតផលខ្មែរ នៅល្ងាចថ្ងៃទី១៧ ខែមីនា ឆ្នាំ២០២៥ នេះថា តាមរយៈការចាប់ដៃគូ ជាមួយក្រុមបណ្តាហ៊ុនធុរកិច្ចក្នុងស្រុកនេះ សមាគមមានគោលបំណងសំខាន់ ដើម្បីចូលរួមលើកកម្ពស់ផលិតផលខ្មែរ...
ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) បានលើកឡើងថា ការលាបពណ៌ នយោបាយជ្រុលនិយម រើសអើង និងការស្អប់ខ្ពើម គឺជាប្រភព នៃការបែកបាក់សាមគ្គីភាពផ្ទៃក្នុង ដែលនេះជាអ្វីដែលនាំដល់ការចុះខ្សោយនៃប្រជាជាតិយើងក្នុងអតីតកាល។ តាមរយៈបណ្តាញសង្គមហ្វេសបុក ឯកឧត្តម ហ៊ុន ម៉ានី បានលើកឡើងថា ថ្ងៃទី១៨ ខែមីនា គឺជាខួបទី៥៥ នៃរដ្ឋប្រហារទម្លាក់ សម្តេចព្រះ នរោត្តម សីហនុ ព្រះប្រមុខរដ្ឋ...
ភ្នំពេញ៖ នៅព្រឹកថ្ងៃទី១៨ ខែមីនា ឆ្នាំ២០២៥នេះ ឯកឧត្តម យក់ ប៊ុនណា រដ្ឋលេខាធិការប្រចាំការនៃក្រសួងមុខងារសាធារណៈ និងជាប្រធានអនុគណៈកម្មាធិការប្រតិបត្តិនៃ គ.វ.រ. កំពុងអញ្ជើញដឹកនាំសិក្ខាសាលាពិគ្រោះយោបល់ស្តីពី «ការរៀបចំគុណវុឌ្ឍិ និងការពិពណ៌មុខតំណែងរបស់មន្ត្រីរាជការនៃវិទ្យាស្ថានជាតិស្ថិតិ»។ សិក្ខាសាលានេះ ក៏មានវត្តមានអញ្ជើញចូលរួមពី ឯកឧត្តមបណ្ឌិត ផាន់ ផល្លា រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារចំពោះកិច្ចអន្តរក្រសួង ស្ថាប័ន, ឯកឧត្តម រិន វីរៈ រដ្ឋលេខាធិការក្រសួងផែនការ...
កម្ពុជានឹងអនុញ្ញាតឱ្យនាវាកងទ័ពជប៉ុនចូលចតមុនគេបង្អស់នៅ«កំពង់ផែរាម» ខេត្តព្រះសីហនុ ជាប្រវត្តិសាស្ត្រ បន្ទាប់ពីកំពង់ផែនេះបានសាងសង់រួច និងសម្ពោធដាក់ឲ្យប្រើប្រាស់ជំហានទី១ នៅដើមខែមេសា ឆ្នាំ២០២៥ខាងមុខនេះ។ នេះជាការលើកឡើងរបស់ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ នៅចំពោះមុខ លោកវរសេនីយ៍ឯក ហារ៉ា តាកាស៊ី នាយការិយាល័យសេនានុព័ន្ធជប៉ុនថ្មីប្រចាំកម្ពុជា ក្នុងឱកាសចូលជួបសម្តែងការគួរសម នាព្រឹកថ្ងៃទី១៨ ខែមីនា ឆ្នាំ២០២៥ នៅអគ្គបញ្ជាការដ្ឋាន។ ឯកឧត្តម បានលើកឡើងថា ការផ្ដល់អាទិភាពឱ្យនាវាជប៉ុនចូលចតមុនគេ និងជាប្រវត្តិសាស្ត្រនេះ...
ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម នៃក្រសួងសេដ្ឋកិច្ច និងហិរញ្ញវត្ថុ បានថ្លែងថា ច្បាប់ខ្មែរបុរាណយកលំនាំទស្សនវិជ្ជាតាមបែបសាសនា ជាពិសេសទស្សនវិជ្ជាពុទ្ធនិយម ដែលពលរដ្ឋខ្មែរប្រតិបត្តិរៀងមក បង្កប់ជម្រៅនៃសម្មតិសច្ចៈ ដែលជាសេចក្ដីពិតតាមរបៀបជាបញ្ញត្តិនៅរូបរាងខាងក្រៅ និងជម្រៅនៃបរមត្ថសច្ចៈ ជាសេចក្ដីពិតដែលបានកំណត់តាំងរូបរាងខាងក្នុង ដែលអាចមើលស្រមៃដឹងតាមរយៈការធ្វើសតិប្បដ្ឋានឬកម្មដ្ឋាន ដែលបង្ហាញនូវលក្ខណៈពិសេស នៃទំនាក់ទំនង ទស្សនវិជ្ជា ពុទ្ធវិជ្ជា និងនីតិវិជ្ជាខ្មែរ។ ការថ្លែងរបស់ឯកឧត្តមបានធ្វើឡើងក្នុងពិធីបើកវេទិកាស្តីពី «ទំនៀមជំនុំច្បាប់ខ្មែរ៖ ទស្សនវិជ្ជាច្បាប់បែបប្រពៃណី» ស្ថិតនៅសាលាភូមិន្ទរដ្ឋបាល នាព្រឹកថ្ងៃទី១៨ខែមីនានេះ...
ភ្នំពេញ៖ បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសដាក់ដំណើការ នៃការស្នើសុំទូទាត់តាវកាលិកផ្នែកថែទាំសុខភាពតាមប្រព័ន្ធអនឡាញ ដែលសមាជិក ប.ស.ស. គ្រប់រូប អាចស្នើសុំទាមទារប្រាក់ឧបត្ថម្ភរបស់ខ្លួនបាន ចាប់ពីពេលនេះតទៅ តាមរយៈកម្មវិធីទូរស័ព្ទដៃ NSSF member app។ ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម (ប.ស.ស.) នៅក្នុងកិច្ចប្រជុំផ្ទៃក្នុងប្រចាំខែ ដើម្បីត្រួតពិនិត្យ និងដោះស្រាយលើបញ្ហាប្រឈមរបស់នាយកដ្ឋានជំនាញ និងគ្រប់សាខា ប.ស.ស....
ភ្នំពេញ៖ ឯកឧត្តមរដ្ឋមន្រ្តីក្រសួងធម្មការ និងសាសនា បានជំរុញលើកទឹកចិត្តបន្តការផ្សព្វផ្សាយនូវកតញ្ញូតាធម៌ និងលើកកម្ពស់ការបណ្តុះសីលធម៌ គុណធម៌ ព្រោះថា មិនត្រឹមតែលើកកម្ពស់គុណតម្លៃរបស់បុគ្គលប៉ុណ្ណោះទេ ប៉ុន្តែជាមូលដ្ឋានគ្រឹះនៃក្រមសីលធម៌គ្រួសារ ធានាបាននូវរចនាសម្ព័ន្ធសុភមង្គលក្នុងគ្រួសារ និងសង្គមមានស្ថិរភាព។ ឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការ និងសាសនា នៅក្នុងពិធីបុណ្យកតញ្ញូតាធម៌ និងសន្និសីទជំរុញអាហារបួសប្រចាំឆ្នាំលើកទី៧ ឆ្នាំ២០២៥ ក្រោមប្រធានបទ បញ្ចេញពន្លឺរស្មីនៃក្តីស្រលាញ់ កាលពីរសៀលថ្ងៃទី១៦ ខែមីនាកន្លងទៅ បានសម្តែងការកោតសរសើរ និងវាយតម្លៃខ្ពស់ចំពោះក្រុមប្រឹក្សាអីគ័នតាវ ឯកអនុត្តរធម៌ប្រចាំកម្ពុជា...
