នៅថ្ងៃទី១០ ខែកញ្ញា ឆ្នាំ២០២៦ ឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា និងឯកឧត្តម គីម វីរៈ អនុប្រធាន និងជាអគ្គលេខាធិការ នៃគណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) តំណាងដ៏ខ្ពង់ខ្ពស់ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ រួមជាមួយឯកឧត្តម ប៉ែន...
អាជ្ញាធរមូលដ្ឋានក្នុងរាជធានីភ្នំពេញ បានចុះផ្តល់លិខិតអញ្ជើញពលរដ្ឋទៅពិនិត្យបញ្ជីឈ្មោះបោះឆ្នោតផ្លូវការឆ្នាំ២០២៥ និងអញ្ជើញទៅចុះឈ្មោះបោះឆ្នោតនៅឆ្នាំ២០២៦។ លោក មូល វីរៈចៅសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ នៅព្រឹកថ្ងៃទី១០ ខែកញ្ញា ឆ្នាំ២០២៦នេះ បានប្រាប់BTVថា នៅថ្ងៃនេះ ក្រុមការងារសង្កាត់ឫស្សីកែវ បានចុះផ្តល់លិខិតអញ្ជើញអ្នកមានឈ្មោះក្នុងបញ្ជីបោះឆ្នោតផ្លូវការឆ្នាំ២០២៥ ទៅពិនិត្យបញ្ជីឈ្មោះបោះឆ្នោត និងចុះឈ្មោះបោះឆ្នោតឆ្នាំ២០២៦ នឹងចាប់ផ្តើមពីថ្ងៃទី០៧ខែតុលា រហូតដល់ថ្ងៃទី៣០ខែវិច្ឆិកា ឆ្នាំ២០២៦។ លោកក៍បានអំពាវនាវដល់ប្រជាពលរដ្ឋដែលមានកូន ឬចៅគ្រប់អាយុបោះឆ្នោតសូមត្រៀមទៅចុះឈ្មោះបោះឆ្នោត និងអ្នកមានឈ្មោះក្នុងបញ្ជីបោះឆ្នោតអញ្ជើញទៅពិនិត្យមើលឈ្មោះឱ្យបានគ្រប់ៗគ្នា ហើយអ្នកមានឈ្មោះបោះឆ្នោតនៅឆ្នាំ២០១៦ និង២០១៧ សូមអញ្ជើញទៅធ្វើបច្ចុប្បន្នភាពទិន្នន័យជីវមាត្រ។ ប្រជាពលរដ្ឋបានលើកឡើងថា...
ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរ រៀបចំដោយក្រសួងទេសចរណ៍ សហការជាមួយរដ្ឋបាលខេត្តសៀមរាប និងអាជ្ញាធរពាក់ព័ន្ធ ដែលគ្រោងនឹងប្រព្រឹត្តទៅនាថ្ងៃទី២០ ខែកញ្ញាខាងមុខ បានបិទទទួលការចុះឈ្មោះហើយ ក្រោយទទួលបានការគាំទ្រយ៉ាងខ្លាំងពីមហាជន រហូតមានការចុះឈ្មោះលើសការរំពឹងទុក ត្រឹមរយៈពេលជិត ១សប្ដាហ៍ បន្ទាប់ពីការបើកទទួលចុះឈ្មោះផ្លូវការ។ ឯកឧត្តម វ៉ាហេង ដាវុធ រដ្ឋលេខាធិការក្រសួងទេសចរណ៍ បានឲ្យដឹងថា ត្រឹមរយៈពេលខ្លី បន្ទាប់ពីក្រសួងទេសចរណ៍ បានបើកទទួលចុះឈ្មោះ មានកីឡាករ-កីឡាការិនីជាតិ និងអន្ដរជាតិជាច្រើនបានចាប់អារម្មណ៍ និងចុះឈ្មោះ ។ តាមការគ្រោងទុកការចុះឈ្មោះនេះ គ្រោងបើករហូតដល់ថ្ងៃទី១៥...
ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ (ដ.ន.ស.) បានចាត់ទុកការលើកឡើងលើបណ្តាញសង្គមរបស់ក្រុមឡេង ណាវ៉ាត្រា ជាការបំភាន់ព័ត៌មាន បំភ្លៃការពិត និងបំពុលបរិយាកាសសង្គម អាចជាចេតនាញុះញង់ បង្កចលាចល និងអាចប្រឈមនឹងផ្លូវច្បាប់។ នេះបើតាមសេចក្ដីប្រកាសព័ត៌មានរបស់ក្រសួងនៅថ្ងៃទី៩ ខែកញ្ញា ឆ្នាំ២០២៦នេះ។ តាមសេចក្តីប្រកាសព័ត៌មាន ក្រសួងរៀបចំដែនដី បានជម្រាបជូនសាធារណជន ជាពិសេសអតិថិជនដែលបានទិញផ្ទះ និងដីឡូត៍ក្នុងគម្រោងបុរី ឡេង ណាវ៉ាត្រា ផ្លូវជាតិលេខ ៦អា និងគម្រោងជ្រែមួយរយរបស់ក្រុមហ៊ុន...
ក្រុមប្រឹក្សាធម្មនុញ្ញបានសម្រេចជាឯកច្ឆន្ទថា ច្បាប់ស្តីពីវិសោធនកម្មច្បាប់ស្តីពីការគ្រប់គ្រងរដ្ឋបាលឃុំ សង្កាត់ ដែលរដ្ឋសភាបានអនុម័តនៅថ្ងៃទី២០ ខែសីហា ឆ្នាំ២០២៦ នាសម័យប្រជុំរដ្ឋសភាលើកទី៦ នីតិកាលទី៧ ហើយព្រឹទ្ធសភាបានពិនិត្យនិងឱ្យយោបល់ឯកភាពទាំងស្រុងលើទម្រង់ និងគតិច្បាប់ដោយឥតកែប្រែ នាសម័យប្រជុំព្រឹទ្ធសភាជាវិសាមញ្ញ នីតិកាលទី៥ នៅថ្ងៃទី៤ ខែកញ្ញា ឆ្នាំ២០២៦ ស្របនឹងរដ្ឋធម្មនុញ្ញ។ ក្រុមប្រឹក្សាធម្មនុញ្ញបានបើកកិច្ចប្រជុំពេញអង្គដើម្បីពិនិត្យ និងសម្រេចសំណើរបស់សម្តេចមហារដ្ឋសភាធិការធិបតី យួន សុដារី ប្រធានរដ្ឋសភា ស្នើសុំពិនិត្យធម្មនុញ្ញភាពច្បាប់ស្តីពីវិសោធនកម្មច្បាប់ស្តីពីការ គ្រប់គ្រងរដ្ឋបាលឃុំ សង្កាត់ នៅព្រឹកថ្ងៃទី១០ ខែកញ្ញា...
នៅព្រឹកថ្ងៃទី១០ ខែកញ្ញា ឆ្នាំ២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតជូន គណៈប្រតិភូសភាពាណិជ្ជកម្មអាមេរិក-កម្ពុជា (American Cambodian Business Chamber- ACBC) ដឹកនាំដោយ លោកស្រី Sokveasna Chan ស្ថាបនិក និងជាប្រធាន ACBC ចូលជួបសម្តែងការគួរសម និងពិភាក្សាការងារ នៅវិមានសន្តិភាព។
កម្ពុជាត្រៀមបញ្ជូនអត្តពលិក ១០៦នាក់ លើ ១៤ប្រភេទកីឡា ចូលរូមការប្រកួតកីឡាអាស៊ី (Asian Games) លើកទី២០ នៅប្រទេសជប៉ុន ដែលគ្រោងនឹងបើកការប្រកួតនាថ្ងៃទី១៩ ខែកញ្ញា និងបិទនាថ្ងៃទី៤ ខែតុលាខាងមុខ ក្នុងនោះមានកីឡាសក្ដានុពលយ៉ាងហោច ៤ ដែលត្រូវបានរំពឹងអាចប្រជែងមេដាយជូនជាតិ។ នេះបើតាមប្រសាសន៍ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា។ ក្នុងកិច្ចសម្ភាសន៍មុនចេញទៅចូលរួមព្រឹត្តិការណ៍កីឡាប្រចាំទ្វីប ៤ឆ្នាំម្ដង នាសប្ដាហ៍ក្រោយ ឯកឧត្តមបានបញ្ជាក់ថា ឆ្លងកាត់ការវាយតម្លៃយ៉ាងល្អិតល្អន់ មានអត្តពលិក...