ភ្នំពេញ ៖ ខណៈស្ពានអាកាសមរតកតេជោជិតនឹងបញ្ចប់ការសាងសង់ និងដាក់សម្ពោធឱ្យប្រើប្រាស់ជាផ្លូវការនាពេលឆាប់ៗខាងមុខនោះ សំណង់រឹងដែលសាងសង់ពីឥដ្ឋ រៀបដែកចាក់ស៊ីម៉ង់ត៍ ក៏កំពុងសាងសង់នៅ លើចិញ្ចើមផ្លូវដើររបស់សាធារណជនជាបណ្ដើរៗផងដែរ។ ការសាងសង់សំណង់រឹងនៅលើចិញ្ចើមផ្លូវសាធារណៈរបស់រដ្ឋ តាមបណ្ដោយមហាវិថីព្រះមុនីវង្សនេះ គឺទើបឃើញកើតមាននៅប៉ុន្មានថ្ងៃកន្លងមកនេះប៉ុណ្ណោះ ដោយមិនមានការហាមឃាត់ពីអាជ្ញាធរមូលដ្ឋាននោះឡើយ។ ប្រសិនបើមិនមានវិធានការទប់ស្កាត់នៅពេលនេះទេ អាចនឹងមានការរីករាលដាលនៃការសាងសង់សំណង់រឹងបែបនេះបន្តទៀត។ ព័ត៌មានស្ដីពីការសាងសង់សំណង់រឹងនៅលើចិញ្ចើមថ្នល់ ជាប់គល់ស្ពានអាកាសមរតកតេជោនេះ ពល រដ្ឋបានជូនដំណឹងទៅលោក កែវ សាវឿន ចៅសង្កាត់ចាក់អង្រែលើ ក្នុងទឹកដីខណ្ឌមានជ័យ ជាច្រើនថ្ងៃកន្លងមកហើយ តែសំណង់នេះនៅតែបន្តការសាងសង់ជាដដែល។ បញ្ហាសំណង់អាណាធិបតេយ្យនៅតាមមូលដ្ឋានមួយចំនួនធំ ត្រូវបានគេមើលឃើញថា...
ភ្នំពេញ៖ មន្រ្តីជាន់ខ្ពស់នៃរាជរដ្ឋាភិបាលកម្ពុជា បានលើកទឹកចិត្តឱ្យភាគីអៀរឡង់ ពិចារណាបង្កើនជំនួយឥតសំណង (ODA) តាមរយៈការផ្តល់ជំនួយជាកម្ចីការប្រាក់ទាប និងការប្រើប្រាស់បច្ចេកវិទ្យាទំនើបសម្រាប់សហគមន៍កសិកម្មទំនើប ដើម្បីជំរុញវិស័យកសិកម្មនៅកម្ពុជាកាន់តែល្អប្រសើរឡើងបន្ថែមទៀត។ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក្នុងជំនួបសម្តែងការគួរសមជាមួយ ឯកឧត្តម Noel Grealish រដ្ឋមន្រ្តីក្រសួងកសិកម្ម ចំណីអាហារ និងសមុទ្រនៃសាធារណរដ្ឋអៀរឡង់ នាព្រឹកថ្ងៃទី១៧ មីនា ឆ្នាំ២០២៥នេះ បានសម្តែងនូវការស្វាគមន៍ និងក្តីសោមនស្សរីករាយចំពោះកិច្ចពិភាក្សាការងារ ដើម្បីឈានទៅពង្រឹងកិច្ចសហប្រតិបត្តិការរវាងប្រទេសទាំងពីរ កម្ពុជា-អៀរឡង់។...
ភ្នំពេញ៖ ផលិតផលសក្តានុពលខ្មែរសំខាន់ៗមួយចំនួន ដូចជា៖ អង្ករក្រអូបខ្មែរ គ្រាប់ស្វាយចន្ទីរ ម្រេចកំពត ដំណាប់ស្វាយ កាហ្វេមណ្ឌលគិរី ស្ករត្នោត ក្រម៉ាខ្មែរ និងវត្ថុអនុស្សាវរីយ៍ជាច្រើនទៀត ត្រូវបាននាំយកទៅដាក់តាំងបង្ហាញនៅក្នុងកម្មវិធីអបអរសាទរទិវាហ្វ្រង់កូហ្វូនី (Journée de la Francophonie) ដែលរៀបចំឡើងដោយក្រុមប្រឹក្សាលើកតម្កើងហ្វ្រង់កូហ្វូនីនៅប្រទេសជប៉ុន (Conseil pour la Promotion de la Francophonie au Japon)...