ភ្នំពេញ ៖ កម្លាំងគណៈបញ្ជាការឯកភាពរដ្ឋបាលរាជធានីភ្នំពេញ បានបន្តប្រតិបត្តិការ បានឆ្មក់ឆែកឆេរទីតាំងផ្ទះលេខ១៤៧DZ ផ្លូវលេខ១៩២Z ក្រុមទី២៣ ភូមិ៩ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ បានរកឃើញ កេសទូរស័ព្ទដៃចំនួន០៧កេស មានទូរស័ព្ទចំនួន ១១៤៥គ្រឿង ,គ្រឿងបន្លាស់កុំព្យូទ័រចំនួន១៦កេស សរុបរួមមានចំនួន៤៧១គ្រឿងបន្លាស់ កាលពីវេលាម៉ោង១២និង៣០នាទីថ្ងៃត្រង់ ថ្ងៃទី០៩ ខែកញ្ញា ឆ្នាំ២០២៦។ ប្រតិបត្តិការនេះ ធ្វើឡើងក្រោមបទបញ្ជាផ្ទាល់របស់ឯកឧត្តម ឃួង ស្រេង អភិបាលរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក្រោមការដឹកនាំអនុវត្តប្រតិបត្តិការបង្ក្រាបផ្ទាល់ដោយ លោក សុខពេញវុធ អភិបាលរងរាជធានី និងលោកវរសេនីយ៍ឯក ស៉ឹម ពិសិដ្ឋ អធិការនគរបាលខណ្ឌទួលគោក ក្រោមការសម្របសម្រួលនីតិវិធីច្បាប់ដោយលោក ទិន សុចិត្រា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ។ ក្នុងនោះដែរ កម្លាំងបានឆែកឆេរទីតាំងផ្ទះខាងលើក៏បានប្រទះឃើញវត្ថុតាងរួមមាន៖ កេសទូរស័ព្ទដៃចំនួន០៧កេស...
ភ្នំពេញ៖ កម្ពុជានឹងធ្វើជាម្ចាស់ផ្ទះរៀបចំ «សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ICCOS)» ចាប់ពីថ្ងៃទីថ្ងៃទី២៣-២៤ ខែកញ្ញានេះ ក្រោមប្រធានបទ៖ « រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា»។ តាមរយៈការរៀបចំសន្និសីទអន្តរជាតិដ៏មានសារៈសំខាន់នេះ រាជរដ្ឋាភិបាលកម្ពុជាបានបង្ហាញយ៉ាងច្បាស់អំពីកិច្ចខិតខំប្រឹងប្រែងយ៉ាងសកម្ម ក្នុងការប្រយុទ្ធប្រឆាំងនឹង Online Scams ព្រមទាំងរួមចំណែកដល់កិច្ចខិតខំជាសកលក្នុងការទប់ទល់នឹងឧក្រិដ្ឋកម្មឆ្លងដែន ដែលជាវិបត្តិសកលលោក។ សន្និសីទនេះ នឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ កាលបរិច្ឆេទ៖ ថ្ងៃទី២៣-២៤...
ឧត្តរមានជ័យ៖ នៅរសៀលថ្ងៃទី០៩ ខែកញ្ញា ឆ្នាំ២០២៦នេះ រដ្ឋបាលខេត្តឧត្ដរមានជ័យ បានរៀបចំពិធីចាប់ឆ្នោតជ្រើសរើសដីឡូត៍ និងលំនៅឋានបណ្តោះអាសន្ន សម្រាប់ជូនដល់ពលរដ្ឋភៀសសឹក មកពីក្រុងសំរោង ស្រុកអន្លង់វែង និងស្រុកបន្ទាយអំពិល ខេត្តឧត្តរមានជ័យ នៅបរិវេណភូមិស្រះកែវ ឃុំពង្រ ស្រុកចុងកាល់ ក្រោមវត្តមាន ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ ដោមានសមាសភាពចូលរួមយ៉ាងច្រើនកុះករផងដែរ។ លោក គង់ គន្នារិទ្ធ អភិបាលរងខេត្ត...